1 O SENYÈ, ✡ Sòm 6:1pa repwoche mwen nan kòlè Ou,

ni fè m chatiman nan kòlè Ou k ap brile.

2 Paske ✡ Job 6:4flèch Ou yo fin antre fon anndan m,

epi men Ou fin peze m.

3  ✡ És 1:6Nanpwen anyen ki ansante nan chè m,

akoz endiyasyon Ou.

Nanpwen lasante nan zo m yo

akoz peche mwen.

4 Paske ✡ Esd 9:6inikite mwen yo fin monte sou tèt mwen.

Tankou yon fado lou, yo peze twòp pou mwen.

5 Blesi mwen yo vin santi e anfle akoz ✡ Sòm 69:5foli mwen.

6 Mwen fin koube nèt e ✡ Sòm 35:14bese anpil.

Mwen ap fè doulè tout lajounen.

7 Paske ren mwen plen ak ✡ Sòm 102:3brile.

Nanpwen anyen ansante nan chè m.

8 Mwen ✡ Lam 1:13-20pa kab santi anyen ankò.

Mwen fin kraze nèt.

Vwa m plenyen akoz kè m ajite.

9 SENYÈ, tout volonte m devan Ou.

Tout ✡ Sòm 6:5 plent a vwa m yo pa kache a Ou menm.

10 Kè m bat fò, ✡ Sòm 31:10fòs mwen kite m.

Menm limyè a zye m, menm sa fin kite mwen.

11 Pwòch mwen yo avèk zanmi mwen yo

kanpe nan distans akoz touman m.

Fanmi m yo ✡ Luc 23:49kanpe byen lwen.

12 Sila ki chache lavi m yo, ap prepare pyèj yo pou mwen.

Sila ki chache fè m donmaj yo ap fè menas destriksyon.

Y ap manniganse trayizon tout lajounen.

13 Men mwen menm, tankou yon moun mouri,

mwen pa tande;

Epi se tankou yon bèbè, ki pa ouvri bouch li.

14 Wi, mwen tankou yon nonm ki pa tande.

E nan bouch mwen, pa gen repons.

15 Paske mwen mete espwa m nan Ou, O SENYÈ.

Ou ✡ Sòm 17:6va reponn, O SENYÈ, Bondye mwen an.

16 Paske mwen te di: “Ke yo pa vin rejwi sou mwen.

Pou lè pye m chape, pou yo ✡ Sòm 35:26ta vante tèt yo kont mwen.”

17 Paske mwen prèt pou tonbe.

✡ Sòm 13:2Tristès mwen devan m tout tan.

18 Konsa, mwen konfese inikite mwen.

Mwen ranpli avèk ✡ II Kor 7:9-10 regrè akoz peche m.

19 Men lènmi m yo plen kouraj e fò.

Yo anpil ki ✡ Sòm 35:19rayi mwen san koz.

20 Sila ki remèt mal pou byen yo

se lènmi m akoz mwen swiv sa ki bon.

21 Pa abandone m, O SENYÈ.

O Bondye m nan, ✡ Sòm 22:19pa rete lwen m!

22 Fè vit pou ede mwen,

O SENYÈ, delivrans mwen an!