1 A ko adala dive o caro o Avgust naredinđa te ćerel pe popis oto sa o manuša ano carstvo e rimesoro 2 Adava inele prvo popis ćerdo sar o Kirije ine vladini ani Sirija. 3 I sa o manuša džele pumenđe ko dizja te upisinen pe. 4 Ađahar da o Josif, pošto inele oti familija hem oti linija e Davidesiri, dželo tari diz Nazaret oti Galileja ki diz Vitlejem oti Judeja kote o David bijandilo. 5 Dželo adari sar te upisini pe pla verenicaja e Marijaja koja inele khamni. 6 I sar on inele ano Vitlejem, alo e Marijakoro vreme te bijani. 7 I bijanđa ple prvone čhave. Paćarđa le hem pašljarđa le ano jasle adalese so ko čher kote lovenđe šaj te xal pe hem te sovel pe na inele than olenđe. 8 A ko isto kravo inele o pastirija kola, bešindoj avrijal sar e raćakere stražarija, pazinde upro pumaro stado. 9 I o anđeo e Devlikanesoro (Gospodesoro) (Gospodesoro) terdino uzalo lende hem i slava e Devlikanesiri (Gospodesiri) osvetlinđa len; i pherdile bari dar. 10 I o anđeo phenđa lenđe: “Ma daran! Ače, anava tumenđe šukar lafi (vest) oti bari radost koja ka ovel sa e narodose! 11 Avdive, ani diz e Davidesiri, bijandilo tumenđe o Spasitelji - kovai o Hrist o Devlikano (Gospod). 12 I akava ka ovel tumenđe znako: e bebe ka arakhen sar paćardo ano pelene hem pašljola ano jasle.” 13  14 Otojekhvar uzalo anđeo pojavinđa pe bari vojska odupral koja hvalinđa e Devle vaćerindoj: “Slava e Devlese ko učipe (visine), a ki phuv mir e manušenđe kolen volini!” 15 I Samo so đelefse olendar o anđelja ano nebo, ulo adava da o pastirija vaćerde jekh averese: “Hajde te đa đi o Vitlejem i te dikha so ulo adari, so mothovđa (objavinđa) amenđe o Devlikano (Gospod).” 16 I đele sigate i arakhle e Marija, e Josife hem e bebica sar pašljola ano jasle. 17 A ked dikhle, vaćerde sa so inolenđe phendo oto čhavoro. 18 I sare kola šunde adava oduševisale adaleja so ine lenđe vaćerdo oto pastirija. 19 A i Marija garavđa sa adala lafija hem razmislinđa olendar pese ano vilo. 20 I o pastirija đelefse slavindoj hem hvalindoj e Devle za sa okova so šunde hem so dikhle baš sar so ine lenđe vaćerdo. 21 Ked pherdile ofto dive te ovel obrezime, dinde le anav Isus, sar so vičinđa le o anđeo angleder negoli inele začeto ano vođi. 22 Ked lengere dive oto kosljariba (čistiba) pherdile (ispunisale), palo zakoni e Mojsijasoro, ande le ano Jerusalim te mothoven Ole e Devlikanese (Gospodese) (Gospodese), 23 sar so pisini ano zakoni e Devlikanesoro (Gospodesoro): sa đijekh murš prvenco te ovel vičime - posvetime e Devlikanese (Gospodese), 24 i te den žrtva, sar soi vaćerdo ano zakoni e Devlikanesoro (Gospodesoro): duj grlice il duj terne golubija. 25 I tegani ano Jerusalim inele jekh manuš palo anav Simeon. Akava manuš inele pravedno hem pobožno, adžićerđa upri uteha zako Izrael i o Sveto Duho inele upro leste. 26 A ine lese objavime oto Sveto Duho da na ka dikhel o meriba dok na dikhela e Hriste e Devlikanese (Gospodese) re (Gospodesere). 27 I palo Duho, alo ani khanđiri. I ked o jeri (roditelja) ande e čhavore e Isuse, on adava ćerde premalo običaj oto zakoni Olesoro, 28 ov lelja Ole ki angali, hvalinđa e Devle hem phenđa: 29 “Akana mukeja kle kandine (sluga), Devlikaneja (Gospode), palo lafi klo, ano mir! 30 Adalese so me jaćha dikhle klo spasenje 31 savo ćerđan anglo sa o narodo: 32 svetlost te otkrijini zako nacije hem i slava te narodosiri e Izraelesiri. 33 A lesoro dad hem lesiri daj inele oduševime adaleja so šunde so vaćeri pe olestar. 34 Tegani o Simeon blagoslovinđa len i phenđa e Marijaće, lesere dajaće: “Dikh, akavai čhivdo zako periba hem vazdiba butengoro ano Izrael, i te ovel znako protiv kaste ka vaćeri pe. 35 A o mači ka čhinel ti duša - te šaj oven otkrijime bute vilengere mislija. 36 A inele i proročica i Ana, čhaj e Fanuelesiri, oto pleme e Asiresoro. Oj inele ano purane berša. Dživdinđa (živinđa) ple romeja efta berš oto plo čhajkanipe. 37 Oj inele udovica oftovaršuštar berš. Na ačhavđa o Hram, i dive i rat slavinđa ano post hem molitve. 38 I ko adava trenutko oj inele adari i hvalinđa e Devle hem vaćerđa olestar sarijenđe kola adžićerde oslobodiba e Jerusalimesoro. 39 Ked ćerde sa soi palo zakoni e Devlikanesoro (Gospodesoro), irinde pe ki Galileja, pumenđe ki diz Nazaret. 40 A o čhavoro barilo i zoralilo; pherdo oti mudrost hem i milost e Devlesiri inele upro leste. 41 A lesoro jeri (roditelja) đijekh (svako) berš đele ko Jerusalim zako prazniko Pasha. 42 Ked inole dešuduj berš, palo običaj e praznikosoro, on đele upre. 43 Ked pherdile adala dive, ked lelje te džanfse, o čhavoro o Isus ačhilo ano Jerusalim, a lesoro jeri (roditelja) adava na džande. 44 Dok mislinde dai maškaro manuša kola putujinde lencar, đele jekh dive phirindoj pa lelje te roden le maškaro pumarende hem maškaro pendžarutne. 45 Pošto naštine te arakhen le, irinde pe ko Jerusalim. 46 I palo trin dive arakhle le ano Hram sar bešela maškaro učitelja, šunela len hem pučela len. 47 I sare kola šunde le divinde pe lesere gođaće hem lesere iribnase. 48 I dikhindoj ole, inele iznenadime, a lesiri daj phenđa lese: “Čhavoreja, sose adava ćerđan amenđe? Jer i to dad i me zabrinuto rodinđam tut.” 49 Tegani ov phenđa olenđe: “Sose rodinđen ma? Na džanđen li da valjani te ovav ano adava soi me Dadesoro? 50 I on na razuminde o lafija save vaćerđa lenđe. 51 I hulilo olencar, alo ano Nazaret i ine lenđe poslušno. A lesiri daj garavđa sa adala lafija pese ano vilo. 52 A o Isus napredujinđa ano mudrost, ano berša hem ani milost koro Devel hem koro manuša.