17
1 A Ov phenđa ple učenikonenđe (učenikonenđe): “Nane moguće te na ovel zavodiba, ali pharipe okolese prekalo kaste avela! 2 Po šukar bi ovela lese ked bi o mlinsko bar ovela lese ki men hem te ovel frdime ano more, negoli te sablaznini jekhe akale tikorendar. 3 Pazinen tumen! Ako to phral grešini, ukorin le pa oprostin lese ako kajini pe. 4 I ako bi efta droma (puti) ano dive grešini premala tute hem bi efta droma irini pe premala tute vaćerindoj: 'Kajina ma!', oprostin lese.” 5 I o apostolja phenđe e Devlikanese (Gospodese) (Gospodese): “Vazde amari vera!” 6 A o Devlikano (Gospod) phenđa: “Ako isi tumen vera sar o zrno oti gorušica, phenena bi zako akava dudo: 'Ikal tut oto koreno hem sadin tut ano more!' I šunela bi tumen.” 7 “Ko bi tumendar phenela ple kandinese (slugase), kova handela il arakhela e bakren, ked irini pe oti njiva: 'Siđar ava i beš te xas'? 8 Na li bi, kontra, phenela lese: 'Spremin maje te xav hem ov adathe te kande ma dok xava hem pijava, a palo adava tu ka xas hem ka pije'? 9 Na li valjani te zahvalini e kandinese adalese so ćerđa adava so ine lese phendo? 10 Ađahar i tumen, ked ćerena sa soi tumenđe phendo, vaćeren: 'Amen injam kandine nezaslužna! Ćerđam adava so valjanđam te ćera!'” 11 I dok đelo ano Jerusalim, ulo adava da nakhino maškari Samarija hem i Galileja. 12 I ked đerdinđa ko disavo gav, resle le deš gubavci kola terdine odural 13 i vičinde vaćerindoj: “Isuse, Učitelju (Učitelju), smilujin tu amenđe!” 14 I dikhindoj len, phenđa lenđe: “Džan i mothoven tumen e sveštenikonenđe!” I dok đele, ulo adava da saslile. 15 I jekh olendar, dikhindoj adava da saslilo, irinđa pe slavindoj e Devle oto sa o glaso. 16 Pelo uzal olesere pre mujeja đi phuv hem zahvalinđa lese. A ov inele Samarjanco. 17 Tegani o Isus phenđa: “Na li deš saslile? 18 A kaj okola enja? Nijekh li na aračhilo te irini pe hem te slavini e Devle, sem akava tuđinco?” 19 I phenđa lese: “Ušti i đa! Ti vera spasinđa tut!” 20 A ked o fariseja pučle ole ked ka avel o carstvo (carstvo) e Devlesoro, Ov phenđa lenđe: “O carstvo e Devlesoro na avela primetljivo. 21 Ni na ka phenel pe: 'Eče, akatei, ili adari!' Jer, ače, o carstvo e Devlesoroi ana tumende!” 22 Tegani phenđa ple učenikonenđe: “Ka aven o dive ked ka mangen te dikhen jekh oto dive e Čhave e Manušesere, ali na ka dikhen. 23 Ka phenen tumenđe: 'Eče adari!' ili 'ače akatei!' Ma džan i ma hovavđoven! 24 Jer sar i munja so strefini oto jekh kravo oto nebo pa svetlini i ko dujto, ađahar ka ovel i e Čhaveja e Manušestar ano dive lesoro. 25 Ali angleder valjani but te patini hem te ovel odbacime akale bijanipnastar (generacijatar). 26 I sar so ulo ano dive e Nojasere, ađahar ka ovel ano dive e Čhavesere e Manušestar: 27 xale hem pile, ženinde pe hem dinde pe đi adava dive ked o Noje đerdinđa ki barka. I ali i poplava i sa uništinđa. 28 Ađahar da ulo ano dive e Lotesere: xale hem pile, činde hem bikninde, sadinde hem zidonde. 29 A ko adava dive ked o Lot iklistilo oti Sodoma, peli i jag hem o sumpor odupral i sa uništinđa. 30 Ađahar da ka ovel ano dive ked o Čhavo e Manušesoro ka mothoj (objavini) pe. 31 Ko adava dive ko ka ovel upro čher, a lesere stvarija ano čher, te na huljel te lel len. 32 Ađahar da ko ka ovel ki njiva, te na irini pe palal. Setinen tumen e Lotesere romnjatar! 33 Ko ka dikhel te spasini po dživdipe (životi), ka našali le; a ko ka našali le, ka ačhaj le dživde. 34 Phenava tumenđe, ki adaja rat ka oven duj džene ki jekh postelja: jekh ka lel pe, a o dujto ka ačhaj pe. 35 Ka oven duj kola ka meljinen zajedno: jekha ka lel pe, a e dujtona ka ačhaj pe.” 36 * # 37 I on irindoj, phenena lese: “Kaj, Devlikaneja (Gospode)?” A Ov phenđa lenđe: “Kaj ka ovel o trupo, adari ka čeden pe o lešinarja.”
DRAFT VERSION