परमप्रभु आ ङोंइती लोव़ पशो
दाऊद आ कुम्सो।
1परमप्रभु यावे, आं कली निसाफ पने। गो मारेइ दोस तचा ङा गेय मपङ। परमप्रभु यावे, गो इन कली जिम्मा गेंसीशा, महिम्सीथु बाक्ती। 2परमप्रभु यावे, गे आं कली नाक्तीन। आं थुं नु मिम्तीक नाक्शा कोव़ङीन।
3इन गेना हना यो दाक्तीक आं ङोंइती बाक्ब। मिनु गो इन कली मप्रोंइथु, गाक्शो बाक्नुङ। 4गो दूली पाइब मुरपुकी नु मबाक्ङ। मिनु जोल पाइबपुकी नु गारशा गेय मपङ। भजन संग्रह १:३ 5मरिम्शो पाइब आन देल्तीके ग्रांग्रा दीनुङ। मिनु इन अरेशो मटीब नु मबाक्नुङ। 6आं गुइमी मारेइ मरिम्शो मपङ। परमप्रभु यावे, इन कली ठेयब सेल्शा, इन चढ़ेतीके आ एर ओंथ हिरशा बाक्नुङ। ब्यवस्था २१:६-७; मत्ती २७:२४ 7मेना इन नें ठेयब सेल्ना सेल्न कुम्सो पा, इन पशो छक लाक्चा ङा गेय नेल्ल ठेयब सेंदाम शेंनुङ। 8परमप्रभु यावे, इन बाक्तीक खिं नु इन छेङछेङ दाक्नुङ। भजन संग्रह २२:४; भजन संग्रह १२२:१-२
9आं कली मरिम्शो पाइब नु हुश ख्राक्श पोक्ब नु मसाइय्यीनी। 10मेकोपुकीम मरिम्शो ला पशा, घूस जाइनीम। 11गो चहिं, मारेइ दोस तचा ङा गेय मपथु, बाक्शो बाक्नुङ। आं कली शिशी पचा मप्रोंइयीनी। 12परमप्रभु यावे, गो दिंममी राप्शा, शुश मुर आन ग्रुम्तीकेमी इन कली ठेयब सेल्नुङ। भजन संग्रह २२:२३