2
Aia mbendeia Raraŋ Aetaniacmo digica ma meikramtaɨrmo muruŋa otacna
Ier 29.7, na Esi 6.10, na Ro 13.1, na Epe 6.18, na Pil 4.6Ainda moca reac lacaua, u monanna anna gaind. U meikramtaɨrmo mbopca mina muruŋa Raraŋ Aetaniacmo mbendeica manmo kam laŋ neaŋgarica manmo meikramtaɨr ŋgotacna digi. Na manmo opotac laŋ neaŋna mbendei. Na mina Raraŋ Aetaniacmo mbendeica ma gagrirta ramtaɨr paŋaindapa, ramtaɨr paŋaindmo otac. Te, aia muruŋa eteac laŋ ndeacnandet. Na aia nikinik iro kabe niŋgik ndeac, te, Raraŋ Aetaniacna toŋgorena tɨpemb kirarirmo aia an ŋgoinna raŋgaica eacraŋ. Na ainta mbembendeia ma Raraŋ Aetaniacna lamnɨac ŋgoutta laŋ. Na ma aimo mac nda aŋgɨna Ramoot, na ainta mbembendeia ma toŋgorenan. Esi 18.23, na In 3.16-17, na 17.3, na 1 Ti 4.10, na 2 Ti 2.25, na 2 Pi 3.9Na ma meikramtaɨrmo muruŋcamiŋa mac nda aŋgɨnandet, te, mina kam gidikna mɨnɨŋa matau lamŋinandet. Ro 3.29-30, na Gal 3.20, na Ib 8.6, na 9.15, na 12.24Na aia lamŋirenan, Raraŋ Aetaniac kabe niŋgikca ndo eacrenan. Na Raraŋ Aetaniacapa, meikramtaɨrta rɨkca wɨtɨkca eacrena ramoot kabe niŋgik eacrena, na an ramootta anna Karais Iesus. Mt 20.28, na 1 Ko 1.6, na Gal 1.4, na Epe 1.7-9, na 2 Te 1.10, na Ta 1.3Na Raraŋ Aetaniaca larapacrina kɨdrɨk ndaru te, Karaisa ma ndona watnan kecariri, ma meikramtaɨrmo muruŋcamiŋa mac oiknandet. Na an taup mbuŋa Raraŋ Aetaniaca aimo wandacrenan, na ma toŋgorinanna ma meikramtaɨrmo muruŋa mac nda aŋgɨna. Up 9.15, na Gal 1.16, na 2.7-8, na Epe 3.7-8, na 2 Ti 1.11Ainda moca ma aukmo larapacrina, na mana up aŋgɨrena ramoot ian ndaruca, mana kammo wiwitina. Na ma aukmo ririptina aiŋ neaŋrinan, te, aku Iudana meikramtaɨr wanaiŋmo, kam gidikapa, rɨtɨpacna kam riptina. Na aku kam gidikca mboprena, aku mba parurenan.
Ais 1.15, na Mal 1.11, na In 4.21Aintik aku toŋgorenanna, ramtaɨra mbendeina mo te, mina kai ipuŋ teac, na ndorimo wandoŋ rat ndeac te, Raraŋ Aetaniacmo par gaca, mamo mbendei.
Meikpitikta lamboir laiŋga, anna aiŋ laŋa morena tɨpna kirar
1 Pi 3.3-5Na aku toŋgorenanna, meikpitikca ndorita mɨnna lamboir laiŋ tiŋgik aoc. Na mina kai kun teac, na kituknduk aniacna lamboirta reik, co, karorerpaik laiŋta lamboir, co, ndorita paŋaindta lakoara kai lanap teac. 10  1 Ti 5.10Na meikpitikca Raraŋ Aetaniacna kamma raŋgairenanna, mina anna mo te, mina aiŋir laiŋga mo, anna ndo mina lamboira wandacnandet. 11 Te, mina ndorimo tamuŋa kai tɨk teac, mina laŋan wetwet ndeac te, Raraŋ Aetaniacna kam mbarac. 12  1 Ko 14.34Ainda moca aku meikpitikmo mba wattacarica, mina ramtaɨrpitikmo, paŋanmbaia mba taŋrena, co, ramtaɨrmo Raraŋ Aetaniacna kammo mba riptirinanna, wanaiŋ. Aku minmo wattacarica mina laŋan wetwet ndeaca kambmo kai kunni mbop teac. 13  RL 2.7, na 2.21-22, na 1 Ko 11.8-9Na ne warac, Raraŋ Aetaniac, ma Adammo outta moatna, iŋmbaia ma Iba moatna. 14  RL 3.1-6, na 2 Ko 11.3Na Ramoot Mbɨkca Ibmo outta paruri, na Iba tɨp ŋgoreacna makukca moatna. Na ma Adammo mba paruatke, wanaiŋ. 15 Na meikpitikta opotaca, mina mooŋnuoca mɨr te, an mbuŋa anna ndo minmo otacnandet. Na mina Karaismo memetmbaca rɨpacraŋ te, mina ndorita iroar laiŋ neaŋga, mina ratar teac te, kabena meikramtaɨrmo matŋi te, Raraŋ Aetaniaca minmo mac nda aŋgɨnandet.

2:1 Ier 29.7, na Esi 6.10, na Ro 13.1, na Epe 6.18, na Pil 4.6

2:4 Esi 18.23, na In 3.16-17, na 17.3, na 1 Ti 4.10, na 2 Ti 2.25, na 2 Pi 3.9

2:5 Ro 3.29-30, na Gal 3.20, na Ib 8.6, na 9.15, na 12.24

2:6 Mt 20.28, na 1 Ko 1.6, na Gal 1.4, na Epe 1.7-9, na 2 Te 1.10, na Ta 1.3

2:7 Up 9.15, na Gal 1.16, na 2.7-8, na Epe 3.7-8, na 2 Ti 1.11

2:8 Ais 1.15, na Mal 1.11, na In 4.21

2:9 1 Pi 3.3-5

2:10 1 Ti 5.10

2:12 1 Ko 14.34

2:13 RL 2.7, na 2.21-22, na 1 Ko 11.8-9

2:14 RL 3.1-6, na 2 Ko 11.3