4
Timotia ma Raraŋ Aetaniacna kammo gagaraca wiwitina
Up 10.42, na Ro 14.9-10, na 1 Ti 5.21, na 6.13Aintik Raraŋ Aetaniacna lamnɨacapa, Karais Iesus, ma meikramtaɨra muruŋcamiŋa menacrinanapa, menac ŋgocortanna, ma toco mina tɨpemb kirarira ritrinandet. Na aku unmo gagara aind mambopek, Karais Iesus, ma meikramtaɨrmo muruŋcamiŋna lamnikmo raek ndarunandet, na ma memetmbaca gagrirta ramoot paŋanna eacraŋnandet. Up 20.20, na 20.31, na 1 Ti 4.13, na 5.20, na Ta 1.13, na 2.15Ainda moca u mana kammo gagraca wiwitiraŋ. Na meikramtaɨra mana kammo waracna kocrori, co, kocro ŋgocor, u memetmbaca Karaisna kammo gagraca wiwitiraŋ. Na u minmo kam gargar neaŋca mina iroara rɨŋga, mina iroara moi ŋgepca mina iroar inkar uriraca Raraŋ Aetaniacna tɨpemb kirarira raŋgaina. Ainda moca u memetmbaca u minmo laŋan wetwetta minmo Raraŋ Aetaniaca toŋgorina tɨpemb kirarirmo mataui riptiraŋ. 1 Ti 1.10, na 4.1, na 2 Ti 1.13, na 3.1, na 3.6Na u warac, iŋmbaia meikramtaɨra mina kamb wandoikmo, mba mac toŋgoca waracitndai. Wanaiŋ ŋgoin, mina koura ainta kamb ŋgorikca waracna toŋtoŋ ŋgoinap, te, mina ramtaɨr wɨtmo aŋgɨca mina toŋgorena kammo riptica mina waracna. 1 Ti 1.4, na 4.7, na Ta 1.14Ainda moca mina kam gidikmo iŋ neaŋca mina ninini wanaiŋmo kourmo tɨkca waracrena. Up 21.8, na Epe 4.11, na 2 Ti 1.8, na 2.3Na memetmbaca u ndo u lamŋi pɨarnande. U makukarapa, gɨgɨrara u mbuknandet. Na u kam wembaŋ laŋna aiŋa moca, meikramtaɨrmo wiwitiraŋ. Na u meikramtaɨrmo opotacna aiŋap, na u an aiŋmo gidikca mo.
Pola menacna rambuŋairi
Pil 1.23, na 2.17, na 2 Pi 1.14Na u lamŋirena aku menacna rambuŋairi, na aukna racaindpaikca kactaca ma an wainna mina Raraŋ Aetaniacmo gɨmbamba neaŋrena kirar. Na aku nenmo tɨkcarina ra kɨpca marambuŋairi. 1 Ko 9.24-25, na Pil 3.14, na 1 Ti 6.12, na Ib 12.1Ainda moca aku runduŋ laŋmo aku maruŋgat, na aku opot laŋa katumrina. Na mandeaca aku mana mamamaina mɨnna maaŋgɨat. Na Raraŋ Aetaniacna rɨtɨpaca aku utiŋga gagraca eacrena. 1 Ko 9.24-25, na 2 Ti 1.12, na Ie 1.12, na 1 Pi 5.4, na KIEK 2.10Na mandeac an katumna gagamma ramootta outta tɨk te, ma aŋgɨnanna, ma aukmo kocroca lambica eacrena. Na outta tɨkrena gagamma gaind, Kacootta aukmo ramoot wandoŋ laŋ ndopnandet. Na Kacootta ma tɨpemb kirarir wandoik laiŋ tiŋgikca raŋgairena, na meikramtaɨrta tɨpemb kirarira ma ritrirena. Na mana ritri waparacna ra, ma aukmo an outta tɨkrena ramootna gagamma, neaŋnandet. Na ma aukmo ndo kabea mba neaŋitndai. Wanaiŋ. Ma an meikramtaɨra mana watna toŋtoŋ aniacapa, mamo lambica ma raekca laruca ma mimo neaŋnandet.
Pola Timotimo ndo ndambuŋa tawi ŋgoinna taŋna
2 Ti 1.4Na Timoti, u auk ndambuŋmo towai gagraca tawi ŋgoin nakɨp. 10  2 Ko 8.23, na Gal 2.3, na Kol 4.14, na Pm 1.24, na Ta 1.4, na 1 Io 2.15Na u warac, Demasa ma gan tiacarpaikna tɨpembta kirarira toŋgorenan tik, ma aukmo tɨkcarica Tesalonika auŋ aniaca mataŋgat. Na Karesens, ma Galesiana pitrik aniaca mataŋgat, na Taitusa ma Dalmesiana pitrik tekera mataŋgat. 11  Up 12.12, na 12.25, na 13.13, na 15.37-39, na Kol 4.10, na 4.14, na Pm 1.24Aintik Luka ma ndo kabea aukap eacrena. Ainda moca u Makmo aŋgɨca ma unap kɨp, ma aukmo otaca aiŋa mona ramoot laŋ. 12  Up 20.4, na Epe 6.21-22, na Kol 4.7-8Na Tikikusa aku manmo, mandaca ma Epesus auŋ aniaca mataŋgat.
13  Up 20.6Na u kɨpna mo te, u aukna tik ŋgapaoc rocotta aku Toroas auŋa tɨkcarinanmo aŋgɨca kɨp, na ma Karpusna kac ndeacrena. Na timbigta kaipa mina amta ŋgoaebta iŋir puŋga morinanna, u anmo ndarekrekke nari, an timbigta kaipa u anap aŋgɨca kɨp.
14  Ŋap 28.4, na 62.12, na ML 24.12, na Up 19.33, na Ro 2.6, na 1 Ti 1.20, na KIEK 18.6Na baras mbuŋa reikca morena ramoot, Aleksander, ma aukmo reik ŋgorik wɨtta morina. Ainda moca iŋmbaia Kacootta manmo an tɨpemb kirarira ma morinanna, nda rutica manmo mo ŋgocrainandet. 15 Na u toco, u mana moca mamo matau wat, ma aina kammo ipuŋga gagraca nda mboprina.
16  Up 7.60, na 2 Ti 1.15Na out ŋgoinna aku ndona wawara ritri waparacna kam ndopri, ramoot ianna aukap mba wɨtɨkca aukmo otaca mbopri. Wanaiŋ, mina muruŋcamiŋa aukmo tɨkcariatna. Na aku Raraŋ Aetaniacmo mbendeia, ma mina an tɨpemb ŋgorikta moca anna kai lamŋi teac. 17  Ŋap 22.21, na Dan 6.22, na Up 23.11, na 27.23, na 2 Pi 2.9Ainda moca Kacootta ma ndo kocroca, aukmo gargara neaŋrina. Aintik aku kam wembaŋ laŋmo wiwitica mɨnna tɨkri, na Iudana meikramtaɨr wanaiŋa muruŋcamiŋa waracrina. Na Kacootta aukmo amna ŋgoaem, laionna upa tɨkca maaŋgɨat. 18  Ŋap 121.7, na Ro 11.36, na Gal 1.5, na Ib 13.21An kirar mbuŋa mina aukmo tɨpemb ŋgorikca moeknanna, Kacootta aukmo mac nda aŋgɨnandet. Te, ma aukmo laŋa mona moca, aukmo ndona bubuocrena tamuŋna auŋ naaŋgɨ taŋnandet. Na aia mana i aniacmo memetmbaca iarwar naaŋgɨ ŋgepraŋnandet. Na anna gidik.
19  Up 18.2, na 2 Ti 1.16-17Na u aukna ra laŋmo Pirisilaapa, Akuwila maniŋmo neaŋ, na Onesiporusna kacnɨmnanmo neaŋ. 20  Up 19.22, na 20.4, na 21.29, na Ro 16.23Na Erastus, ma Korin auŋ aniac maeacreke, na Toropimusa ma roumbap tik aku mamo auŋ aniac Miletusa tɨkcamacariri. 21 Na u gagraca tawi kɨp. Na u lambi te, laemba kɨpnandet.
Na Iubulusapa, Pudensapa, Linusapa, Kilodiaapa, Iesusa rɨpacrena laiplacara muruŋcamiŋa unmo ra laŋ neaŋrina.
22 Aintik Kacootta una ŋeroŋap eac. Na mana kakadmaica nenap muruŋcamiŋa eacnandet.

4:1 Up 10.42, na Ro 14.9-10, na 1 Ti 5.21, na 6.13

4:2 Up 20.20, na 20.31, na 1 Ti 4.13, na 5.20, na Ta 1.13, na 2.15

4:3 1 Ti 1.10, na 4.1, na 2 Ti 1.13, na 3.1, na 3.6

4:4 1 Ti 1.4, na 4.7, na Ta 1.14

4:5 Up 21.8, na Epe 4.11, na 2 Ti 1.8, na 2.3

4:6 Pil 1.23, na 2.17, na 2 Pi 1.14

4:7 1 Ko 9.24-25, na Pil 3.14, na 1 Ti 6.12, na Ib 12.1

4:8 1 Ko 9.24-25, na 2 Ti 1.12, na Ie 1.12, na 1 Pi 5.4, na KIEK 2.10

4:9 2 Ti 1.4

4:10 2 Ko 8.23, na Gal 2.3, na Kol 4.14, na Pm 1.24, na Ta 1.4, na 1 Io 2.15

4:11 Up 12.12, na 12.25, na 13.13, na 15.37-39, na Kol 4.10, na 4.14, na Pm 1.24

4:12 Up 20.4, na Epe 6.21-22, na Kol 4.7-8

4:13 Up 20.6

4:14 Ŋap 28.4, na 62.12, na ML 24.12, na Up 19.33, na Ro 2.6, na 1 Ti 1.20, na KIEK 18.6

4:16 Up 7.60, na 2 Ti 1.15

4:17 Ŋap 22.21, na Dan 6.22, na Up 23.11, na 27.23, na 2 Pi 2.9

4:18 Ŋap 121.7, na Ro 11.36, na Gal 1.5, na Ib 13.21

4:19 Up 18.2, na 2 Ti 1.16-17

4:20 Up 19.22, na 20.4, na 21.29, na Ro 16.23