17
Tɨp ŋgoreacna makukca ndo rɨtɨpaca moa ŋgocraiatna
(Matiu 18.6-7 na 18.21-22 na Mak 9.42)
Mt 18.6-7, na Mk 9.42Karica Iesusa ndona iŋa raŋgairena ramtaɨrmo aindopatna, “Ainta reac, reaca meikramtaɨrmo larunande, anna mina rɨtɨpaca mo iriknan. Aintik mandaia ainta reaca moa larurina ramoot, manbaina kakadmai ŋgoin. Ma makukca aŋgɨnandet. Na ramoot ian, ma an mombonikta ianmo, moca ma tɨp ŋgoreacna makukca mbutuk te. Ainta ramootmo, mina aŋgɨca mana logotmo, waut aniacap ŋgatɨk mbuŋa leaca aŋgɨri, macait inik nake pukca, ma menacnande. Na ainta makukca ma aŋgɨeknanna, Raraŋ Aetaniaca mamo neaŋgekna makukca, anmo kunda tamuŋ ŋgoin.
TN 19.17, na ML 17.10, na Mt 18.15, na Ie 5.19“Aintik ne ndorimo mataui bubuoci eac. Moca una laiplacarta ianna, unapmo tɨp ŋgoreacna makukca mo te, u mamo gɨgɨrai mbopca ma ndona tɨp ŋgoreacna makukmo, moi wandoŋai. Na ma ndona iro inik ŋgetriki te, u mana tɨp ŋgoreacna makukca mo kecari. Aintik ŋarikca ma unapmo ra kabena inikca unmo tɨpemb ŋgorikta makukarmo, parmbaiapa mbutniŋna mɨnna mo te, an rana inikca ma kɨdrɨk parmbaiapa mbutniŋna mɨnna mac nda kɨpca, unap morina tɨp ŋgoreacna makukna moca unapmo, anna kakadmaina kam ndop te, u mamo mana tɨp ŋgoreacna makukmo mo kecaria, mamo tɨp laŋa mo.”
Iesusa rɨtɨpacna tɨp kirarna kam ndopatna
Mk 9.24Ri, Iesusna up aŋgɨrena ramtaɨr, mina aindopatna, “Kacoot, u aina rɨtɨpacmo moi bagaraniac ŋgoin ndaru.” Mt 17.20, na 21.21, na Mk 9.23, na 11.23Karica Kacootta minmo aindopatna, “Nena rɨtɨpaca ik mastetna loorna aniacna kirar toc te, na ne ik aniac ianmo aindop te, ‘U kacrirpaikap tarkica taŋi, macait rɨkmbaia wɨtɨk.’ Ne aindop te, ma nena kam mbaracnande.”
Iesusa mbaiŋa morena ramootna kirarirta nininia moatna
Ainda moca Iesusa mimo aind mac mbopatna, “Moca nena inikna ramoot ian, ma ndona mbaiŋna aiŋa morena ramootmo, mbagɨrica mataŋca warɨŋna aiŋa mo te, mana sipsiparta ŋginaŋa moi mai te. An mbaiŋna aiŋa morena ramootta mac nda kɨpi kacnɨm ndaru te, moca mana kacootta mamo aindop te, ‘U tawi kɨpca mbiraca ndona amna reac aŋgɨca am?’ Lk 12.37Ma aindopit ki? Wanaiŋ ŋgoin. Kacoot, ma ndona aiŋna ramootmo ma aindopnande, ‘U aukna amna reac kocroca, na lamboi laŋ aŋgɨri aoca, aukna amna reac rɨŋa aŋgɨri kɨpca aku am mai te, iŋmbaia ecte, u ndona amna reacapa puk am.’ Na an mbaiŋna aiŋa morena ramootta, ndona kacootna kamma waraca aiŋa mo te, mana kacootta manmo kam laŋ neaŋit ki? Wanaiŋ ŋgoin. 10  Mt 25.30, na Ro 3.12, na 1 Ko 9.16-17, na Pm 1.11Ainda moca ne toco ne ainta tɨpemb kirarirmo, Raraŋ Aetaniac mboprina tɨp kirar ŋgoinna mo te, ne ŋgepca aindop, ‘Aia mbaiŋna aiŋa morena ramtaɨr laiŋga wanaiŋ. Titna aiŋa aia morenanna, anna aia ndorita aiŋira morena.’ ”
Iesusa roumb lepaap eacrina ramtaɨr parniŋa moa laŋa moatna
11  Lk 9.51-52, na 13.22, na In 4.4Karica Iesusa Ierusalemma taŋna taŋga, Samariaapa, Galilina pitrik aniacniŋna kɨdrɨkna auŋ ian ndaruca. 12  TN 13.46Ma an auŋna inikca mbukca taŋri, roumb lepaap eacrina ramtaɨr parniŋa, mina kɨpca mamo taupca tɨkca ndauprikica, manmo mon tawanna wɨtɨkri. 13  TN 13.45-46Na mina maacat, “Kacoot Iesus, u aimo kadmaia otac.” 14  TN 13.2, na 14.1-32, na Mt 8.4, na Lk 5.14Ri, Iesusa minmo watca aind mambopat, “Ne ndorita tikembmo taŋca taup ndamtaɨrmo wandac.” Aindopca mina taŋga ndorita tikembmo, wattatnanna laŋ ŋgoin ndacariri. 15 Na an ramtaɨra taŋga taupmo rɨkniŋa tɨkatke, mina ianna ndona tikmo wattatnanna, mana tikca laŋa moatna mbatca, ma Iesus ndambuŋ mac nda taŋga, Raraŋ Aetaniacna imo aŋgɨra ŋgepri toŋtoŋ ŋgoin. 16 Karica ma nda taŋga Iesus ndambuŋ ndaruca, mana or kɨtɨmmo paŋan ramtukca mamo kam laŋ maneaŋgat. An ramoot, ma Samarianan. 17 Ri, Iesusa an ramootta watca, manmo gaindopatna, “Aku anmo an ramtaɨr parniŋmo laŋa momondopca, na an par kabeapa mbutremb paura ten ndeacre? 18 Kaica, ramoot embaia mac nda kɨpca Raraŋ Aetaniacna i aniacmo aŋgɨri ŋgep ŋgocor? Na an kabena auŋna ramootta ndo, mana i aniacmo aŋgɨra ŋgepapekna?” 19  Mt 9.22, na Mk 5.34, na Lk 7.50Karica Iesusa an ramootmo aindopatna, “U ŋgepca taŋ, una rɨtɨpaca ndo umo moca u laŋ mamori.”
Ramootna Nuoc ma larui raekca tɨknande
(Matiu 24.23-28 na 24.37-41)
20  In 3.3, na 18.36Karica Parisiarta ramtaɨr ndeida Iesusmo gainda digiatna, “Tumbuitta tɨk te, Raraŋ Aetaniacna bubuoca kɨpit?” Ri, Iesusa mina kam rutica gaindopatna, “An mɨnna Raraŋ Aetaniacna bubuoca kɨp te, meikramtaɨrta lamnikca mba ŋgagatrac ianna mba watitndai. 21  Mk 13.21, na Lk 17.23, na Ro 14.17Na meikramtaɨra gainda mba mbopitndai, ‘Wat, gade ma gan maeacreke.’ Co, ‘Monde, ma mon maeacreke.’ Na ne warac. Raraŋ Aetaniacna bubuoca ande nenap maeacreke.”
22 Ainda moca Iesusa ndona iŋa raŋgairena ramtaɨrmo aindopatna, “Iŋmbaia ra ianna kɨpnandet. Te, ne Ramootna Nuocmo an ra tɨki watca, ne manap eacna toŋtoŋgar anikap monandet, na ne gidikca mba watitndai. 23  Mt 24.23, na Mk 13.21, na Lk 17.21, na 21.8Na mina nemo gaindopnande, ‘Ne wat, ma monde mon maeacreke!’ Co, ‘Ne wat, ma gade gan maeacreke!’ Aindop te, ne kai ŋgepca mina iŋa kai raŋgaica kai taŋ teac. 24  Mt 24.27Na weperaca, riac tamuŋa metacrenanna ne lamŋirena, ma waŋembaia tɨkca aŋgɨri metac te, mana memetaca mon tawan ŋgoinna metaci taŋnande. Na Ramootna Nuocna kɨkɨp, ma an weperac wandacre toc nakɨp te, meacramoota muruŋa watnande. 25  Mk 8.31, na 9.31, na Lk 9.22Na outmbaica ma gɨgɨrar anik wɨtta pac aŋgɨcarica, na anna iŋmbaia gan mɨnna meikramtaɨra mamo mba toŋgoitndai.
26  RL 6.5-8, na 7.1-24, na Mt 24.37“Ainta tɨpembta kirarira, mina Noanna mɨn mbuŋa moatna kirarira, mina Ramootna Nuocna mac nda, kɨkɨpna ra mbuŋa, mina ainta tɨp kirar kabe mac monande. 27  RL 7.6-24Mina Noanna mɨn mbuŋa, mina amtiambca moa ambri, puik gagrara ambri, na ŋgepca meacramootta ndorica ndada malaŋgori. Ainda moca taŋ, taŋga, maica Noa ndona laŋgum aniacna inikca mbukatke, laemb bagaraniaca kɨpatnanna minmo kɨtaca pukca mina muruŋa menaca mamaiat. 28  RL 18.20—19.25Na Lotna mɨn toco, meikramtaɨr toco an iro kabe mamoat, mina amtiamma moa ambri, puik gagrar ambri, reac, reac biŋaia mina oikri, na warɨŋembapa kaik barer mamori. 29 Ainda moca Lota, Sodom auŋ tɨkcarica taŋgatke, mana iŋmbai tac aniacap watur owira, tamuŋna auŋ ndiŋa pukrapcat toc ŋgirikca minmo wɨramacariat. 30  2 Te 1.7Ainta kirarir koinda, Ramootna Nuocna kɨkɨpna mɨn ndarunande.
31  RL 19.17, na 19.26, na Mt 24.17-18, na Mk 13.15-16“An ra laru te, ramootta mandaia u ndona kacna tɨmpaikna up ndeacrenanna, an rana inikca kacna inikca kai mac nda mbukca reik aŋgɨnake kai mo teac. An kirar kabea, ramootta mandaia ma ndona warɨŋa taŋga eacrenan, ma kaca kai mac nda taŋ teac. 32  RL 19.26Na ne matau lamŋi Lotna meacmo laruatna reac. 33  Mt 10.39, na 16.25, na Mk 8.35, na Lk 9.24, na In 12.25U mandaia ndona watna moca utiŋcari te, una an watta ma mainande. Na u mandaia ndona watmo kecari te, una wat anna mba maiitndai.
34  Mt 24.40-41, na 1 Te 4.17“Na aku nemo aindopnande, an mouŋa Ramootna Nuoca kɨpi laruca ramootniŋa bar kabe naŋgoraŋeknanna, Raraŋ Aetaniaca ian aŋgɨ te, ianmo tɨkcarinande. 35-36 Na meaceniŋ, maniŋa witna lour aŋgɨca witna kapɨrpaika mona moca eacrinanna, Raraŋ Aetaniaca kɨpca ian aŋgɨ te, ianmo tɨkcarinande.”* Landamŋina ramtaɨr ndeida gaind ndamŋirina, kabena kam tɨp toco an kamna inikca maeacreke. Na an kamma ande gaind, “Na ramoot mbuniŋa warɨŋna aiŋa moca eacrenanna, Raraŋ Aetaniaca ian aŋgɨ te, ianmo wattacarinande.” 37  Iop 39.30, na Mt 24.28Ri, mana iŋa raŋgairena ramtaɨra an kam mbaraca, mamo gainda digiatna, “Kacoot, an reikca ten ndaruit?” Ri, ma minmo aindopatna, “An warir eacrena taup mbuŋa, ande ŋganmira kɨpca an motem mapunireke.”

17:1 Mt 18.6-7, na Mk 9.42

17:3 TN 19.17, na ML 17.10, na Mt 18.15, na Ie 5.19

17:5 Mk 9.24

17:6 Mt 17.20, na 21.21, na Mk 9.23, na 11.23

17:8 Lk 12.37

17:10 Mt 25.30, na Ro 3.12, na 1 Ko 9.16-17, na Pm 1.11

17:11 Lk 9.51-52, na 13.22, na In 4.4

17:12 TN 13.46

17:13 TN 13.45-46

17:14 TN 13.2, na 14.1-32, na Mt 8.4, na Lk 5.14

17:19 Mt 9.22, na Mk 5.34, na Lk 7.50

17:20 In 3.3, na 18.36

17:21 Mk 13.21, na Lk 17.23, na Ro 14.17

17:23 Mt 24.23, na Mk 13.21, na Lk 17.21, na 21.8

17:24 Mt 24.27

17:25 Mk 8.31, na 9.31, na Lk 9.22

17:26 RL 6.5-8, na 7.1-24, na Mt 24.37

17:27 RL 7.6-24

17:28 RL 18.20—19.25

17:30 2 Te 1.7

17:31 RL 19.17, na 19.26, na Mt 24.17-18, na Mk 13.15-16

17:32 RL 19.26

17:33 Mt 10.39, na 16.25, na Mk 8.35, na Lk 9.24, na In 12.25

17:34 Mt 24.40-41, na 1 Te 4.17

*17:35-36 Landamŋina ramtaɨr ndeida gaind ndamŋirina, kabena kam tɨp toco an kamna inikca maeacreke. Na an kamma ande gaind, “Na ramoot mbuniŋa warɨŋna aiŋa moca eacrenanna, Raraŋ Aetaniaca ian aŋgɨ te, ianmo wattacarinande.”

17:37 Iop 39.30, na Mt 24.28