6
O Isus po baro oto savato
(Mt 12,1–8; Mk 2,23–28)
1 Ko jekh savato o Isus nakhino maškaro njive. A lesere učenici čedinde e đivesoro klaso, morde le vastencar hem xale. 5. Mojs. 23,25. 2 Tegani disave fariseja phende: “Sose ćerena so na tromal pe ko savato palo e Mojsijasoro zakoni?”* O fariseja ićerde pe ko adava da hem tikuri buti ko savato sar soi 'te morel pe vastencar xari klaso' nane dozvolime palo e Mojsijasoro zakoni.
3 O Isus irinđa lenđe: “Sar na čitinđen ano Sveto Lil 1. Sam 21,1–6. adava o David so ćerđa ked inele bokhalo hem okola da so inele oleja, 4 da đerdinđa ano čher e Devlesoro, lelja o posvetime maro, savo nikase na inele muklo te xan sem e sveštenikonenđe, i xalja hem dinđa okolenđe so inele oleja?” 5 I phenđa lenđe: “O Čhavo e Manušesoroi† O Isus korkoro pes vičini “Čhavo e Manušesoro” gospodari e savatesoro.”
O Isus sasljari ko savato
(Mt 12,9–14; Mk 3,1–6)
6 Ko aver savato, o Isus đerdinđa ki sinagoga i sikavđa. Adari inele jekh manuš kasoro desno vas inele šuko.
7 Tegani o učitelja e Mojsijasere zakonestar hem o fariseja posmatrinde ole na li ko savato ka sasljari, sar bi arakhena za sose te tužinen le. 8 A ov džanđa lengere mislija i phenđa e manušese kole ine šuko vas: “Ušti i terđov ko maškar!” I ov uštino i terdino. 9 A o Isus phenđa olenđe: “Te pučav tumen: soi muklo te ćerel pe ko savato: šukaripe il bišukaripe? Te spasini pe il te uništini pe o dživdipe?” 10 I dikhindoj sarijen, phenđa olese: “Mothov to vas!” I ov ćerđa ađahar i lesoro vas saslilo. 11 A on‡ O fariseja hem o učitelja e Mojsijasere zakonestar. pherdile bari xoli i vaćerde maškara pumende so bi ćerena e Isusese.
O Isus birini dešuduje apostolen
(Mt 10,1-4; Mk 3,13-19)
12 Adala dive, o Isus đelo ki gora te molini pe. I nakhavđa sa i rat ani molitva e Devlese. 13 Ked dislilo, vičinđa kora peste ple učenikonen i birinđa olendar dešudujen, kolen ćerđa te oven apostolja: 14 e Simone kole vičinđa Petar, hem lesere phrale e Andreja, e Jakove hem e Jovane, e Filipe hem e Vartolomeje, 15 e Mateje hem e Toma, e Jakove e Alfejevesere čhave hem e Simone kovai vičime Zilot,§ “Zilot” okova kova uštela protiv o rimsko vlast. 16 e Juda e Jakovesere čhave, hem e Juda tari diz Iskariot, kova ulo izdajica.
O Isus sikaj oto bahtalipe hem oto pharipe
(Mt 4,23-25; 5,1-12)
17 I o Isus hulindoj e Dešudujencar, terdino ko ravno than. A adari inele pherdo lesere učenici hem pherdo narodo oto sa o thana e judejakere hem oti diz Jerusalim, oto e tiresere hem e sidonesere pašutne thana savei uzalo more. 18 Ale te šunen le hem te oven sasljarde oto pumare nambormipa. I saslile okola so inele mučime oto melale duhija. 19 I sa o manuša rodinde te pipinen le adalese so bari sila ikljola ine olestar i sasljari sarijen.
20 I o Isus dikhlja ano ple učenici, i lelja te vaćeri:
“Bahtalei o čorore, adalese soi o carstvo e Devlesoro tumaro!
21 Bahtalei okola kolai akana bokhale, adalese so ka oven čaljarde!
Bahtalei okola kola akana rovena, adalese so ka asan!
22 Bahtale injen ked o manuša mrzinena tumen, ked odbacinena tumen, uvredinena tumen hem lađarena tumen da injen bišukar adalese so verujinena ano Čhavo e Manušesoro!* Ked vaćeri Čhavo e Manušesoro mislini upra peste.
23 Radujinen tumen ko adava dive hem ripinen oto radost, adalese so, dikh, bari tumari nagrada ko nebo! Adalese so ađahar ćerena ine e prorokonencar ano lengoro vreme!
24 Ali jao tumenđe e barvalenđe, adalese so akana leljen tumari uteha!
25 Jao tumenđe kola akana injen čaljarde, adalese so ka oven bokhale!
Jao tumenđe kola akana asana, adalese so ka tugujinen hem ka roven!
26 Jao tumenđe ked sa o manuša vaćerena šukar tumendar! Adalese so ađahar vaćerena ine e hovavne prorokonendar ano lengoro vreme!”
Mangen tumare dušmanjen
(Mt 5,38-48; 7,12)
27 “A vaćerava tumenđe so šunena: 'Mangen tumare dušmanjen! Ćeren šukaripe okolenđe so mrzinena tumen! 28 Vaćeren šukaripe okolenđe so dena tumen armanja! Molinen e Devle okolenđe so ćerena tumenđe bišukaripe! 29 Okolese kova khuvela tut ki čham, irin hem aver čham. Okolese kova lela to fostani, ma zabranin hem o gad. 30 De đijekhese kova rodela tutar, i ma rode palal okolestar kova lela tutar. 31 I sar so mangena avera te ćeren tumenđe, ađahar ćeren tumen olenđe.
32 Te mangljen samo okolen so tumen mangena, ko ka vaćeri tumenđe hvala? Adalese so hem o grešnici mangena okolen so olen mangena. 33 Ađahar da, te ćerđen šukaripe okolenđe so tumenđe ćerena šukaripe, ko ka vaćeri tumenđe hvala? Hem o grešnici ćerena ađahar. 34 Te dinđen ko zajam love okolenđe kastar adžićerena te irinen tumenđe, ko ka vaćeri tumenđe hvala? Hem o grešnici dena ko zajam jekh averese te šaj irini pe lenđe edobor.
35 Nego, mangen tumare dušmanjen, ćeren lenđe šukaripe hem den len ko zajam bizo nisavo adžićeriba te irini pe tumenđe adava! I o Devel ka vaćeri tumenđe bari hvala. I ka oven čhave e Najbaresere† ka oven čhave e Najbaresere (e Develesere) značini “ka mothoven e Develesere osobine hem ka ponašinen tumen sar ov so ponašini pe”. ,‡ O lafi ''Najbaro'' anavi zako Devel. Adava anav vaćeri oto lesoro baripe hem zoralipe. Akava lafi sličnoi zako lafija ''Legarutno/Vođa” ili “Najučo”. Adava značini da nijekh nane pobaro ili poučo olestar — Devel kovai pobaro sarijendar. adalese soi ov šukar§ šukar O Devel dela milost ađahar so dela šukaripe okolenđe so na zaslužinena le. hem premalo nezahvalna hem premalo okola kola nane šukar. 36 Oven milosrdna sar soi milosrdno* milosrdno O Devel dela milosrđe ađahar so na dela kazna okolenđe so zaslužinena la. tumaro Dad kovai ano nebo!”
O Isus sikaj te na sudina averen
(Mt 7,1-5)
37 Ma sudinen i čače na ka oven sudime! I ma osudinen i čače na ka oven osudime! Oprostinen† Oprostinen značini “te oslobodinen disave oti kazna”. i ka oprostini pe tumenđe! 38 Den i ka del pe tumenđe: mera šukar, pritiskime, tresime hem prepherdi ka čhiven tumenđe ki angali. Adalese so sava meraja merinena esavkaja ka merini pe tumenđe.”‡ O Develi sar o trgovco kova na žalini o điv, kova dela averenđe điv i buderi oti mera savi rodena olestar
39 I vaćerđa lenđe paramiz: “Šaj li o kororo te legari e korore? Na li solduj ka peren ki rupa? 40 Nane o učeniko upreder o učitelj. I svako kovai sikavdo sa, ka ovel sar plo učitelj.§ O manuš valjani šukar te dikhel kas ka lel sar ple učitelje, adalese so ka ovel sar plo učitelj. Ako o učitelj na sikavđa šukar (adalese soi phandle lesere jaćha ano duho), o učeniko ka ovel prevarime.
41 A sose dikheja o karo ani jakh te phralesiri, a i greda ani ti jakh na primetineja? 42 Sar šaj te phene te phralese: 'Phrala, aš te ikalavtar o karo oti jakh', a korkoro na dikheja i greda ani ti jakh? Dujemujengereja, ikal angleder i greda oti kli jakh pa tegani šukar ka dikhe te ikale o karo oti jakh te phralesiri.
So ikljola oto šukar hem oto bišukar vilo
(Mt 7,17–20; 12,34–35)
43 Adalese so nane šukar kaš savo bijani lošno plodo, sar so nane lošno kaš savo bijani šukar plodo. 44 Adalese so đijekh kaš pendžarela pe palo lesoro plodo. Sar so džanen, o smokve na čedena pe oto kare ni o drakha na čedena pe oti kupina. 45 E šukare manuše isi šukaripe ano vilo, i ađahar, olestar ikali šukaripe, a o bišukar manuš ple vilestar ikali bišukaripe. Adalese so e manušesoro muj vaćeri adava saveja lesoro vilo pherdo.”
E Isusesoro sikajbai šukar temelji
(Mt 7,24-27)
46 “Sose vičinena man: 'Gospode, Gospode!', a na ćerena so vaćerava? 47 Đijekh kova avela mande hem šunela mle lafija hem ćerela len, ka mothovav tumenđe upra kaste ličini: 48 Ličini upro manuš kova ćerindoj plo čher handlja hem ćerđa hor hem pašljarđa o temelji ko bar. I ked ale o panja, i len khuvđa ko adava čher, ali našti ine te potresini le adalese so ćerdoi šukar.
49 A okova kova šunđa, a na ćerđa, ličini upro manuš kova ćerđa plo čher ki phuv bizo temelji, ko savo khuvđa i len i otojekhvar peravđa le i oto čher uli bari ruševina.”
6,1 5. Mojs. 23,25.
*6,2 O fariseja ićerde pe ko adava da hem tikuri buti ko savato sar soi 'te morel pe vastencar xari klaso' nane dozvolime palo e Mojsijasoro zakoni.
6,3 1. Sam 21,1–6.
†6,5 O Isus korkoro pes vičini “Čhavo e Manušesoro”
‡6,11 O fariseja hem o učitelja e Mojsijasere zakonestar.
§6,15 “Zilot” okova kova uštela protiv o rimsko vlast.
*6,22 Ked vaćeri Čhavo e Manušesoro mislini upra peste.
†6,35 ka oven čhave e Najbaresere (e Develesere) značini “ka mothoven e Develesere osobine hem ka ponašinen tumen sar ov so ponašini pe”.
‡6,35 O lafi ''Najbaro'' anavi zako Devel. Adava anav vaćeri oto lesoro baripe hem zoralipe. Akava lafi sličnoi zako lafija ''Legarutno/Vođa” ili “Najučo”. Adava značini da nijekh nane pobaro ili poučo olestar — Devel kovai pobaro sarijendar.
§6,35 šukar O Devel dela milost ađahar so dela šukaripe okolenđe so na zaslužinena le.
*6,36 milosrdno O Devel dela milosrđe ađahar so na dela kazna okolenđe so zaslužinena la.
†6,37 Oprostinen značini “te oslobodinen disave oti kazna”.
‡6,38 O Develi sar o trgovco kova na žalini o điv, kova dela averenđe điv i buderi oti mera savi rodena olestar
§6,40 O manuš valjani šukar te dikhel kas ka lel sar ple učitelje, adalese so ka ovel sar plo učitelj. Ako o učitelj na sikavđa šukar (adalese soi phandle lesere jaćha ano duho), o učeniko ka ovel prevarime.
DRAFT VERSION