Rhennah Ham Thangthuinah
[Rhotoeng aka mawt ham a lung rhet dongkah David Tingtoenglung]
1 Aw BOEIPA, na thintoek neh nan tluung pawt tih,
na kosi neh kai nan toel moenih.
2Aw BOEIPA, Kai ka thana sut dongah kai n'rhen mai.
Ka rhuh a hlinghlawk dongah kai n'hoeih sak lah BOEIPA.
3Te dongah ka hinglu loh mat let coeng.
Tedae BOEIPA nang me hil nim na koe ve?
4Aw BOEIPA, ha mael laeh.
Ka hinglu he pumcum sak lamtah,
na sitlohnah neh kai he n'khang lah.
5Dueknah khuiah nang aka poek te a om moenih.
Nang te saelkhui lamkah ulong n'uem eh?
6Ka hueinah nen khaw ka kohnue coeng tih,
khoyin takuem ka baiphaih dongah puet ka yoka.
Te dongah ka mikphi neh ka soengca ka sulpuem sak.
7Ka mik khaw konoinah neh hmaang tih
ka puencak cungkuem dongah ka haimo coeng.
8 Ka rhah ol he BOEIPA loh a yaak coeng dongah
boethae aka saii boeih kai taeng lamkah nong uh laeh.
9BOEIPA loh ka lungmacil a yaak tih,
BOEIPA loh ka thangthuinah a doe.
10Ka thunkha boeih loh yak uh saeh lamtah darhek let uh saeh.
Mikhaptok ah mael uh saeh lamtah yak uh saeh.