வெப்பக் காற்று நிரம்பியவனாக ஞானவான் இருக்கமாட்டான்.

தகுதியற்ற வார்த்தைகளாலும் ஒரு ஞானவான் விவாதிப்பானென்று நீ நினைக்கிறாயா?

ஒருவனும் தேவனை மதித்து, அவரிடம் ஜெபிக்கமாட்டான்.

யோபுவே, உனது புத்திசாலித்தனமான சொற்களால் உனது பாவங்களை நீ மறைக்க முயன்றுக்கொண்டிருக்கிறாய்.

உனது வாயினால் கூறும் சொற்களே உனது தவற்றைச் சுட்டிக்காட்டுகின்றன.

உனது சொந்த உதடுகளே உனக்கு எதிராகப் பேசுகின்றன.

மலைகள் தோன்றும் முன்னே நீ பிறந்தாயா?

நீ மட்டுமே ஞானமுள்ளவனென நினைக்கிறாயா?

உனக்குப் புரிகின்றக் காரியங்களை நாங்கள் புரிந்துகொள்கிறோம்.

ஆம், உனது தந்தையைக் காட்டிலும் வயது முதிர்ந்தோரும் எங்கள் பக்கத்தில் இருக்கிறார்கள்.

தேவனுடைய செய்தியை நயமாக நாங்கள் உனக்குக் கூறினோம்.

ஏன் நீ உண்மையைக் காண இயலவில்லை?

நீ தேவனுக்கு எதிராக இருக்கிறாய்.

பெண் வயிற்றில் பிறந்த ஒருவன் நியாயமுள்ளவனாக இருக்க முடியாது.

வானங்களும் அவரது பார்வையில் துய்மையானவை அல்ல.

மனிதன் அழுக்கானவனும் அழியக்கூடியவனும் ஆவான்.

தண்ணீரைப்போன்று அவன் கொடுமையைப் பருகுகிறான்.

எனக்குத் தெரிந்ததை நான் உனக்குக் கூறுவேன்.

ஞானவான்களின் முற்பிதாக்கள் அவர்களுக்கு இவற்றைக் கூறினார்கள்.

அவர்கள் எந்த இரகசியங்களையும் என்னிடமிருந்து மறைக்கவில்லை.

கடந்து செல்லும்போது அந்நியர்கள் அங்கு இருக்கவில்லை.

எனவே ஒருவரும் அவர்களுக்கு வேடிக்கையான கருத்துக்களைச் சொல்லவில்லை.

கொடியவன் வரையறுக்கப்பட்ட அவன் ஆயுள் முழுவதும் துன்புறுகிறான்.

அவன் பாதுகாப்பாக இருப்பதாக எண்ணும்போது அவனது பகைவன் அவனைத் தாக்குவான்.

மரண இருளிலிருந்து தப்புவதற்கு அவனுக்கு எந்த நம்பிக்கையுமில்லை.

அவனைக் கொல்லக் காத்துக் கொண்டிருக்கும் வாள் ஒன்று எங்கோ உள்ளது.

ஆனால் அவன் உடல் பருந்துகளுக்கு இரையாகும்.

அவனது மரணம் மிக அருகாமையிலுள்ளது என்பதை அவன் அறிகிறான்.

அவனை அழிக்கத் தயாராயிருக்கிற அரசனைப் போன்று அவை அவனைத் தாக்கும்.

அவன் தனது கை முட்டியைத் தேவனுக்கு எதிராக உயர்த்தி, சர்வ வல்லமையுள்ள தேவனுக்கு எதிராகச் செயல்படுகின்றான். தோற்கடிக்க முயல்கிறான்.

அவன் கெட்டியான, வலிமையான கேடயத்தால் தேவனைத் தாக்க முயல்கிறான்.

அவன் வீடு வெறுமையாகும்,

அவன் செல்வம் நிலைக்காது.

அவனது பயிர்கள் செழிப்பாக வளராது.

நோயினால் மடியும் இலைகளையும்

காற்றினால் பறக்கடிக்கப்படும் இலைகளையும் கொண்ட மரத்தைப் போலிருப்பான்.

ஏனெனில் அவன் எதையும் அடையமாட்டான்.

என்றும் பசுமையுற முடியாத, உலர்ந்த கிளையைப் போல அவன் இருப்பான்.

மொட்டுக்களை இழக்கும் ஒலிவ மரத்தைப் போன்று அம்மனிதன் இருப்பான்.

பணத்தை நேசிப்போரின் வீடுகள் நெருப்பால் அழியும்.

ஜனங்களை ஏமாற்றும் வழிகளை அவர்கள் எப்போதும் திட்டமிடுகிறார்கள்” என்று கூறினான்.