அவனது பகைவர்கள் எல்லோரும் அவனை விட்டு ஓடிப் போகட்டும்.

நெருப்பில் உருகும் மெழுகைப்போன்று உமது பகைவர்கள் அழிந்துபோகட்டும்.

நல்லோர் தேவனோடுகூட மகிழ்ச்சியாய் காலம் கழிப்பார்கள்.

நல்லோர் களிப்படைந்து மிகவும் மகிழ்ச்சிக்கொள்வார்கள்.

அவர் நாமத்தை துதித்துப் பாடுங்கள்.

அவர் பாலைவனத்தில் அவரது இரதத்தைச் செலுத்துகிறார்.

அவரது நாமத்தைத் துதியுங்கள்.

தேவன் விதவைகளைக் கவனித்துக்கொள்கிறார்.

தேவன் அவரது ஜனங்களைச் சிறையிலிருந்து தப்புவிக்கிறார்.

ஆனால் தேவனுக்கு எதிராகத் திரும்பும் ஜனங்களோ கொடிய சிறையிலே உழல்வார்கள்.

நீர் பாலைவனத்தின் குறுக்காகக் கடந்து சென்றீர்.

இஸ்ரவேலின் தேவன் சீனாய் மலைக்கு வந்தார், வானம் உருகிற்று.

மழையைப் பெய்யப்பண்ணினீர்.

தேவனே, அங்கு ஏழைகளுக்குப் பல நல்ல பொருள்கள் கிடைக்கும்படி செய்தீர்.

பலர் நற்செய்தியைக் கூறச் சென்றனர்.

வீரர் போருக்குப்பின் தந்த பொருள்களை வீட்டில் பெண்கள் பங்கிட்டனர்.

வீட்டில் தங்கியிருந்தோர் செல்வத்தைப் பகிர்ந்துகொண்டனர்.

புறாக்களின் சிறகுகளை பெறுவார்கள்.

அச்சிறகுகள் பொன்னால் பளபளத்து ஒளிரும்.”

அவர்கள் விழும் பனியைப் போலானார்கள்.

தேவன் அம்மலையை (சீயோன்) நேசிக்கிறார்.

என்றென்றும் வாழும்படி கர்த்தர் அம்மலையைத் தேர்ந்தெடுத்தார்.

அவரை இலட்சக்கணக்கான இரதங்கள் பின் தொடருகின்றன.

சிறைப்பட்டோரின் கூட்டத்தை அவர் வழிநடத்தினார்.

தேவனாகிய கர்த்தர் அங்கு வசிப்பதற்கு ஏறிச்சென்றார்.

ஒவ்வொரு நாளும் நாம் சுமக்கவேண்டிய பாரங்களைச் சுமப்பதற்கு அவர் உதவுகிறார்.

தேவன் நம்மை மீட்கிறார்.

நமது தேவனாகிய கர்த்தர் நம்மை மரணத்திலிருந்து காப்பாற்றுகிறார்.

அவரை எதிர்த்த ஜனங்களை தேவன் தண்டிக்கிறார்.

மேற்கிலிருந்து பகைவனை வரவழைப்பேன்.

உன் நாய்கள் அவர்களின் இரத்தத்தை நக்கும்” என்றார்.

என் அரசராகிய பரிசுத்த தேவன் வெற்றி ஊர்வலத்தை நடத்திச் செல்வதை ஜனங்கள் காண்பார்கள்.

பின்னர் தம்புரு மீட்டும் இளம் பெண்கள் வருவார்கள்.

இசைக் கலைஞர்கள் பின்னே வீர நடையிடுவார்கள்.

இஸ்ரவேலின் ஜனங்களே, கர்த்தரைத் துதியுங்கள்!

அங்கு யூதாவின் பெரிய குடும்பமும் இருக்கிறது.

கடந்த காலத்தில் எங்களுக்காய் பயன்படுத்தின உமது வல்லமையைக் காட்டும்.

அரசர்கள் தங்கள் செல்வத்தை உமக்காகக் கொண்டு வருவார்கள்.

அத்தேசங்களின் “காளைகளும்” “பசுக்களும்” உமக்குக் கீழ்ப்படியச் செய்யும்.

இப்போது அவர்கள் வெள்ளியை உம்மிடம் கொண்டுவரச்செய்யும்.

தேவனே, எத்தியோப்பியர்கள் அவர்களது செல்வத்தை உம்மிடம் கொண்டு வரச்செய்யும்.

நமது ஆண்டவருக்கு துதிப் பாடல்களைப் பாடுங்கள்!

அவரது வல்லமையான குரலுக்குச் செவிக்கொடுங்கள்!

இஸ்ரவேலரின் தேவன் தமது ஜனங்களை பெலுமும், வல்லமையும் உள்ளோராக்குகிறார்.

இஸ்ரவேலரின் தேவன் அவரது ஜனங்களுக்கு பெலத்தையும், வல்லமையையும் கொடுக்கிறார்.