என்னை ஒழுங்குபடுத்துகையில் கோபமடையாதேயும்.

உமது அம்புகள் என்னை ஆழமாகத் தாக்கியுள்ளன.

இப்போது என் உடல் முழுவதும் புண்களாயிருக்கின்றன.

என் எலும்புகள் எல்லாம் வலிக்கின்றன.

என் தோளில் அக்குற்றங்கள் பாரமாக உள்ளன.

இப்போது ஆறாத காயங்கள் என்னில் உள்ளன.

நாள் முழுவதும் நான் வருத்தமடைந்திருக்கிறேன்.

என் உடல் முழுவதும் துன்புறுகிறது.

வலியினால் முனகவும், அலறவும் செய்கிறேன்.

என் பெருமூச்சு உமக்கு மறைவாயிருக்கவில்லை.

என் பார்வை பெரிதும் மங்கிப் போயிற்று.

என் குடும்பத்தாரும் என்னை நெருங்குவதில்லை.

பொய்யையும், வதந்திகளையும் அவர்கள் பரப்புகிறார்கள்.

என்னைக் குறித்து எப்போதும் பேசுகிறார்கள்.

நான் பேசமுடியாத ஊமையைப் போலானேன்.

என் பகைவர்கள் தவறு செய்கிறார்கள் என்பதை நிரூபிக்க என்னால் இயலவில்லை.

எனது தேவனாகிய ஆண்டவரே, நீர் எனக்காகப் பேச வேண்டும்.

நான் நோயுற்றிருப்பதை அவர்கள் காண்பார்கள்.

செய்த தவற்றிற்கு நான் தண்டனை அனுபவிப்பதாக அவர்கள் கூறுவார்கள்.

என் நோவை என்னால் மறக்க இயலாது.

என் பாவங்களுக்காகக் கவலையடைகிறேன்.

அவர்கள் பல பல பொய்களைக் கூறியுள்ளார்கள்.

ஆனால் நான் அவர்களுக்கு நல்லவற்றையே செய்தேன்.

நான் நல்லவற்றை மட்டுமே செய்ய முயன்றேன், ஆனால் அந்த ஜனங்கள் எனக்கெதிராகத் திரும்பினார்கள்.

என் தேவனே, என் அருகே தங்கியிரும்.

என் தேவனே, என்னை மீட்டருளும்.