Luka Luka 7

E kapetanesko paćipe

(Mt 8,5–13; Jn 4,43–54)

1 Kana o Isus dija gata sa godola alava anglo them, dija ando o gav Kafarnaum. 2 Varesavo rimsko kapetano* sasle robo savo sas nasvalo po smrto, a vo sas lešće but drago. 3 A kana o kapetano ašundas palo Isus,† bičhaldas lešće e jevrejske starešinen,‡ thaj molisardale te avel te sastarel lešće robo. 4 A von aviline ko Isus thaj počnisardine ilestar te molin les alavenca: “Zaslužisarda te ćeres lešće godova 5 kaj volil amaro them, thaj vo vazdas amenđe e sinagoga.”

6 A o Isus teljarda lenca. Thaj kana sas već paše ko ćher, bičhalda o kapetano pire drugaren leste te phenen lešće: “Gospode! Na trudisartu, kaj najsem dostojno te des tale mungro krovo.§ 7 Zato vi či inćaraman dostojno te avav angla tute, nego samo phen alav thaj sastola o sluga mungro. 8 Vi me sem manuš tele vlast thaj siman tale mande vojnikurja. Thaj kana phenav jećhešće: “Dža!”, vo džaltar. Thaj kana phenav averešće “Av!”, vo avel. Thaj kana phenav mungre robošće: “Ćer godova!”, vo ćerel.*

9 A kana godova ašundas o Isus, začudisajlo e kapetanošće thaj boldape ko them savo džalas pale leste thaj phendas: “Phenav tumenđe: Ke nijekh Izraelco či arakhlem gaći paćipe!”†

10 A kana kola kaj sas bičhalde katar o kapetano boldinepe ćhere, arakhline e robo kaj si sasto.

O Isus vazdel andar e mule e udovicaće čhaves

11 Pale godova o Isus teljarda ando gav savo akhardolas Nain.‡ Džanas pale leste učenikurija thaj o buto them. 12 Kana avilo paše ke gavesko vudar, dik, upravo inkalenas e mule te prahonle, e čhave jedinco pe dejaće, savi sas udovica. Lava sas o but o them andar o gav.

13 Kana dikhlala o Gospod, sažalisajlo pe late thaj phendas laće: “Na rov!” 14 Pale godova avilo ko mohto§, čhuta pe vas pe leste, thaj o kola kaj inđarenas le ačhiline. A vo phendas: “Čhaveja, tuće phenav: Ušti!”

15 O mulo vazdape, bešlo thaj počnisarda te ćerel svato. A o Isus dijale lešće dejaće.

16 A savora zadivisajle thaj počnisardine te hvalin e Devle alavenca: “Baro proroko avilo maškar amende!”, thaj: “O Del avilo ando pomoć pire themešće!”*

17 Thaj godova glaso pale leste buljilo pe saste Judejske krajurja thaj pe sasti okolina.

O Isus ćerel svato palo Jovano savo bolel

(Mt 11,2–11)

18 E Jovanešće učenikurija javisardine Jovanešće† sa so o Isus ćerdas. A vo akharda pe dujen učenikonen 19 thaj bičhaldalen ko Gospod te phučenle: “Da li san tu okova saves obećisardas o Del kaj trubul te avel, ili te ažućaras averes?”‡

20 Kana akala duj manuša aresline leste, phendine: “O Jovano savo bolel bičhaldamen tute te phučas tut: 'Da li san tu okova saves obećisardas o Del kaj trubul te avel, ili te ažućaras averes?'”

21 O Isus baš ande godova časo sastarelas e buten katar e razne nasvalimata, muke thaj katar e bilačhe duhurja, thaj e bute korenđe boldas o vido. 22 A o Isus phendas lenđe: “Džan thaj phenen e Jovanošće so upravo dikhlene thaj so ašundine: e kore dićhen, e banđe phiren, e gubave šlavenpe, e kašuće ašunen, e mule ušten, a e čorenđe§ propovedilpe e Bahtali nevimata.* 23 Blago okolešće savo či uvredilpe zbog mande.”

24 A kana đeletar e učenikurija e Jovanošće, o Isus počnisarda te phenel e bude themešće palo Jovano: “So inkljistine ande pustinja te dićhen? E trska, savja ljuljil e bavlal?† Na! 25 So dakle inkljistine te dićhen? Rome savo lija pe peste barvale drze? Na! E manuša save inđaren pe peste šukar drze thaj trajin ando raskoš si ande carošće dvorurja. 26 So dakle inkljistine te dićhen? E Proroko? Ej, me phenav tumenđe, vi majbut katar o proroko. 27 Kaj si vo okova pale savo o Del phendas ando Sveto lil:

'Ake me bičhalav mungre glasniko angle ćiro muj savo lačharela ćiro drom angle tute.'

28 Kaj phenav tumenđe: Nijek bijando katar e manušnji naj majbaro katar o Jovano, a o majcikno ando carstvo e Devlesko si majbaro lestar.‡

E mudre prihvatisaren e Isusesko thaj e Jovanesko sikavipe

(Mt 11,12–19)

29 Kana sa o them, thaj vi e carenikurja, save sas bolde e Jovanešće boldimasa, ašundine e Isuse sar ćerel svato, priznajisardine kaj si e Devlesko sikavipe ispravno. 30 Naprotiv e farizeja thaj e sikavne e Mojsiješće zakonešće čikamline te bolelen o Jovano. Von odbisardine so o Del planirisarda pale lende.

31 O Isus phendas: “Kasa te usporedisarav e romen akale naraštaješće? Kašće si slične? 32 Lenca si sago čhavrenca save či džanen sokamen bešen po sokako thaj jek avrešće čhon muj:

'Svirosardam tumenđe a tumen či ćheldine!

Đilabadam tumenđe tužaljke a tumen či i rujine!'

33 Gajda avilo o Jovano savo bolelas. Niti halas mangro niti pijelas mol, aj tumen phenen: 'O beng si ande leste!' 34 Avilo o Čhavo e Manušesko. Vi hal vi pije, a tumen phenen: “Dik, o manuš halapljivo thaj matarno, drugari e carinikongo thaj e bezehalengo.” 35 Savora save prihvatin e Develešći mudrost sikaven kaj si voj čači.”§

O Isus šaj te jartosarel e bezeha

(Mt 26,6–13; Mk 14,3–9; Jn 12,1–8)

36 Varesavo farizejo zamolisarda e Isuse te hal leste. O Isus dija ande farizejesko ćher thaj lijas than pale sinija.* 37 Kana ake avili varesošći manušnji savi sas bezehali ando gav. Ašunda kaj si o Isus pale sinija ande farizejesko ćher, avili thaj andas† e alabasterosko čaroro ande savo sas kuč mirisno pomast. 38 Ačhili pale lešće pungre. Počnisarda te rovel thaj e jasvenca te thovel lešće pungre, a pe balenca te khoselen. Čumidelas len thaj maćhelas e pomasteja. 39 Kana godova dikhla o farizeji savo akhardale ande piro čher, gndisarda ande peste: “Kana akava avilosas proroko, džanglasas ko si thaj sošći si akaja manušnji, savi dirile, kaj si bezehali.”

40 O Isus phendas lešće: “Simone, siman vareso te phenav tuće.”

A vo phendas: “Phen, sikavneja.”

41 O Isus nastavisardas: “Sas varesavo rom savo delas averenđe udžile love. Gajda sas duj džene save sas lešće udžile. Jek sas lešće udžile pandž šela denarja,‡ a aver pandžvardeš. 42 Sar naštik te boldine e love save sas lešće udžile, vo jartosarda liduj dženenđe. Savo lendar majbut volilale?”

43 O Simun phendas: “Gndiv kaj okova savešće si majbut jartome.”

A o Isus phendas lešće: “Lačhe phenes.”

44 Gajda boldape ke manušnji thaj phendas e Simunešće: “Dićhes akala manušnja? Dijem ande ćiro ćher, a tu ni paj či dijanman te thovav mungre pungre, a voj pe jasvenca thoda mungre pungre thaj pe balenca khoslalen.§ 45 Tu či ni čumidanman, a voj, sar dija andre, či ačhili te čumidel mungre pungre.* 46 Uljeja mungro šoro či makhlan, a voj pomasteja mungre pungre makhlas.† 47 Zato, phenav tuće: 'Voj sikadas but ljubav kaj si laće jartome e but e bezeha, a maj cara ljubav sikadas okova savo si maj cara svesno kaj si lešće jartome lešće bezeha‡.'” 48 A o Isus phendas e manušnjaće: “Jartome si tuće ćire bezeha.”

49 A kola save sas pale sinija počnisardine te mothom maškar pende: “Ko akava gndil kaj si kaj vi e bezeha jartosarel?”

50 A vo phendas e manušenjaće: “Zbog ćiro paćipe tu san spasime. Dža ando mir e Devlesa!”

Luka
<
7
>

*7,2 O kapetano si manuš savo zapovedil pe šel vojnikurja.

†7,3 O kapetano ašundas kaj o Isus sastardas e bute theme, thaj kaj si vo paše odnosno kaj boldapes ando Kafarnaum.

‡7,3 O Isus sas židovo a o kapetano nas, pa o kapetano gndisardas kaj o Isus maj rado uslišila e molba ako o židovo zamolisardasas les. Uglavno, e židovurja thaj e rimske vojnikurja sas dušmaja.

§7,6 E židovurja či dinesas andre ando ćher savo nas židovsko te na aven nečiste anglo Del.

*7,8 Baš sago kaj si e kapetano autoriteto te naređuil e vojskaće, gajda si e Isusese autoriteto te naredisarel e nasvalimašće te nestanil.

†7,9 O Isus očekuisardasas te e židoven avel kasavo paćipe, ali nas len. Vo či očekuisardasas katar okola save nas židovurja te avelen kasavo paćipe, a palem akale rome sas.

‡7,11 A kava si paše pašo than kaj o proroko Jelisej vazdas andar e mule e čhave e dejaće jedinco, šelenca brša majsigo (dik 2. Car 4,8–37).

§7,14 mohto Ando godova vrjama, e mohte či izgledinas sago kaj si ađes, nego sas nosilja savjensa inđarenas e mule samo džiko limori.

*7,16 E roma verovatno gndisardine kaj sas o Isuso baro proroko sago o Ilija ili o Jelisej, jedine duj roma ando Purano Savezo save vazdine varekas andar e mule (1. Car 17,17–24; 2. Car 4,18–37).

†7,18 O Jovano savo bolelas sas ando phanglipe.

‡7,19 E židovurja očekuisarenas kaj o Mesija avela caro savo avela thaj spasila len katar e rimsko vlada. Či očekuisardine te avel samo duhovno spasiteljo. O Jovano pindžarelas o proročanstvo palo Mesija sago kaj phendas o Is 42,7; 61,1–2 (dik takođe ando Lk 4,18–19). Gajda očekuisardas te o Isus postanisarel caro, thaj te e Jovane thaj e aver pravedne romen oslobodisarel andar o phanglipe, thaj te sudil thaj kaznil e romen save odbacisardine e Mesija (dik okova so phendas o Jovano ando Lk 3,9, 16–17), ali khanči katar godova još či dogodisajlo.

§7,22 e čorenđe O Isus anelas e Bahtali nevimata na samo e čorenđe, nego vi e duhovno čorenđe (dik Mt 5,3).

*7,22 Akala čudurja save o Isus čerelas dokažisardine kaj si vo o Mesija, sago kaj o proroko Izaija predvidisarda ando Is 29,18–19; 35,5–6; 61,1–2.

†7,24 O Jovan savo bolel naj manuš savo lako predomislilpes, sago e trska savija lako pomirisarel e bavlal.

7,27 Mal 3,1

‡7,28 O Jovano savo bolelas avilo te pripremisarel o drom palo Isus thaj pale Isusesko carstvo. Ali nakon so o Isus uspostavisardas piro carstvo, godova si, nakon so o Isus mulo, uskrsnisardas thaj sas vazdino ando nebo, savora save paćan ando Isus silen blagoslovurja majbut katar o Jovano savo pripremisardas samo o drom majsigo nego so avilo o carstvo.

§7,35 Akava si e izreka savi o Isus primenisarel pe akaja situacija, verovatno te sikavelen te e mudre manuša razumin kaj či trubuine te odbacin e Isuse thaj e Jovane.

*7,36 O običaj sas pe gozbe save sas sago akaja večera te e muškarcurja udobno pašljon pe rig dok han.

†7,37 Ande godoja vrjama sas o običaj te ćidelpes o them vi okola save naj akharde thaj te prisustvujin e gozbaće thaj te ašunen o govor, a te na han.

‡7,41 denarja Ande godova vrjama, jekh rimsko denari sas sago ađes jekh dnevnica.

§7,44 Akava sas e osnovno odgovornost e domaćinešći te pripremil o llavori e pajesa thaj o peškiri te šaj thoven pire pungre.

*7,45 E manušnji čumidelas e Isusešće pungre mesto lesko muj sago znako kaj but pokaisajli thaj ponizisajli.

†7,46 Akava sas o običaj kana dočekinas pe e posebne gosturja. E manušnji veoma počastisardas e Isuse godolesa kaj ćerdas godova. Voj sikadas e poniznost godolesa kaj pomazisardas lešće pungre umesto lesko šoro. O Isus čhutas sago primer e Simunešće lošo gostoljubivost sago primer naspram okova so ćerdas e manušlji pale leste.

‡7,47 Ando orginalno teksto ramol: “Kaj cara volil okova kašće si cara jartomen

DRAFT VERSION