Lačho lafi taro Luka Luke 9

O Isus bičhalol e dešudujen apostoluren

(Mt 10,9–14; Mk 6,7–13)

1 O Isus dija vika e dešuduj apostoluren thaj dijalen zor thaj baripe pe sa e bilačhe duxura, thaj te sastaren taro nasvalipe. 2 Thaj bičhalda len te vačaren taro thagaripe e Devleso, thaj te sastaren e nasvalen. 3 Thaj vačarda lenđe: “Khanči ma len dromese, ni rovli ni trasta ni so te han ni pare, thaj te ma avol tumen po duj fostanura. 4 Kana bešen an nesavo than, ačhen ane jekh čher, i gothar pojdin an aver than.* 5 Te ni manglje tumen ane gova than, ikljen gothar thaj tresin o praho tar tumare pingre,† sar znako da si kriva so ni lije o lafi e Devleso.

6 Thaj kana iklile, đele taro than ko than thaj vačarde o Lačho Lafi thaj sastarde e manušen ke sa e thana.

O Irod si bunimo

(Mt 14,1–2; Mk 6,14–16)

7 Thaj kana šunda o Irod o vladari,‡ sasa bunimo golese kaj nesave vačarde kaj o Jovane savo boldol uštilo tare mule. 8 Avera vačarde kaj sikadilo ki phuv o Ilija, a nesave kaj uštilo tare mule nesavo proroko taro purano vreme.

9 Thaj vačarda o Irod: “E Jovaneso šoro me čhindem, a ko si kava kastar gasave čudura šunav?” Thaj manglja te dičhol e Isuse.

O Isus parvarol pobut tare panđ milje manušen

(Mt 14,13–21; Mk 6,32–44; Jn 6,1–13)

10 Kana irisajle e apostolura, vačarde e Isusese sa so čerde. O Isus pe sikadencar đelo te avol korkoro lencar pašo foro savo akhardol Vitsaida. 11 Thaj but manuša šunde kaj đal o Isus thaj lije te đan pale leste. O Isus phenda lenđe kaj šukar avile. Thaj lija te vačarol lenđe taro Carstvo e Devleso thaj sastarda e nasvalen. 12 Kana lija o đive te načhol, avile e dešuduj apostolura thaj vačarde: “Te mukha e manušen? Nek đan ane pašutne gava thaj ane thana kaj šaj te aračhen khanči hamase thaj kaj šaj te soven, golese kaj sam ko than kaj naj khanči.”

13 A o Isus vačarda lenđe: “Den len tumen khanči te xan.” Thaj von vačarde lese: “Amende naj po but tare panđ mangre thaj duj mačhe. Amen li te đa te čina sa kale manušenđe te xan?” 14 A gothe sesa paše panđ milje murša.§ A o Isus vačarda pire sikadenđe: “Čhuven len te bešen po pinda đene.” 15 Thaj čerde gija, thaj bešljarde len sa. 16 Thaj o Isus lija gola panđ mangre thaj e mačhen, thaj dikhlja ano ćeri, bahtarda len thaj phaglja e mangre, thaj dija ke sikade te den e manušen. 17 Thaj halje thaj čhalile savore, thaj čidije dešuduj korpe okolestar so ačhilo so halje e manuša.

O Petar dikhlja kaj si o Isus o Hrist

(Mt 16,13–16; Mk 8, 27–29)

18 Kana o Isus jekhdrom molisajlo e Devlese, lesa sesa lese dešuduj sikade, thaj pučlja len: “So vačaren e manuša ko sem me?” 19 A e sikade vačarde lese: “Nesave manuša vačaren kaj san o Jovane so boldol, a avera kaj san o Ilija o proroko, a nesave kaj san jekh tare purane prorokura savo uštilo tare mule.” 20 A o Isus pučlja len: “A tumen so den gođi ko sem me?” A o Petar vačarda: “ Tu san o Hristos bičhaldo taro Dol.”

O Isus vačarol tare piro meripe

(Mt 16,1–23; Mk 8,31–33)

21 A o Isus zurale vačarda e sikadenđe ma khanikase te vačaren kaj si vov o Hrist. 22 Thaj phenda: “Kaj me o Čhavo e Manušeso, trubul te avav but mučimo, thaj e phuredera, e šerutne sveštenikura thaj e učitelja tare Mojsijaso zakono,* ka čhuden ma thaj ka mudaren ma, thaj trito đive me ka uštav.”

So trubul manuš te čerol te šaj avol e Isuseso sikado

(Mt 16,24–28; Mk 8,34–9,1)

23 A o Isus savorenđe vačarda: “Ko manđol te đal pale mande nek ačhavol korkoro pes thaj nek lol o krsto†piro svako đive thaj nek đal pale mande. 24 Golese ko manđol po đuvdipe te aračhol, ka hasarol le, a ko hasarol po đuvdipe paše mande vov ka aračhol le. 25 Thaj savo šukaripe ka avol e manuše ako sa o sveto dobil, a pes hasarol il pese bilačhe čerol?‡ 26 Golese ko lađal mandar thaj tare me lafura lestar i me o Čhavo e Manušeso ka lađav kana ka avav ani slava mingri savisi slava me Dadesi thaj e sveta melekurenđi. 27 Čače vačarav tumenđe: 'Nesave tumendar save sen kate ni ka meren dok ni dičhen o thagaripe e Devleso.”'

O Mojsije thaj o Ilija sikadile e Isusese

(Mt 17,1–13; Mk 9,2–13)

28 Thaj kana nakhle ohto đive pale gova, o Isus lija e Petre e Jovane thaj e Jakove thaj iklilo ko brego te molilpe e Devlese. 29 Thaj kana molisajlo leso muj čerdilo averčhane, thaj lese šeja čerdile parne thaj sjajna. 30 Thaj dik, duj manuša vačarde e Isusesa. Gola sesa o Mojsije thaj o Ilija. 31 Sikadile ani slava,§ thaj vačarde tare leso ikljipe* savo trubuja te avol ano Jerusalim. 32 A o Petar thaj kala so sesa lesa von zasute, čim đungadile diklje e Isuse ani slava thaj duje manušen sar lesa ačhen. 33 Thaj kana lije te crden pe o Mojsije em o Ilija, o Petar phenda e Isusese: “Rajo! Šukar kaj sam kate, thaj te čera trin senice: Jekh tuče, jekh e Mojsijase thaj jekh e Ilijase”: Ni đanglja so te vačarol 34 A dok vov gova vačarda avilo o oblako, thaj von darajle kana učharda len o oblako. 35 Thaj šunde glaso andare oblakura vačarindoj: “Kava si mingro čhumidimo čhavo save me birisadem, le mangav te šunen.” 36 Thaj kana šundilo o glaso aračhilo o Isus korkoro. Thaj von khanči ni vačarde khanikase, ane gola đivesa so diklje.

O Isus ikalol o melalo duxo taro čhavo

(Mt 17,14–19; Mk 9,14–29)

37 A thearinto đive o Isus em lese sikade sar ulile taro brego, but manuša avile ko Isus. 38 Thaj dik, tare but manuša jekh akharda le: “Učitelju! Moliv tut dik pe mo čhavo golese kaj si jekhoro.” 39 Thaj dik, dolda le o melalo duxo, thaj tari jekh drom lija te dol vika, thaj te ikljol lestar i spuma taro muj, thaj o duxo ni ačhavol le thaj uništila le. 40 “Molisadem ćire sikaden te traden le, von naštine.” 41 Thaj o Isus vačarda lenđe: “ O, bipačače thaj bilačhe manušalen!† Tumencar sem sa kava vreme, a tumen još ni pačan, pučav ma vađi kozom trubul te trpiv tumen. An manđe će čhave akari!” 42 A dok avola kare leste o beng perada le ki phuv ane grčura, thaj lija te tresil le. A o Isus phenda e melale duxose te ikljol, thaj sastarda e čhave, thaj dija le lese dadese. 43 Savore sesa divime e Devlese zuralimasa. Thaj savore divisajle sa okolese so o Isus čerola, o Isus pe sikadenđe vačarda:

44 “Šukar šunen e lafura kala: 'golese kaj Me o Čhavo e Manušeso trubul te avav dindo ane vasta e manušenđe.” 45 A e sikade ni haljarde kala lafura, golese kaj sasa lendar garado te našti haljaren, thaj darajle te pučen le kale lafese.

E ponizna si embare ane Devlese jakha

(Mt 18,1–5; Mk 9,33–37)

46 Thaj e sikade lije te vačaren maškar pumende ko si lendar em baro. 47 A o Isus đanglja so si ane lengo ilo, vov lija e čhavore čuta le angle peste, 48 thaj o Isus vačarda lenđe: “Savo primil kale čhavore ane mingro alav, man primil, thaj ko man primil, primil me Dade savo bičhalda man, golese ko si maškare tumende em cikno, len o Dol dičhol embare.

Ko naj protiv tumende tumencar si

(Mk 9,38–40)

49 A o Jovane vačarda: “Rajo! Dikljam jekhe će alavesa tradol e bengen, thaj amen vačardam lese te na čerol gova, golese kaj ni đal amencar pale tute. 50 Thaj o Isus vačarda lese: “Mučhen le, golese ko naj protiv tumende tumencar si.”

E Samarijancura ni manglje e Isuse

51 Thaj kana sesa paše e đivesa te iril pe ko ćeri, o Isus pojdisada ano Jerusalim. 52 Thaj bičhalda glasnikuren angle peste, thaj von đele thaj avile ano gav ani Samarija te lačharen lese kaj te sovol. 53 Thaj ni manglje le gothe e manuša, golese kaj dikhlje kaj đal ano Jerusalim.‡ 54 Thaj kana dikhlje e sikade lese o Jakov thaj o Jovane pučlje e Isuse: “Rajo! Manđe li te phena te uljol i jag taro ćeri thaj te hasarol len?§ 55 A o Isus irisajlo thaj dija vika pe lende.* 56 Thaj đele ane aver gav.

O Isus manđol te mekha sa thaj te đa lese dromesa

(Mt 8,19–22)

57 A kana đele avere dromesa nesavo vačarda e Isuse: “Rajo! Me ka đav tusa kaj tu đa.”

58 Thaj o Isus vačarda: “E lisicen isi len hva thaj e čiriklja isi len gnezdura: Me o Čhavo e Manušeso najma kaj mo šoro te pašljarav.†

59 O Isus averese vačarda: “Ajde pale mande.”

A o manuš vačarda: “Rajo! Muk ma angleder te đav te prahov me dade.”‡

60 A o Isus vačarda lese: “Ačhav e mule, nek prahon e mulen,§ a tu ajde vačar taro thagaripe e Devleso.”

61 A aver vačarda: “Rajo! Me đav pale tute, al muk te đav te oprostiv man mingre čherutnencar.”

62 A o Isus vačarda lese: “Ni jekh naj lačhardo pašo thagaripe e Devleso savo čhuvol po va ko plugo te oril a dičhol palal.”*

Luke
<
9
>

*9,4 Trebaju biti zadovoljni s hranom i sa smještajom koji im domaćin nudi; ne smiju tražiti bolji smještaj. Ali, naravno mogu posjetiti druge kuće da tamo propovjedaju Radosnu vijest.

†9,5 Gova si ani tradicija e Jevrejenđe. -Znako pašo baro odbipe, golesa sikade kaj ni manglje ni i prašina tar gova foro pe lenđe pingre

‡9,7 Irod o vladari “tetrarh” kate vačarol pe taro Herod Antipa savo sasa vladari jekh tare štar kotora taro Izrael.

§9,14 Gothe sesa 5 milje murša, e đuvlja em e čhavore ni đinglje pe.

*9,22 E starešine, e šerutne sveštenikura thaj e učitelja tare Mojsijaso zakono zajedno prestavisade sa e Jevrejenđe vođen.

†9,23 Manuš savo sasa već osudimo te merol raspimo, inđarola bi o upruno kotor taro krsto đi ko than kaj ka mudaren le. Kale vačarimasa, o Isus manglja te phenol: 1. Te mangljam te ava lese sikade, mora odrekni amen tare amare želje ke kaja phuv, thaj mora te ava spremna te šuna e Isuse. 2. Kaj trubul te ava spremna svako đive te trpi i te mera golese so sam lese sikade. 3. Solduj uprpune opcije - rečenice.

‡9,25 ko orginal ačhol: 'So o manuš ka postignil ako prelol sa i phuv a hasarol thaj upropastil pes?'

§9,31 il sjaj

*9,31 Lafi savo si kate irime ki romani čhib si ikljipe, a ki grčko čhib si Izlazak, so sikavol ko značaj e Isuseso meripe. Ani Purani sovli “Ikljipe” odnosilpe po putaripe- oslobodipe e Izraelsko narodo taro egipatsko phanglipe. E Hristoso meripe ko krsto si “Ikljipe”, a gova si, delo taro okupljenje, savesa o Dol ikalol e manušen taro phanglipe tare bezeha.

†9,41 Ko grčko lil ačhol- generacija il naraštaj.

‡9,53 E Samarijancura em e Jevreja ni mangljepe maškar peste. Golese e Samarijancuri ni manglje te pomognin e Isuse pe leso đajpe ano Jeruzalem- glavno foro e Jevrejengo

§9,54 O Jakov em o Jovan pende zake kaja metoda taro sudipe, golese so đanglje kaj e prorokura sar o Ilija sudisade e manušen save čhudije e Devle pestar (2. Car 1,10–12).

*9,55 An nesave grčka lila ačhol: Thaj vačharda: Ni đanen tar savo duho sen, me o Čhavo e Manušeso ni aviljem te mudarav e manušengo đuvdipe nego te spasiv- ikalav.

†9,58 O Isus iril e vačarimasa te sikavol e manuše sar si gova kana si leso sikado. O Isus phenol lese golesa te gova manuš đala pale leste, šaj gova manuš ni ka avol le čher.

‡9,59 Naj jasno dal o dad gole manušeso mulo thaj vov sigate ka prahol le il manđol o manuš nesavo pobaro vreme te ačhol đi kaj leso dad ni merol pa tegani te prahol le. Poenta si ane gova kaj o manuš manđol khanči te čerol angleder so đal palo Isus.

§9,60 O Isus baš gija ni dol gođi kaj e mule ka prahon averen mulen. O značenje paše “mule” šaj avol: 1. Gova si metafora paše kola save sigate ka meren il 2. gola si kola save ni đanen pašo Isus thaj duxovno si mule. Akate si poenta kaj o sikado nisose ni smil te ačhavol le golestar te đal palo Isus.

*9,62 Khoni ni dičhol palal kana oril i phuv našti vodil o plugo kaj trubul te đal. Gova manuš trubul leso dičhipe te avol anglal te bi lačhe orila i phuvSo bi vačharasa manuš savo đal e Devlesa našti iril pe palal an po đuvdipe savo sasa le ano sveto.

DRAFT VERSION