Sasuri hia dhèu
Ibrani
dhu heka parcaya Yesus Kristus
aa tèke eele agama bèi-baki ra
1
Ama Lamatua pua Ana Na dhu kapai risi nèti dhèu rèti lii padhai Na uru sèra
Uru èèna, Ama Lamatua pake dhèu rèti lii padhai Na, ho padhai lii dènge bèi-baki èdhi dhèu Ibrani.* a: Kata Ibrani èèna, ngara leo nèti suku Yahudi. Dhèu Yahudi dhu parcaya le Yesus Kristus, dhèu peka na, “dhèu Kristen Ibrani”, lula rèngu leko-leo nèti aꞌari ra dhèu Yahudi dhu kèpe paꞌère atora agama Yahudi dhu dhui. Nèngu pake rupa-rupa jꞌara, sèna ka peka pahari-pahari dènge rèngu. b: Ama Lamatua peka lii moa Na dènge rupa-rupa jꞌara. Conto sèmi: Na peka dènge Abraham pake lii pajaji, mi Musa pake atora agama, mi Daud pake lii sodꞌa koa-kio, mi Yermia pake lii pakasame. Te ngaa limuri ne, Na pua le Ana Na mai, sèna ka padhai lii dènge èdhi.
Karèi nèti uru-uru jꞌara ka, Ama Lamatua hagꞌe nare le Ana Na,
ho nèdꞌu paredha sama-sama dènge Nèngu.
Te lodꞌo Na pajꞌajꞌi liru dènge rai-haha dènge isi ra aaꞌi-aaꞌi,
Ana Na dhu sabꞌa sama-sama dènge Ne kahèi.
Ana Lamatua ne, padꞌelo dadedha Ama Na,
nuka sèmi saraa madha lodꞌo dhu lèke tèru.
Te Nèngu ne, ca ropa dènge Ama Na.
Aa nèti Lii Holo-Nori Na dhu èra titu kèna,
Na pakako aaꞌi-aaꞌi ètu dedha-liru dènge rai-haha.
Nèngu bhoke jꞌara kahèi,
ho saku eele sasala-sasigo dhèu,
sèna ka ra jꞌajꞌi mola-mèci.
Hèia Na lèpa hari asa sorga,
ho madhèdi ètu baboa gꞌana Ama Lamatua,
ètu era dhu kabꞌua aae.
Ana Ama Lamatua kapai risi nèti ana pajuu ètu sorga
Ana-ana pajuu Ama Lamatua ètu sorga mema kapai. Te ngaa Ana Na kapai risi eele nèti rèngu aaꞌi-aaꞌi ra. Kapai dènge dadedha Ama Lamatua risi eele nèti aaꞌi-aaꞌi ra. Aa kapai dènge dadedha èèna, Na pangèdꞌu le mi Ana Na. Nèti èèna ka, Ana Na kapai risi eele nèti ana-ana pajuu Na ètu sorga.
Ama Lamatua peka nèdhi mi Ana Na, aku Nèngu na,
“Doe neꞌe, Jaꞌa dedꞌe Èu ho mèdꞌu paredha.” Lii Sodꞌa Koa-Kio 2:7
Ama Lamatua, peka kahèi, na,
“Jaꞌa ne, Ama Na.
Aa Nèngu ne, Ana Jaꞌa.” 2 Samuel 7:14, 1 Sejara nèti Israꞌel dènge Yahuda 17:13
Ama Lamatua peka dènge Ana Na sèmi èèna, te ngaa Ama Lamatua peka nèdhi boe sèmi èèna, mi ana-ana pajuu Na ètu sorga.
Lodꞌo Ama Lamatua pua mai Ana Na dhu kapai risi eele èèna, Na paredha ana-ana pajuu Na ètu sorga, aku Nèngu na,
“Miu ana pajuu aaꞌi-aaꞌi!
Lami ho pakabꞌua,
aa pahaha iisi mi Ana Jaꞌa!” Lole Hari Jꞌara-jꞌara Mamuri 32:43, Lukas 2:13-14
Ama Lamatua padhai lii kahèi mi ana pajuu Na ètu sorga, peka na,
“Jaꞌa tao ana-ana pajuu Jaꞌa ètu sorga,
jꞌajꞌi malai sama sèmi lai ngèlu.
Jaꞌa tao ènu-ènu Jaꞌa,
jꞌajꞌi nuka sèmi ai.” Lii Sodꞌa Koa-Kio 104:4
Ama Lamatua peka dènge ra sèmi èèna, lula rèngu dhoka ana pua-paleha Na di.
Te ngaa mi Ana dꞌèlu Na, Nèngu peka dhu leo, na,
“Èu ne, Ama Lamatua.
Èu, èèna na madhèdi ètu kadera paredha toke dꞌai mia-mia.
Èu èèna na mèdꞌu koasa, ho paredha dènge dꞌara mola.
Dꞌara Èu karejꞌe, ladhe mèdhi dhèu dhu mamuri mola.
Te ngaa dꞌara Mu susa, ladhe mèdhi dhèu dhu mamuri koe-kapengo.
Nèti èèna ka, dꞌara Èu karejꞌe,
ka Jaꞌa pasuti èi lèngi mi kètu Èu,
ho dedꞌe Èu jꞌajꞌi Dhèu Aae, dhu risi nèti dhèu aae leo sèra.” Lii Sodꞌa Koa-Kio 45:7-8
10 Ama Lamatua peka mi Ana Na kahèi, na,
“Ana, ee!
Èu ne, Kètu dhu mèdꞌu paredha karèi nèti uru ka.
Èu neꞌe ka dhu pua liru jꞌajꞌi, hèia na jꞌajꞌi dènge.
Èu neꞌe ka dhu paredha rai-haha, hèia na jꞌajꞌi dènge.
11-12 Bèli-camèdꞌa liru dènge rai-haha laho aaꞌi si.
Bèli-camèdꞌa liru dènge rai-haha ele aaꞌi si.
Te ngaa Èu mesa mu, mamuri toke dꞌai mia-mia.
Èèna na Èu core eele liru dènge rai-haha,
nuka sèmi dhèu core eele kahaꞌi soho dhasi.
Bèli-camèdꞌa Èu gati eele liru aa rai-haha,
nuka sèmi dhèu silu mèdha-papake hiu.
Te ngaa Èu mesa Mu sèmi boe èèna.
Lula Èu mamuri toke dꞌai mia-mia.” Lii Sodꞌa Koa-Kio 102:26-28
13 Ama Lamatua peka kahèi dènge Ana Na, aku Nèngu na,
“Ana, ee!
Mai madhèdi asa era dhu kabꞌua titu kèna,
ètu baboa gꞌana Jaꞌa ne.
Pe Jaꞌa tao musu Èu sèra,
toke ra pahaha iisi mi Èu.” Lii Sodꞌa Koa-Kio 110:1
Ama Lamatua peka-padhai mi Ana Na sèmi èèna, te ngaa Na padhai lii nèdhi boe sèmi èèna mi ana-ana pajuu Na ètu sorga. 14 Ana pajuu Na sèra mema panting. Te Nèngu paleha si lasi lalau-laloꞌo dhèu unu Na aaꞌi-aaꞌi dhu èèna na Nèngu patabuli eele si nèti koasa sasala-sasigo ra. Masi ka sèmi èèna, te ngaa Ana Ama Lamatua risi nèti rèngu era.

*1:1 a: Kata Ibrani èèna, ngara leo nèti suku Yahudi. Dhèu Yahudi dhu parcaya le Yesus Kristus, dhèu peka na, “dhèu Kristen Ibrani”, lula rèngu leko-leo nèti aꞌari ra dhèu Yahudi dhu kèpe paꞌère atora agama Yahudi dhu dhui.

1:1 b: Ama Lamatua peka lii moa Na dènge rupa-rupa jꞌara. Conto sèmi: Na peka dènge Abraham pake lii pajaji, mi Musa pake atora agama, mi Daud pake lii sodꞌa koa-kio, mi Yermia pake lii pakasame.

1:5 Lii Sodꞌa Koa-Kio 2:7

1:5 2 Samuel 7:14, 1 Sejara nèti Israꞌel dènge Yahuda 17:13

1:6 Lole Hari Jꞌara-jꞌara Mamuri 32:43, Lukas 2:13-14

1:7 Lii Sodꞌa Koa-Kio 104:4

1:9 Lii Sodꞌa Koa-Kio 45:7-8

1:11-12 Lii Sodꞌa Koa-Kio 102:26-28

1:13 Lii Sodꞌa Koa-Kio 110:1