1 A o Isus, pherdo e Sveto Duhoja, irinđa pe oti len Jordan; i oto Duho inele legardo ko čučo than (pustinja), 2 kaj inele saranda dive iskušime e bengestar. I na xalja ništa adala dive, i ked on pherdile, tegani bokhalilo.

3 I o beng phenđa olese: “Te injan e Devlesoro Čhavo vaćer akale barese te ovel maro.”

4 A o Isus irinđa lese: “Pisimei ko Sveto Lil: 'O manuš na ka dživdini (živini) samo oto maro.'”* 5. Moj. 8:3

5 I o beng legarđa le ko učo than i mothovđa lese đijekh carstvo (carstvo) e phuvjakoro otojekhvar, 6 i phenđa lese: “Tuće ka dav sa akava zoralipe hem i slava olengiri adalese soi dindi maje, i dava la kase me mangava. 7 Adalese, ako pereja ko kočija angla mande, sa ka ovel klo.”

8 I o Isus irinđa lese: “Pisimei ko Sveto Lil: 'Per ko kočija samo e Devlikanese (Gospodese), te Devlese, i samo olese te kande!'”† Pnz 6:13

9 I anđa le ko Jerusalim i čhivđa le upro naj učo than e Hramesoro i phenđa lese: “Te injan e Devlesoro Čhavo, frde tut akatar tele! 10 Adalese soi pisime ko Sveto Lil: 'Ka naredini ple anđelenđe zako tuće te arakhen tut'

11 hem: 'Ka akharen tut ko vasta te na zapnine ko bar.'”‡ Psalam 91:11,12

12 O Isus irinđa lese: “Vaćerdoi ko Sveto Lil: 'Ma kušin e Gospode, te Devle.'”§ Pnz 6:16

13 I ked završinđa đijekh kušnja, o beng cidinđa pe lestar đi disavi aver prilika.

14 I irinđa pe o Isus, ano zoralipe e Duhosoro, ki Galileja, i šundilo o glaso olestar ko sa o kravo. 15 I sikavđa olenđe ano sinagoge hem inele pohvalime sarijendar.

16 I alo ko Nazaret kote barilo i đerdinđa, palo plo adeti ko dive e savatesoro, ani sinagoga i uštino te čitini. 17  I ine lese dindo o lil oto proroko Isaija. Ov phravđa o lil i arakhlja o than kaj ine pisime:

20 Tegani phandlja o lil, irinđa le e kandineste (slugaste), i beštino te sikaj. I sare ani sinagoga dikhlje ano leste. 21 A o Isus lelja te vaćeri lenđe: “Avdive pherdilo (ispuninđa pe) o Lil savo šunđen tumare kanencar.”

22 I sare vaćerde šukar olestar hem inele zadivime oto šukar lafija save iklistile lesere mujestar, i vaćerde: “Nane li ov e Josifesoro čhavo?”

23 A ov phenđa lenđe: “Čače ka vaćeren maje adaja poslovica: 'Doktore, sasljar korkore tut!' So šunđam so ulo ano Kafarnaum, ćer i akate, ano than kote bariljan.” 24 I phenđa: “Čače, phenava tumenđe, nijekh proroko nane prihvatime pese ko than kote barilo. 25 I čače, phenava tumenđe, inele but udovice ano Izrael e Ilijase ko vreme ked o nebo inele phandlo† Na inele bršin trin berša hem šov masek i pojavisalo baro bokhalipe ki sa i phuv. 26 I nijekhaće olendar na inele bičhaldo o proroko Ilija sem ki abanđijengiri diz Sarepta uzalo Sidon e udovicaće. 1 Kr 17. 27 I inele but gubavci ano Izrael e prorokose e Jelisejese ko vreme, i nijekh olendar na inele sasljardo sem o Neman o Sirijco.” 2 Kr 5,1–14.

28 I sare ani sinagoga pherdile xoli ked šunde adava. 29 I uštindoj ispudinde le oti diz, i legarde le upre ko brego upro savo lengiri diz inele vazdime te šaj frden le odupral. 30 Ali o Isus nakhino maškar olende i đelo.

31 I hulilo ano Kafarnaum, i diz oti Galileja, i sikavđa olen ko dive e savatesoro. 32 I on inele zadivime lesere sikavibnaja adalese so lesoro vaćeriba inele ano autoritet. 33 A adari, ani sinagoga, inele manuš e demonesere melale duhoja i oto sa o glaso vičinđa: 34 “Oh, so isi tut amencar, Isuse Nazarećanine? Aljan li te uništine amen? Džanav ko tu injan: o Sveco e Devlesoro.” 35 Tegani o Isus ukorinđa le: “Phand to muj i ikljov olestar!” I o demoni frdinđa le maškaro manuša, iklistilo olestar i ni xari na dukhavđa le.

36 I sare darandile hem vaćerde jekh avereja ađahar: “Savo li vaćeriba adava da ano autoritet hem ano zoralipe (sila) naredini e melale duhovenđe i ikljona?”

37 I o glaso olestar buljardilo (širinđa pe) ko sa pašutne (okolina) thana.

38 O Isus iklistilo tari sinagoga i đelo ko čher e Simonesoro. E Simonesere sasuja inele bari jag. I on zamolinde le olaće.‡ Te sasljari la 39 I o Isus terdino uzalo late, naredinđa e jagaće i oj muklja la. I otojekhvar uštini i kandlja len.

40 Ked o kham hulilo, sarijen kolen inele namborme manuša oto razna nambormipa, ande len koro Isus. A ov upra svakoneste olendar čhivđa ple vasta i sasljarđa len. 41 A butendar da iklistile o demonja vičindoj hem vaćerindoj: “Tu injan o Čhavo e Devlesoro!” O Isus pretinđa len i na muklja len te vaćeren adalese so džande dai ov o Hrist.

42 Ked dislilo, o Isus iklistilo i đelo ko čučo than. I pherdo džene rodinde le. Ale đi leste i ačhavena le ine te na đalfse olendar. 43 A ov phenđa lenđe: “I ko avera dizja valjani te vaćerav o šukar lafi oto carstvo e Devlesoro adalese so adalese injum bičhaldo.” 44 I o Isus ine propovedini ano sinagoge ki Judeja.