9
O Isus bičhalel e dešuduj apostolen
(Mt 10,9–14; Mk 6,7–13)
1 O Isus akhardas e dešuduj apostolen thaj dijalen moć thaj vlast pe sa e bilačhe duhurja thaj te sastaren e nasvalimata.
2 Bičhaldalen te navestisaren o carstvo e Devlesko thaj te sastaren e navalen.
3 Thaj phendas lenđe: “Na te aveltumen tumenca po drom ni rovlji ni ande trjasta so hana, ni love thaj na te aveltumen tumenca po duj haljine!
4 Kana boravin ande varesko gav, smestintumen ande jek ćher thaj na naćhen andar o ćher ando ćher dok či džan ande aver gav.
* 5 Ande savo gav či primintumen, inkljen andar godova gav, thaj ćhinon o praho katar tumare pungre.
† Godova avela znako kaj muklineles lešće sudošće.”
6 Thaj e učenikurja teljardine: obilazinas e gava, navestinas e bahtali nevimata thaj sastarenas e nasvalen.
O Irod si zbunime
(Mt 14,1–2; Mk 6,14–16)
7 Kana ašunda o vladiri Irod so dogodisajlo, sas zbunime, kaj varesave phenenas kaj o Jovano savo bolelas uštilo andar e mule. 8 Aver phenenas pojavisajlo pe phuv o Ilija, a aver palem phendine: “Uštilo andar e mule varesavo proroko andar epurani vrjama.”
9 A o Irod phendas: “Me odrubisardem e Jovanosko šoro. Ko si askal akava pale kaste gaći ašunav?” Thaj rodelas prilika te dičhel e Isuse
O Isus pravarel e but theme
(Mt 14,13–21; Mk 6,32–44; Jn 6,1–13)
10 Kana e apostolurja boldinepe katar e okolne krajurja, phendine e Isusešće sa so ćerdine. Askal o Isus inđardalen pesa te avel lenca korkoro, paše pašo gav akhardo Visajda. 11 Ali kana godova ašunda o them, teljarda pale leste. Vo primisardalen thaj phenelas lenđe andar o carstvo e Devlesko thaj sastardas savoren ko trubuja sastipe. 12 Kana pašolas o krajo e đesesko kasno mismere avile ko Isus majpaše e dešuduj učenikurja thaj phendine e Isusešće: “ Te mukas e theme te džal pe okolne gava te araćhen kaj raćarena thaj so hana kaj sam akate ando samotno krajo?” 13 A o Isus phendas lenđe: “Tumen denlen te han!” A von phendine. “Najamen majbut katar pandž mangre thaj duj mačhe, osim te džas te ćinas hamasko pale sa o them.” 14 A sas katar pandž milje manuša (či đinavenaspe e manušnja thaj e čhavra). O Isus phendas pe učenikonenđe: “Phenen lenđe te bešen ande skupine po pandžvardeš džene.” 15 Thaj savora bešline. 16 A o Isus lija e pandž mangre thaj e duj mačhe, dikhla ando nebo, blagoslovisardalen thaj phagla o mangro pa dija pire učenikonenđe te podelisaren e themešće. 17 Savora haline dok či čaljile. Thaj katar okova so ačhilo e themešće ćidine dešuduj pherde korpe kotora mangre thaj mačhe.
O Petar spoznaisarda kaj si o Isus o Hristo
(Mt 16,13–16; Mk 8,27–29)
18 Jekhvar dok o Isus crdape po korkoro than te molilaspe, lesa sas samo lešće dešuduj učenikurija. Pale godova phučlalen: “So phenel o them, ko sem me?” 19 Von phendine: “Varesave phenen kaj san o Jovano savo bolelas, aver kaj san o proroko Ilija, a trite palem kaj uštilo andar e mule varesavo katar aver purane prorokurja.” 20 A vo phučla len: “A tumen, so tumen phenen, ko sem me?” A o Petar phendas: “Kristo Pomazaniko e Devlesko!”
O Isus phenel pale piro smtro
(Mt 16,1–23; Mk 8,31–33)
21 A o Isus zapovedisardas lenđe te na phenen khoniašće kaj si vo o Mesija. 22 Thaj phendas: “Kaj me, o Čhavo e Manušesko, trubul but te trpisarav. E starešine, e šorvale rašaja thaj e sikavne e Mojsiješće zakonestar odbacinaman. Mudarena man aj me o trito đes uštava andar e mule.”
So o manuš trubul te ćerel te avel e Isusesko učeniko
(Mt 16,24–28; Mk 8,34–9,1)
23 Pale godova o Isus phendas savorenđe: “Ako vareko kamel te avel mungro sledbeniko, neka odreknilpes korkoro pestar, nek svako đes lel piro trušul
‡ thaj nek džal pale mande.
24 Kaj svako ko kamel te spasisarel piro trajo, hasarelales; a ko hasarel piro trajo zbog mande, godova spasilales.
25 Kaj savi korist si e manušesće ako zadobisarel sa o them, a korkoro pes hasarel ili pešće naudil?”
26 Ko ladžal mandar thaj mungre alavendar, lestar vi me, o Čhavo e Manušesko, ladžava kana avava ande slava mungri thaj e slava mungre Dadešći thaj e svete anđelenđi.”
27 “Čačes phenav tumenđe: 'Varesave save si akate tumendar či merena dok či dićhen e Devlesko carstvo.'”
O Del phenel e trin učenikonenđe kaj si o Isus pomazaniko
(Mt 17,1–13; Mk 9,2–13)
28 A kana nakhla varekaj katar ohto đes katar godola alava o Isus lijas pesa e Petre, e Jovano thaj e Jakove ande gora te pomolilpe.
29 Dok molilaspe, lesko muj promenisajlo, a e drze pe leste postanisardine parne thaj sjajne.
30 Ande godova pojavisajle duj manuša thaj ćerenas svato e Isusesa. Sas godova o Mojsija thaj o Ilija.
31 Pojavisajle ande slava thaj ćerenas lesa svato pale lesko smrto savo trubul te avel
§ savo trubul još cara te avel ando Jerusalimo.
32 E Petre thaj lešće drugaren lija e lindri. Kana džungadile, dikhline lešći slava thaj duj manušen save ačhenas lesa.
33 Thaj dok godola duj džene von džanastar lestar, o Petar phendas e Isuseće: “Gospode, lačhe kaj sam kate. Te ćeras trin sjenice: jek tuće, jek e Mojsijašće, thaj jek e Ilijašće.” Či džangla so phenel.
34 Dok vo godova još motholas, pojavisajlo o oblako thaj zasinisardalen. Kana o oblako učhardalen lijalen e bari dar.
35 A o glaso ašundilo andar godova oblako: “Akava si mungro Čhavo mungro saves odabirisardem! Leste čhon kan.
36 Baš kana ašundilo o glaso, o Isus ačhilo korkoro. E učenikurja ačhenas thaj askal još khonikašće khanči či phendine pale okova so dikhline.
O Isus sastarel e čhave jedinco ande savo sas o bilačho duho
(Mt 17,14–19; Mk 9,14–29)
37 A kana thejra o đes o Isus thaj lešće učenikurja fuljistine katar e gora, avilo angle leste o but o them.
38 Askal vasesosko manuš savo sas maškar o them čhuta muj: “Sikavneja, molivtu dik mungre čhave, kaj si manđe jedinco.”
39 Inćareles o bilačho duho. Askal andar jekhvar počnisarda te čhol muj; čhudel pes thaj e spuma del lešće po muj. Gata nikada či mućelas les thaj uništisarel les.
40 Molisardem ćire učenikonen te traden le avri ali von naštik tradineles.”
41 A o Isus phendas lenđe: “O bilače thaj bi paćako manušalen!
* Kozom semasa tumenca a tuman či paćan. Pučaman kozom još trpiva tumen! Anakaring ćire čhave!”
42 Dok o čhavro avelas paše, o bilačho duho haradasle pe phuv thaj ćhinosardas les. A o Isus zapovedisardas e bilačhe duhošće thaj odma sastarda e čhave thaj dijale lešće dadešće.
43 Savora divisajle e Devlešće veličinaće.
Thaj dok savora čudinaspe okolešće so ćerelas o Isus, phendas pire učenikonenđe: 44 “Lačhe zapamtisaren so phenav tumenđe: Me, o Čhavo e Manušesko, avava dino ande vas e manušenđe. 45 A von či haćardine so phenel lenđe kaj nas lenđe dino te haćaren; o značenje sas lendar garado a daranas te phučen les te objasnil lenđe.
Ko si majbaro ando carstvo e Devlesko?
(Mt 18,1–5; Mk 9,33–37)
46 E učenikurja počnisardine te raspravinpes ko maškar lende šaj avilosas majvazno. 47 O Isus džangla so si ande lenđe ile, thaj lija e cikne čhavre, čhutale paše peste 48 thaj phendas lenđe: “Kogot primisarel akale cikne čhavre zbog mande, man prihvatisarel. A ko man prihvatisarel prihvatisarel e Devles savo bičhaldaman. O Del smatril kaj si majvažno okova savo si maj ponizno maškar tumende!”
Ko naj protiv tumende tumenca si
(Mk 9,38–40)
49 Askal o Jovano phendas: “Sikavneja, dikhlam jećhe kaj ande ćiro alav tradel e bilačhe duhonen. Amen phendam lešće te na ćerel godova, kaj či džal pale tute.” 50 A o Isus phendas lešće: “Na branisaaren lešće! Kaj ko naj protiv tumende, pale tumende si!”
O Isus po drom palo Jerusalem kroz e Samarija
51 Kana avili maj paše e vrjama te o Isus boldelpes ando nebo, vo zurale odlučisarda te džan ando Jerusalimo.
52 Thaj bičhalda e glasnikonen angle peste. Von đele thaj dine ande varesosko Samarijsko gav te pripremin lešće than kaj raćarela.
53 No okote o them či kamlas te primin les kaj sas po drom palo Jerusalim.
† 54 Kana godova dikhline lešće učenikurja o Jakovo thaj o Jovano, phučline les: “Gospode! kames te amen phenas te delen jag o oganj andar o nebo thaj te uništilen?”
‡ 55 A o Isus boldape lende thaj phendas lenđe kaj či gndin lačhe.
§ 56 Thaj đeletar ande aver gav.
O Isus kamel te mukas sa thaj te teljaras pale leste
(Mt 8,19–22)
57 Dok džanas dromesa, varesosko manuš phendas e Isusešće: “Džava pale tute kajgot tu te džas.”
58 A o Isus phendas lešće : “E lisicen si lenđe hvja, e čirikljen lenđe gnezdurja, a e Čhave e Manušešće naj kaj po šoro te čhol.”
* 59 Varesave avrešće phendas o Isus: “Sledi man!”
A vo phendas lešće: “Gospode mukman samo te džav te prahov mungre dade.”
† 60 O Isus phendas lešće: “Muk e mulen te prahon pire mulen,
‡ aj tu dža thaj navestisar o carstvo e Devlesko.”
61 Još vareko phendas: “Me džava pale tute Gospode, ali mukman te džav prvo te oprostima katar mungri familija.”
62 A o Isus phendas lešće: “Ni jek savo lel o plugo ande pire vas te oril thaj askal dićhel palpale,
§ naj dostojno palo carstvo e Devlesko.
*”