உமது நாமத்தை நான் என்றென்றும் எப்போதும் போற்றுகிறேன்.

நான் உமது நாமத்தை என்றென்றும் எப்போதும் துதிக்கிறேன்.

ஜனங்கள் அவரை அதிகம் துதிக்கிறார்கள்.

அவர் செய்கிற பெருங்காரியங்களை நாம் எண்ணமுடியாது.

நீர் செய்யும் உயர்ந்த காரியங்களைக் குறித்து அவர்கள் சொல்வார்கள்.

உமது அதிசயங்களைப் பற்றி நான் சொல்வேன்.

நீர் செய்யும் மேன்மையான காரியங்களைப்பற்றி நான் சொல்வேன்.

உமது நன்மையைப்பற்றி ஜனங்கள் பாடுவார்கள்.

கர்த்தர் பொறுமையும் மிகுந்த அன்புமுள்ளவர்.

தேவன் தாம் உண்டாக்கின எல்லாவற்றிற்கும் அவரது இரக்கத்தைக் காட்டுகிறார்.

உம்மைப் பின்பற்றுவோர் உம்மை ஆசீர்வதிக்கிறார்கள்.

நீர் எவ்வளவு மேன்மையானவர் என்பதை அவர்கள் சொல்வார்கள்.

உமது அரசு எவ்வளவு மேன்மையும் அற்புதமுமானது என்பதை அவர்கள் அறிந்துகொள்கிறார்கள்.

நீர் என்றென்றும் அரசாளுவீர்.

கர்த்தர் தொல்லையில் சிக்குண்ட ஜனங்களுக்கு உதவுகிறார்.

அவற்றிற்குத் தக்க நேரத்தில் நீர் உணவளிக்கிறீர்.

ஒவ்வொரு உயிரினத்திற்கும் தேவையான எல்லாவற்றையும் கொடுக்கிறீர்.

அவர் செய்பவை எல்லாம் அவர் எவ்வளவு நல்லவர் என்பதைக் காட்டும்.

உண்மையாகவே அவரைத் தொழுதுகொள்கிற ஒவ்வொருவரிடமும் அவர் நெருக்கமுள்ள வராயிருக்கிறார்.

கர்த்தர் தம்மைப் பின் பற்றுவோருக்குச் செவிகொடுக்கிறார்.

அவர்களின் ஜெபங்களுக்கு அவர் பதிலளித்து அவர்களைக் காப்பாற்றுகிறார்.

ஆனால் கர்த்தர் தீயோரை அழிக்கிறார்.

என்றென்றைக்கும் எப்போதும் அவரது பரிசுத்த நாமத்தை ஒவ்வொருவரும் துதிக்கவேண்டுமென நான் விரும்புகிறேன்.