28
1 Anverite, gen yon min pou ajan
e yon plas pou rafine lò.
2 Fè retire nan pousyè a
e kwiv la fonn soti nan wòch la.
3 Lòm fè tenèb la pati,
e rive ✡ Ekl 1:13jis nan dènye limit lan.
Li chache twouve wòch kap kache a,
ak nan pwofon fènwa.
4 Li fouye yon twou fon byen lwen kote moun rete,
kote ki bliye nèt pa pye moun.
Konsa, yo pandye, yo balanse byen lwen limanite.
5 Pou tè a, depi nan li, manje sòti,
men anba, li boulvèse tankou dife.
6 Wòch li se sous a pyè safi yo.
Epi nan pousyè li, genyen lò.
7 Chemen li pa rekonèt pa koukou,
ni zye grigri pa janm wè l.
8 Bèt pi fewòs yo pa mache la,
ni lyon pa pase sou li.
9 Li mete men li sou wòch silèks la.
Li chavire mòn yo soti nan baz yo.
10 Li kreve kanal ki pase nan wòch yo,
e zye li wè tout sa ki presye.
11 Li bouche flèv yo pou dlo pa koule
e sa ki kache yo, li fè yo parèt nan limyè.
12 “Men se ✡ Job 28:23-28kibò yo twouve sajès?
Epi kibò yo jwenn sajès la?
13 ✡ Mat 13:44-46Lòm pa konnen valè li,
ni valè li pa kab twouve nan peyi
moun vivan yo.
14 Labim nan di: “Li pa nan mwen”.
Lanmè a di: ‘Li pa bò kote m’.
15 ✡ Pwov 3:13-14Lò pi pa egal ak valè l,
ni ajan pa kab peze kon pri li.
16 Valè li pa kab konpare ak lò Ophir,
oswa oniks presye, oswa safì.
17 ✡ Pwov 8:10Ni lò ni vit pa egal avè l,
ni li pa kab fè echanj pou bagay ki fèt an lò fen.
18 Koray ak kristal, bliye sa nèt.
Posede ✡ Pwov 8:11sajès se pi wo ke pèl.
19 Topaz a Éthiopie a pa kab konpare avè l;
ni li pa kab valorize an ✡ Pwov 8:19lò pi.
20 E byen, ✡ Job 28:23-28se kibò sajès la sòti?
Epi kibò anplasman bon konprann nan ye?
21 Konsa, li kache a zye de tout èt vivan yo
e kache menm a zwazo syèl yo.
22 ✡ Job 26:6Labim nan ak lanmò a pale:
‘Ak zòrèy nou, nou konn tande rapò bagay sa a.’
23 ✡ Job 9:4Bondye konprann chemen li
e Li konnen plas li.
24 “Paske Li ✡ Sòm 11:4chache jis rive nan dènye pwent latè
e wè tout bagay anba syèl yo.
25 Lè L te bay ✡ Sòm 135:7pwa a van an
e te ✡ Job 38:8-11divize dlo yo pa mezi,
26 Lè L te etabli yon ✡ Job 37:6-12limit pou lapli
e yon chemen pou kout eklè,
27 Li te wè l e Li te deklare li.
Li te etabli li e anplis, Li te konprann bout li.
28 Konsa, a lòm Li te di:
‘Gade byen, ✡ Pwov 9:10lakrent Senyè a, se sa ki sajès;
epi kite mal, se sa ki bon konprann.’ ”