10
O Isus bičhalol eftavardešedujen sikaden te navestin o Carstvo e Devleso
(Mt 11,21–27; 13,16–17)
1 A pale gova odredisada o Rajo averen eftavardeše thaj dujen sikaden,
* thaj bičhalda len duj po duj angle peste ane sa e forura thaj ane thana kaj manglja te đal.
2 A o Isus vačarda lenđe: “O čidipe-žetva si bari a bućarne si zala, golese tumen molin e gospodare taro ćidipe te bičhalol e bučarnen ki po čidipe.
† 3 Đan, ak bičhalav tumen sar terne bakren maškare ruva.
4 Ma inđaren šljanpiko ni traste ni urajimase ke pingre, thaj dok phiren ma ačhen te vačaren ko drom khanikasa te ma hasaren tumaro vreme.
5 Ane savo čher aven angleder vačaren: “Mir ane kava čher.”
6 Thaj ako avol gothe o čhavo taro mir, tumaro mir ka ačhol pe leste, ako naj, ka irilpe tumenđe tumaro mir.
7 Kana đan an nesavo čher, ma phiren tari jekh ke aver. Ačhen ke jekh than, thaj xan thaj pijen so isi len,
‡ golese kaj o bučarno dostojno pe platače.
8 Kana den ane nesavo foro i gothe manđen tumen, xan so anen angle tumende.
9 Sastaren e nasvalen save si ane gova foro, thaj vačaren lenđe: “Kava sikavol tumenđe kaj si o thagaripe e Devleso paše.”
10 A kana đan an nesavo foro i ni manđen tumen, ikljen ko drom lengo thaj vačaren:
11 “Thaj o praho taro tumaro foro savo si pe amende kosa amendar sar znako da o Dol ka sudil tumenđe.
§ Al te đanen paše avilo tumenđe o Carstvo e Devleso.
12 Vačarav tumenđe kaj i Sodomaće
* ka avol po lokho ko đive e Sudoso nego gole manušenđe gole forose!
Kazne paše bipokajime forura
(Mt 11,20–24)
13 Pharo tumenđe, manušalen taro Horazine! Pharo tumenđe, manušalen tari Vitsaida! Golese kaj te čerdona sar ano foro Tir thaj ano foro Sidon čudura so sesa tumende, dumutane bi uravea šeja čerde taro dorikalo pohtano thaj bi čhuvena pe peste praho thaj bešindoj von bi pokajinape.
† 14 A e manušenđe taro Tir thaj e manušenđe taro Sidon ka avol poločhe ko sudo nego tumenđe.
15 A tumen manušalen taro Kafarnaum! Đi o ćeri li ka ušten? Ka peren đi ko than kaj si e mule - had.
16 Ko tumen ašunol, man ašunol, thaj ko tumen čhudol, man čhudol, thaj čhudol kole so man bičhalda.
O Isus sikavol e sikaden so si em važno
17 Irisajle kola eftavardeš thaj duj sikade bahtardimasa thaj vačarde e Isusese: “Rajo! e benga pokorisajle amenđe ke ćiro alav.
‡ 18 A Isus vačarda lenđe: “Me dikhljem e Sotona kana pelo taro čeri sar munja.
§ 19 Ak dijem tumen zor te ačhen pe sapa thaj pe škorpije
* thaj pe sa o zuralipe e dušmanoso,
† thaj khanči ni ka avol tumenđe.
20 A golese tumen ma aven bahtale so e duxura pokorinpe tumenđe, nego aven bahtale so tumare alava pisime ko lil e Devleso ano ćeri.”
‡ Bahtarde si sa okola save prihvatin e Isuseso lafi
(Mt 11,25–27; 13,16–17)
21 Ane gova časo lošalisajlo o Isus ano duxo thaj phenda: “Hvaliv tut, Dade, Rajo e ćeriso thaj e phuvako, so garadan ćo čačipe tare butđangle thaj tare razumna a vačardan e ciknenđe.
§ Va, Dade, golese kaj si gova ćiri volja.”
22 Thaj irisajlo o Isus pe sikade thaj vačarda: “Sa manđe dija o Dad mingro, thaj khoni ni đanol ko si o Čhavo sem o Dad, ni ko si o Dad sem o Čhavo, thaj ako o Čhavo manđol nekase te vačarol.
*”
23 Thaj irisajlo e sikadenđe korkore kana sesa thaj vačarda lenđe: “Bahtarde si e jakha so dičhen so tumen dičhen.
24 Golese vačarav tumenđe kaj but prorokura thaj carura manglje te dičhen man thaj ni dikhlje, thaj manglje te šunen man thaj ni šunde.
O Isus sikavol taro đuvdipe bizo meripe
(Mt 22,34–40; Mk 12,28–31)
25 Thaj uštilo jekh tare učitelja taro Mojsijaso zakono te iskušil le thaj pučljale: “Učitelju! So trubul te čerav te avol ma životo bizo meripe?”
26 A o Isus vačarda lese: “So si pisimo ane Mojsijaso zakono? Sar tu gova haljare?”
27 A vov phenda e Isusese: “Čumide e Rajo e Devle ćire sa e ilesa ćiresa, sa e ođesa ćiresa, thaj sa e zorasa ćirasa, thaj sa e gođasa ćirasa,
thaj mang
† će pašutne kozom manđe korkore tut.”
28 A o Isus vačarda lese: “Šukar vačardan. Čer gova thaj ka avol tut đuvdipe bizo meripe.”
29 A o učitelji taro zakono manglja te pravdilpe, pa pučlja e Isuse: “Ko si mo pašutno?”
‡ 30 A o Isus vačarda lese: “Jekh manuš ulilo taro Jerusalim ano foro savo akhardol Jerihon, thaj dolde le e čora, save uljarde lese šeja thaj marde le. Đele pese thaj ačhade le opaš mule pašo drom.
31 Thaj slučajno gole dromesa nakhlo nesavo jevrejsko svešteniko, thaj dikhlja le em crdijape lestar ki aver rig i nakhlo.
32 Gija i o Levito e sveštenikoso kandino kana avilo ke gova than avilo paše, dikhlja le thaj nakhlo.
33 A nesavo Samarijanco
§ avilo paše leste, dikhlja le pa pelo lese žal,
34 thaj avilo koslja lese rane uljesa thaj moljasa, thaj pačarda len čutale ke po her thaj inđarda le ani mehana, thaj diklja pe leste.
35 Thaj theara đive kana lija te đal ikalda duj grošura
* dija ko manuš kasi sasa i mehana, thaj phenda lese: 'Dik pe leste, thaj te trošisadan po but me ka počinav kana ka irima.'”
36 “So den gođi akana?” Pučlja o Isus. “Tare kala trin đene ko sikadilo thaj sasa po pašutno kolese so doldele e čora?”
37 A učitelji e zakoneso phenda lese: “Savese pelo žal thaj savo čerda milosrđe.”
A o Isus vačarda lese: “Đa, thaj tu čer gija.”
E Isuso lafi trubul te avol amenđe ko prvo than
38 A kana đele premalo Jerusalem, o Isus avilo ane jekh gav, a jekh đuvli, akhardola Marta, lija le ane po čher. 39 Thaj la sasa phen, akhardola Marija, savi bešli paše pingre e Isusese thaj šunda leso vačaripe. 40 A i Marta dikhlja po but ani buči em sar emlačhe te kandol le, thaj avili pašo Isus thaj vačarda lese: “Rajo! Šukar li si kava so mi phen ačhada ma korkora te kandav tut? Vačar lače te pomožil ma.” 41 A o Isus irindoj vačarda lače: “Marto! Marto! Sikiritu tut thaj trudi tut butese. 42 A samo jekh trubul. I Marija ći phen birisada šukar kotor, te šunol mo lafi savo ni ka lolpe latar.”