भिंम्ह मनूया लसता
1हल्लेलूया!
धन्य खः व मनू
गुम्हय्सिनं परमप्रभुया
भय काइ,
गुम्ह परमप्रभुया आज्ञा
पालन यायेत लय्ताइ।
2वया मस्त देशय् तःधनी,
भिंपिं मनूतय् सन्तानयात
आशिष दइ।
3वयागु छेँय् धन-सम्पत्ति दइ,
वया धार्मिकता न्ह्याबलें
दयाच्वनी।
4भिंपिं मनूतय्गु निंतिं,
दया दुपिं व दया माया दुपिं
व धर्मी मनूतय्गु निंतिं
खिउँगुलिइ जः थी।
5नुगः चक्कंकाः त्यायेबीम्ह,
व बिश्वास याये बहः जुयाः
थःगु ज्या याइम्ह
मनूया भिं जुइ।
6धर्मी मनू गबलें
लिचिले माली मखु,
वयागु लुमन्ति न्ह्याबलें
दयाच्वनी।
7बांमलाःगु खबर न्यनाः
व ग्याइ मखु,
परमप्रभुयाके भरोसा तःगुलिं
वयागु नुगः बल्लाः।
8वयागु नुगः क्वातु,
उकिं व ग्याइ मखु,
वं थः शत्रुत बूगु खनी।
9वं मगाःमचाःपिन्त नुगः
चक्कंकाः बी,
वयागु दया माया सदां
दयाच्वनी।
व बल्लाइ
अले वयात इज्जत दइ।
10थ्व खनाः दुष्टत तंचाइ,
इमिसं वाकु छी अले नाश जुइ,
दुष्टतय्गु इच्छा पूवनी मखु।