3
Laŋtaŋgona meikramtaɨrta kam
Mt 18.15, na 1 Ko 7.14-16, na Epe 5.22, na Kol 3.18, na Ta 2.5Aintik an tɨpna kirara ne laŋtaŋgona meikpitik, ne ndorita kaŋterta kaŋgauk ndeacraŋ. Na nena kaŋterta ndeida Raraŋ Aetaniacna kammo raŋgai ŋgocor te, mina nena tɨpemb kirarir laiŋga wat te, na ne minmo kam ianna mbop ŋgocor, mina ndorita nikinik iroarmo ŋgetrikinandet. Na an kɨdrɨkca mina watrina, ne meikpitikca ne wandoikca taŋrenan, na ne mina kaŋgaukca eacrenan. 1 Ti 2.9, na Ta 2.3Na ne ndorita tikemb tiŋgikmo kai mataua lamboi golnanapa lamboi laiŋ aoc, co, paŋaindta lakoarmo lanap. Ŋap 45.13, na Ro 7.22, na 2 Ko 4.16Na ne ndorita nikinik iroarmo an ŋgocrai ŋgocorta lamboimo aoc, anna laŋ. Na ainta lamboia anna nikinikmo laŋapa, nikinik iro wetwet eacrena tɨpna kirar. Na an tɨpna kirara Raraŋ Aetaniacna lamnɨacmo laŋ ŋgoin. RL 18.12Na an tɨpna kirara atuna meik ratta ndorita lambirena rɨtɨpacmo Raraŋ Aetaniaca tɨkrenan, te, mina lamboia mina wapat laŋa wandacrenan. Na mina ndorita kaŋterta kaŋgaukca eacrenan. Na anna kirara Sara, ma Abraammo ndona kacoot ŋgacrena. Na ne tɨpemb kirarir laiŋga morenan, na ne reac ianna mba nanambirenan, ne ainda mo te, ne Sarana mombonik tarunandet.
1 Ko 7.3, na 12.23, na Epe 5.25, na Kol 3.19, na 1 Te 4.4Na ne laŋtaŋgona ramtaɨr, ne an tɨp kirar kabemo, iroar laiŋ raŋgai te, ne ndorita meikap matau eacraŋ. Na meikpitikta tikembca gagrar kocor, aintik ne minmo tɨpemb laiŋga moraŋ. Ainda moca ne lamŋirenan, mitoco an kakadmaina opotacapa, iarwarna eteacna wat toco aŋgɨnande. Na ne ainta tɨpembta kirarira raŋgai te, reac ianna nena mbembendeimo mba mo ŋgocraitndait.
Memetmbaca aia kabena meikramtaɨrmo tɨpemb kirarir laiŋga moraŋ
Mt 5.44, na Ro 12.10, na Pil 3.16, na Kol 3.12, na 1 Te 5.15, na 1 Pi 2.17, na 2.23Na mandeaca aku an kammo gainda maina mamoek, ne muruŋcamiŋa nikinik iro kabe eac te, ne Iesusa rɨpacrena laiplacarmo gidik ŋgoinna matŋiraŋ, na ne kabena meikramtaɨrmo kadmairaŋ, na paŋan garurna tɨpemb kirarirmo tɨkcari. Mt 25.34, na Ro 12.14, na 1 Te 5.15Na meikramtaɨra nemo tɨpemb ŋgorikca mo te, ne minmo kai ruti teac. Na mina nemo kamb ŋgorikca mbop te, ne an motocmo kai ruti teac. Na ne gaindta tɨp kirar mbuŋa gainda ruti, ne Raraŋ Aetaniacmo mbendeica ma minmo laŋa mo. Na Raraŋ Aetaniaca nemo ainda mona acrinan, te, ne mana opotac laŋa ne aŋgɨnandet.
10  Ie 1.26, na 1 Pi 2.1, na 2.22 Ŋap 34.12-16Na aia lamŋirena,
 
“Mandaia ndona eteacna watmo, laŋa eacna mo te,
na ma eteac laŋa watna,
ma kamb ŋgorikca kai mbop teac,
na ma paparuna kambca kai mo teac.
11  Ais 1.16-17, na Ro 12.18, na Ib 12.14Na ma tɨpemb ŋgorikmo iŋ neaŋ,
na ma tɨpemb laiŋ tiŋgikca raŋgairaŋ.
Na ma kabena meikramtaɨrmo nikinik iro wetwet kabeap eacraŋ,
na an tɨpemb kirarirmo ma gagraca raŋgairaŋ.
12  In 9.31Na Kacootna lamnɨaca ma meikramtaɨr wandoikta watrenan,
na ma mina mbembendeimo, koar tɨkca waracrenan.
Na meikramtaɨra tɨpemb ŋgorikca morenan,
ma minmo mba toŋgorenan.”
Na tɨpemb kirarir laiŋga aia morenanna aia mana gɨrgɨra aŋgɨnandet
13  ML 16.7, na Ro 8.28Na ne tɨp kirar laŋna towai gagraca raŋgai te, mandaia ndo nenmo tɨp kirar ŋgoreaca moit? 14  Ier 1.8, na Mt 5.10, na Ie 1.12, na 1 Pi 2.20, na 4.14 Ais 8.12-13Na ne tɨpemb kirarir wandoik laiŋga mo te, na ne mana makukca aŋgɨ te, ne anna toŋgo. Na mina nenmo nanambina reac ianna mo te, ne kai rugut mo teac. Na nena nikinik iroar kai ŋgep ŋgoreac naŋgep teac. 15  Up 4.8, na Kol 4.6, na 2 Ti 2.25Aintik nena iroar inkara ne Karais niŋgikmo tɨkca eacraŋ, ma nena Kacoot. Na mina nenmo an reac laŋa ne anna lambirena mɨnɨŋna digi te, ne anna rutina kammo memetmbaca kocroca eacraŋ. 16  Ta 2.8, na Ib 13.18, na 1 Pi 2.12Ainda moca ne mina kammo nda rutina mo te, ne iro wetwet mbuŋapa, tɨp kirar laŋ mbuŋa mo. Ainda moca ne memetmbaca Raraŋ Aetaniacna lamnɨacmo wandoŋ laŋ ŋgoinna eacraŋ. Te, mina nenmo kam ŋgoreacapa, nenmo pepere te, an ramtaɨra mina nenmo Karaisna raŋgairena tɨp kirar laŋna moca nemo peperenan, na mina mboprena an kambta moca mina numbir aŋgɨnandet. 17  1 Pi 2.20Na aia tɨp kirar laŋa morenanna, Raraŋ Aetaniaca aimo anna gɨrgɨr aŋgɨna toŋgo te, anna laŋ. Na aia morena tɨp ŋgoreacna gɨrgɨr aŋgɨ te, anna reac ŋgoreac.
Karaisa menaca ma nda ŋgepca aimo mac nda aŋgɨna
18  Ro 5.6, na 6.10, na 8.11, na 2 Ko 13.4, na Epe 2.18, na Kol 1.21-22Na ne Karais motocmo lamŋi. Ma ramoot wandoŋ, na ma meikramtaɨr ŋgorikta taup aŋgɨca menaca tɨpemb ŋgorikta makukara mo kecaririnan, na nenmo aŋgɨca Raraŋ Aetaniac ndambuŋa taŋna. Aintik ma kɨdrɨk kabe niŋgikca menacrina, na ma mba mac menacitndai. Na gan tiacarpaikmo ma ramootna kirar toca eacrinan, na mina mamo mo menacatna. Na ma nda ŋgeprina, na ma ŋeroŋ toca eacrenan. 19  RL 6.1—7.24, na 8.18, na Ib 11.7, na 2 Pi 2.5Ainda moca ma ŋeroŋ ndeacri, ma taŋca ŋerŋgaura kac ŋgoreaca eacrenanmo kam wiwitirinan. 20 Na an ŋerŋgaura mina kammo Noanna mɨn mbuŋa Raraŋ Aetaniacna kambmo nda mbopatnan. Na Noanna mɨnna tɨp ŋgoreaca aniaca larurinan, na Raraŋ Aetaniaca ma mba tawia rutiatke. Ma lambica taŋga Noa, ma ndona laŋgummo moa maiatke. Na wɨtca wanaiŋ, meikramtaɨr parmbaiapa mbutrem mbonkac tiŋgikca mina laŋgumma ŋgabukca laemb aniaca minmo aŋgɨca taŋri, na Raraŋ Aetaniac minmo nda aŋgɨca, mina laŋ maeacat. 21  Ro 10.10, na Epe 5.26, na Ta 3.5, na Ib 10.22Na an pukca ma kɨtac pukca pocpocrina, na ainta taupca Raraŋ Aetaniaca nenmo kɨtac puk mbuŋa nda aŋgɨrenan. Na kɨtac pukca ma nena tikna patiŋa mataunanna wanaiŋ. Anna ne Raraŋ Aetaniacmo digica ma nenmo moca ne iroar inkara laiŋga mana lamnɨaca ŋgout ndeacna. Na nenmo mac nda aŋgɨna moca Karaismo mukca tɨkca mac nda aŋgɨca ŋgepatnan. 22  Ŋap 110.1, na Mt 22.44, na Ro 8.34, na 8.38, na 1 Ko 15.24, na Epe 1.20-21Na mandeaca Karaisa tamuŋna auŋ mac nda taŋrinan, na ma Raraŋ Aetaniacna par umbaia mbiraca eacrenan. Na mbaiŋna aiŋa morena ŋerŋgaurapa, gargar anikapna ŋerŋgaur, na gargarapna reikca mina muruŋa mana kaŋgaukca eacrena.

3:1 Mt 18.15, na 1 Ko 7.14-16, na Epe 5.22, na Kol 3.18, na Ta 2.5

3:3 1 Ti 2.9, na Ta 2.3

3:4 Ŋap 45.13, na Ro 7.22, na 2 Ko 4.16

3:5 RL 18.12

3:7 1 Ko 7.3, na 12.23, na Epe 5.25, na Kol 3.19, na 1 Te 4.4

3:8 Mt 5.44, na Ro 12.10, na Pil 3.16, na Kol 3.12, na 1 Te 5.15, na 1 Pi 2.17, na 2.23

3:9 Mt 25.34, na Ro 12.14, na 1 Te 5.15

3:10 Ie 1.26, na 1 Pi 2.1, na 2.22

3:10 Ŋap 34.12-16

3:11 Ais 1.16-17, na Ro 12.18, na Ib 12.14

3:12 In 9.31

3:13 ML 16.7, na Ro 8.28

3:14 Ier 1.8, na Mt 5.10, na Ie 1.12, na 1 Pi 2.20, na 4.14

3:14 Ais 8.12-13

3:15 Up 4.8, na Kol 4.6, na 2 Ti 2.25

3:16 Ta 2.8, na Ib 13.18, na 1 Pi 2.12

3:17 1 Pi 2.20

3:18 Ro 5.6, na 6.10, na 8.11, na 2 Ko 13.4, na Epe 2.18, na Kol 1.21-22

3:19 RL 6.1—7.24, na 8.18, na Ib 11.7, na 2 Pi 2.5

3:21 Ro 10.10, na Epe 5.26, na Ta 3.5, na Ib 10.22

3:22 Ŋap 110.1, na Mt 22.44, na Ro 8.34, na 8.38, na 1 Ko 15.24, na Epe 1.20-21