परमप्रभुम वारच पा, श्येत रे प्रोंइशो
लां ङा कुम्सो।
1गो डांडा गे कोव़नुङ। आं कली वारच पाइब ते रे जाक्बाक्मे? 2सरीङ नु रागी सेल्ब परमप्रभु यावेमी आं कली वारच पाइब।
3मेकोमी इ खोइल ग्रेक्चा मगेब। इ कली कोव़ब गेनायो मइप्ब। 4इस्राएली आन कली वारच पाइब थमा पा गेनायो मनांइसीब, गेनायो मइप्ब।
5परमप्रभु यावे इ कली खाल पाइब बाक्ब। परमप्रभु यावे इ ग्युरा गे ङा फाम्सीतीके बाक्ब। 6मिनु नाक्ती नांम इ कली मनाप्ब। नाक्दो तास्लाम इ कली मारेइ मरिम्शो पने मचाप्ब।
7परमप्रभु यावेमी इ कली श्येत नेल्ल रे प्रोंइब। मेकोमी इ कली ब्रोंइचा गेब। गन्ती ६:२४-२६ 8परमप्रभु यावेमी गे लाङगा खिंङगा पवीनु यो इ कली खाल पाइब। मुल रे गेना हना यो मो पाइब। ब्यवस्था २८:६