×
Home: Mobile Home: Old Style MP3 Bible Random Video What's New Jewish Stories X-Witch X-Muslim Bible Movies Gospel Videos Godly Movies CBN Videos Free Praise/Worship MP3s
  Atomic Prayer   Healing   Declaration   Tongues   Intercessor, Howell
  Kat Kerr   Mary Baxter   Several #1   Several #2   Choo Thomas   Anna Rountree   Ian McCormack   Burpo   7 Colombian Youths
  Lazarus   Bill Wiese   Mary Baxter   Dr. Rawlings   J. Perez   Hepzibah   Ptr. Park   7 Columbian Youths
  MP3 Bible   10 Commandments   Learn Bible in 24 Hours   Alpha   Foundations   Bible Commentaries   Book of Mormon   Temple Study   Red Letters   Divine Healing Training   God Story   Gap Theory   Creation to Christ   Book of John   Kids Bible Cartoons   Derek Prince Teaching   Jesus Film   Digital Bible
  Passion of Christ   New Jesus Film   Introduction   Names of God   Jesus IS...   Jesus Film   That's My KING
  Training   Combat   Examples   Exorcism   Prayer   demonology   NUWI
  Final Quest   The Call   Tommy Hicks   3 Days   Angel Song   H.A.Baker
  Best #1   Best #2   Generals   Ramirez   Bishop Kelley   Gary Wood   Baptized by Fire   Sid Roth   Todd White   Gary Beaton   Victor Marx   Akiane   Theo Nez   Nun's Story   Retha McPherson   Tomas Welch
  Booth's Vision   Frank Jenner   Hell's Best Kept Secret   EE-Taow   LivingWaters   Atheist Delusion   Sharing w/ Muslims   Sword + Serpent
  Revival Hymn   Jesus in China   the WAR on Children   Transformations   Ark of Covenant   Soul Ties   Last Reformation   Noah's Ark Found   Does GOD Exist   Political Issues   7 Mountains   ID vs Evolution   Bible Science   American History   China Records   Case: Creator   Case: Christ   Case: Faith   Little Lessons   XGay   Deadly Mistakes   Enemies Within   Chinese Characters   The Final Frontier   Global Warming
  Islam Rising   ACT   Jihad   Best Muslim Story   X-Muslim   Journey of Hope   Enemies Within   Answering Islam
  Free Posters   Christian Pictures   Kids Christian Cartoons   End Times Visions   Fractal Praise   Bobby Conner   Why Should We Pray?   Brother Yun   Civil War   Don S.   Prayer Tank   Fiscal Cliff
  All Languages   Afrikaans   Albanian   Amharic   Arabic   Bengali   Bulgarian   Burmese   Cambodian   Catalan   Chinese   Czech   Danish   Dutch   Farsi   Finnish   French   German   Greek   Gujarati   Hausa   Heberw   Hindi   Hungarian   Indonesian   Italian   Japan   Kannada   Khazanah   Korean   Laos   Malagasy   Malayalam   Malaysian   Marathi   Mongolian   Nepali   Norwegian   Oriya   Polish   Portuguese   Punjabi   Romanian   Russian   Samali   Samoan   Serbo_Croatian   Sinhala   Slovac   Slovenian   Spanish   Swahili   Swedish   Tagalog   Tamil   Telugu   Thai   Tongan   Turkish   Ukrainian   Urdu   Uzbek   Vietnamese
 About  Phone# USA 425-610-9216  [email protected]   Suggestions + Feedback   Donate with PayPal   Donate with Patreon
Follow on YOUTUBE  YouTube Follow on Twitter  Twitter Follow Podcast RSS  Podcast  RSS Follow on Instagram  Instagram
  PDF Library   Believer's Authority   Heavenly Man, Yun   Torch + Sword   The Harvest   Supernatural Childbirth   Faith Shoemaker's Vision   Daughter of Sacrifice.
For New Believers 2nd Page, Older Material
×






Menu / Home
Menu / Home
8 Itula I Le Lagi 

O Feau E 6 Mo Le Ekalesia

Gospel Go Passion of the Christ  The Jesus Film

Ua Puupuu Lava Le Taimi

Translators Needed !

Ricardo Cid8 Itula I Le Lagi
Tusia: Ricardo Cid

(Faaliliuina: Heather Tuigamala)

PDF  DOC

English    Spanish
French     Chinese
Arabic 
  Telugu
German    Swedish
Bahasa Malaysia
Indonesian   Amharic
Hindi    Portuguese
Japanese   Tagalog
Samoan      Romanian
Bulgarian    Slovak
Burmese     Albanian
Swahili      Malagasy

O lo o fetalai mai le Alii, Ou te tuuina atu nei feau i ou tagata o i le lalolagi, aua o Au o le Ola o lo o Soifua pea i le Malo e faavavau i le Lagi.

Faaaliga 4:1

Ua mavae atu ia mea, ona ou iloa atu lea, faauta, o le faitotoa ua avanoa i le lagi, o le uluai leo foi na ou faalogo ai e pei o le pu ona tautala mai ia te au, ua faapea mai, Ina sau ia i luga nei, ou te faaali atu ai ia te oe mea e tusa ona tutupu amuli.

Faaaliga 5:11

Na au iloa atu foi, ma ou faalogo i le leo o agelu e toatele, o e ua faataaliolio i le nofoalii, ma le leo o mea ola e fa atoa ma le au toeaina, o lo latou faitau aofai ua mano ni mano, ma afe ni afe.

Ou te talosagaina oe faamolemole, ina ia e faafofoga lelei i se mea sa tupu ia te au. I se tasi aso, na ou iloa ai o lo o iai se mea o lo o finagalo ai le Atua ia te au, e ala i sau miti sa fai. Ou te manatuaina i lea miti e faapea:

Sa ou savali i fafo ma le fale ma ou agai atu i luga o le auala i tafatafa lava o matou aiga tuaoi. Sa ou faalogoina se tagata ua ia uuina lou lima ma sii ia te au i le lagi. Sa ou tamoemoe solo i luga o ao ma faaneenee i le Atua Soifua. Na ou vaaia lea o se malamalama ua sulugia ai au, ma ou faalogoina se leo mai lea malamalama o faapea mai, Ricardo, Ricardo, faamavae ma lau galuega, ona e iai se mea o lo o ou manao ai e te faia mo le ekalesia i le lalolagi. Ina ua mavae atu le leo lea, sa matuai ou gatete ma ou ala ai loa. Sa ou nofo ane i luga ma ou tagi atu i le Atua, Le Alii e, o le a lenei mea?

Na ou lagonaina lenei leo e malosi mai pea ia te au i le tele o aso. Sa ou toe taoto e malolo, ae ou toe miti ai foi i le miti lava e tasi ma le feau o lo o finagalo ai le Alii ia te au. Ina ua maea lea sa ou nofo i luga ma faataitaio ona e foliga mai ua faateteleina le leo tele mai o le leo. A ou ala ane, e faalogoina le gatete o lou tino, ona ou faataitaio lea, na faapea mai nai ou matua ia te au, O le a le mea ua tupu? Sa ou faamatalaina iai au miti, ma na sau si ou tina ma tatalo ia te au. Na faapea mai lana tala, Afai o le Alii o lo o fetalai ia te oe, o le a ia faamalamalamaina atu foi lona uiga. E umi se taimi o faia le ma mafutaga tatalo, seia oo i le aso e sosoo ai ou te usu ai i lau galuega. Na faapea mai loa si ou tina ia te au ou te sauni i le galuega. Sa o ma tatalo i le Alii ina ia faailoa mai se faamaoniaga po o se faailoga e iloa ai o Ia lea na fetalai mai ia te au. Sa ou sauni ma ou alu loa i lau galuega sa ou faigaluega ai, i mea tau faasaienitisi i Chile.

I lea galuega sa ou faigaluega ai, o se galuega ou te fiafia tele iai, ma e pue lau pasi ou te alu ai. Na ou usu i le galuega i le aso lea, ma ina ua ou oso i lalo ma le pasi, na faateia au ina ua faapea mai se tagata ia te au, O le a lau mea lea e fai ii? E le tatau ona e toe sau i lenei nofoaga. I le tele o nofoaga sa ou alu iai, e tatau lava ona iai se tagata e faimai ia te au i se faaupuga faapea pei ona faimai ai le tagata lea ia te au i lea taeao. O le mea e ofo ai ma faateia ai foi au, ona o tagata ia e talanoa mai faapea ia te au, e le o ni tagata ua fanaufouina o latou olaga mo le Alii. O le faailoga la lea na faailoa mai ai e le Atua ia te au, lona finagalo e ala i mea o lo o talanoa mai ai tagata nei ia te au. Sa ou manatu loa, ua tatau loa ona ou faamavae ma lau galuega. Na ou alu i lou pule ma talanoa iai, Ua tatau ona ou tuua le galuega ona o lo o finagalo ai le Atua ou te faamavae. A iai se mea e finagalo ai le Atua e fai, e tatau loa ona tatou usitai iai. Na ou iloaina le naunau mai o lau pule ia te au ma faapea mai, O le a lau mea ole a e alu e fai? O fea e te toe maua ai se isi galuega faapea pei o lenei galuega? Sa ou faapea atu iai, E tatau ona ou usitai i le finagalo o le Atua. Sa faia le matou aiga faamavae, ma, pe tusa ma le lua afe tagata sa auai ai i lea faamavaega. Ina ua maea lea, sa tapena loa au mea uma sa iai ma ou alu loa i lo matou aiga. Sa ou taunuu i le fale ma loimata, ao faatali mai si ou tina i le faapaologa i luma e faafeiloai lou taunuu atu. Na ou faapea atu iai, ua ou faamavae ma lau galuega ona ua faamaonia mai e le Atua mea sa ou miti ai e ala i tagata sa latou talanoa mai ia te au. Na faapea mai lana tala, Afai na fetalai mai le Alii ia te oe, o le a ia faia lava ia te oe, ma faafiafiaina ai foi lona finagalo.

Santiago, Chile

Na ma o atu i totonu o le fale ma talatalanoa ai lava seia malu ifo le afiafi. Sa ou faapea atu loa isi ou tina, o le a ou alu e fai sina malologa, ona ou te talitonu e toe fetalai mai le Atua ia te au e ala i se miti. Sa ou manatu o se auala faapea o le a toe asiasi mai ai le Atua ia te au, peitai e ese le auala na ui mai ai o ia ia te au i lea lava po. Ina ua ou alu atu i totonu o lou potu e sui ou lavalava, sa ou faalogoina le luluina o le potu. Sa ou valaau leo tele, O le mafuie lea ua luluina Santiago Chile. Sa ou taumafai e toe alu i fafo ma le potu, peitai pei e iai se tagata e le o mafai ona ou iloaina o lo o ia taofiina au i totonu. Na mafai ona ou iloa atu si ou tina ma le matou aiga i le isi itu ma ou tauvalaau atu iai e fesoasoani mai, peitai e leai ma se tasi o i latou o lagona mai au. Na ou iloaina i lea taimi, o le tagata lea e le o mafai ona ou iloaina atu, lea o lo o ia polokaina le faitotoa, o le agelu a le Atua. Sa ou toe solomuli mai i tua i lou moega ma ou tagi atu i le Atua ma faatauanau atu ina ia faailoa mai po o le a le uiga o nei mea.

Sa ou faalogoina se leo o talanoa mai ia te au. O le siufofoga o le Agaga Paia ua fetalai mai i se leo malu ma faapea mai, Ricardo, o lea ua e faamavae ma lau galuega, ou te manao e te alu i le falesa ma e tatalo ai mo le fitu itula i aso uma lava, mo oe, faatasi ai ma lau ekalesia i le lalolagi

Ina ua uma atu le fetalaiga mai le Alii, na uma ai loa foi iina ma le luluina o le potu. Sa ou tau tagotago atu loa i le faitotoa, ma ou iloa ai ua mafai ona ou toe alu i fafo. Sa ou tamoe fiafia isi ou tina ma ou alaga leo tele, Na ou faalogo i le Siufofoga o le Agaga Paia. Na ou alu i fafo ma le fale ma ou alaga ai ma le fiafia tele ona ua faalogoina le Agaga Paia o fetalai mai ia te au. E iai nisi tagata latou te le talitonu o lo o fetalai mai pea le Atua ia i tatou i ona po nei, ae ou te tautino atu e moni ma faamaoni e talanoa mai o Ia ia i tatou. E fetalai i tagata, afai na mafai ona talanoa ma Aperaamo, e mafai foi ona talanoa mai ia i tatou o lana ekalesia i le taimi lenei. Sa ou alu loa i le falesa ma ou talanoa i le taitai o le ekalesia, ma ia taliaina loa o le a tatala le falesa i le valu i le taeao o aso uma lava, ina ia ou usitai i le faatonuga ua faatonuina ai au e le Atua e fai, ou te tatalo mo lana ekalesia. O taeao uma lava, ou te alu ai i le falesa ma tatalo ai i le lua itula, e oo loa i le tolu, ua ou leiloa po o a nisi manaoga ou te tatalo ai, ona ou faapea atu lea i le Alii, Le Alii e, o a nisi mea ou te tatalo ai, o lea e totoe le isi fa itula?

Sa ou lagonaina le gogolo mai o lalo ifo o le fale amata mai le faitotoa pito i tua o le falesa. O le falesa i lea taimi, ua lue i le itu taumatau ma le itu tauagavale pei ua ota vaai i se tagata ae faasua-ava, ua taumalua solo. I lea lava taimi na ou toe faalogoina ai le fetalai mai o le Alii ia te au i se leo pei ona ou faalogo ai i lau miti. O le leo na ia fetalai muamua mai ai, e foliga o lo o ia faatonu mai ia te au i se mea e fai. Peitai o le leo lea ua ou faalogoina i le taimi lea, na ou iloa ai le faanoanoa o lona finagalo ina ua faapea mai, Ricardo, Ricardo, tatalo mo lau ekalesia i le lalolagi, ua le toe tutusa le tulaga ua oo iai lau ekalesia, ua tele le suiga. Ua leai se faatuatua mai o tagata ia te au. E le talitonu mai ma latou le iloa o lo o ou soifua pea. Tau atu i lau ekalesia, o Au o le Ola o lo o Soifua pea. Ia e tatalo malosi mo lau ekalesia, ona ua le toe tatalo ma mafuta mai e ala i le anapogi. Na mou malie atu le luluina o le falesa ina ua maea le fetalaiga a le Alii. Sa faaauauina lau mafutaga tatalo, ma ou savali i luga ma lalo ole falesa i nai itula o lo o totoe, ma ou faatoga atu i le Atua ina ia toe faaolaolaina le naunau atu o tagata ia te Ia.

O le Aso Tofi o le vaiaso lona lua talu ona amataina lenei galuega, ou te ala ane i le taeao, ua matua le mafai le tiga o sooga o ponaivi o lou tino. Na fafagu au e si ou tina ou te nofo i luga ou te alu i le falesa e tatalo, ae ou tali atu iai, ua matua tiga lava lou tino atoa. Na faapea mai lea, e sili pe a ou nofo ou te tatalo i le fale ae aua ou te alu i le falesa. Peitai ane, sa ou toe faamanatuina iai, o le falesa o lo o finagalo le Atua ou te alu e tatalo ai. Sa ia fesoasoani mai loa i le faiga o ou lavalava ma ave loa au i le falesa. I le taeao lea, e toatele nisi sa iai ile falesa o lo o tatalo. Sa ou talosaga loa iai ina ia latou tatalo mo au ona o le tiga o lo o faalogoina i lou tino, ma ua le mafai ai lava ona ou tatalo. Na tatalo ma faee mai o latou lima ia te au, ma na ou lagonaina le toe faafouina o lou malosi mai le Atua!! Aleluia! Sa ou tatalo, ma tatalo pea, ma ou faatoga atu i le Atua i lona alofa tunoa ina ia iai i luga o le malo o Chile, o aiga aemaise o tagata o lo o faia nisi o tulaga faasolitulafono, faapea lana ekalesia.

Na uma lau mafutaga tatalo i lea aso ma sa ou tuai i le sauniga i le afiafi. Ina ua uma toe upu a le faifeau, na sisii i luga ou lima ma sa ou lagonaina se tagata o savali ane ma pai mai i lou tua. O le taimi lava lea, na leai atu ai lava ma sou malosi ma ou pau ai loa i lalo. Na fesili mai le faifeau ia te au pe o le a le mea ua tupu. Sa ou tali atu iai, ou te leiloaina, ae ua matuai leai sou malosi ma ua tau le mafai foi ona ou tautala. Na o mai le ekalesia ma tatalo ma fetagisi ona o le tulaga ua ou oo iai ma sa iai nisi sa o latou vaaia se agelu o sau ma faapea mai ia te au ou te tuua lou tino. Na taofi e le agelu le toe gaioi o lou tino ina ua faapea mai le tala a le faifeau, So o se tagata lava ua iai le faatagana a le Alii, e faapena ona faamamaluina e ana agelu.

Na toe faapea mai le faifeau, O le a le umi o lo o manao ai le agelu e ave oe? Sa ou fesili loa i le agelu, E te avea au mo se itula? Pe lua? Pe tolu foi? Na tali mai le agelu ia te au. E leai, e te alu mo le valu itula e feiloai ma Iesu i le lagi sau tua tolu, ona o lo o fia talanoa o Ia ia te oe. E le o au e avea oe i le lagi, ona o au o le agelu o lo o leoleoina oe i aso uma o lo o e ola ai i le lalolagi. E toa lua agelu o le a o mai mai le lagi ma ave oe i le lagi sau tua tolu i se taimi o le po nei.

Sa ou faamatalaina i le faifeau ma ia manatu ai loa e ave au i le taavale a se tasi o uso i le fale o se tasi o auauna a le Atua i le fogafale lona lua o lona maota e tuu ai au. A o ou taoto ai i le potu, sa matou faalogoina ni taifau o lo o ou mai fafo ma tagata o lo o feei mai.

(I le taimi na uma atu ai lenei tulaga na oo ia te au, na talanoa mai nisi o tagata e faapea, e iai ni tamaloloa se toalua, sa o latou vaaia i le moa o le auala, sa oofu ini ofu talaloa lanu papae. E faapea na savavali mai nei tagata i le fale o lo o ou iai ma agai mai i luga i le fogafale o lo o ou taoto ai)

O ni agelu lalelei tele nei agelu. E paepae sinasina o laua lauulu e sili atu nai lo le kiona, ma o laua foliga aulelei tele. E malolosi o laua tino pei ni tagata fau fale, ae foliga mai o laua tino (pau) i le tino o le pepe. Na faagaioi e se tasi o agelu lou tino, ina ia mafai ona ou tuua lou tino. A o faia nei gaioiga uma, na ou lagonaina le toe tiga mai o lou tino. Sa taumafai se tasi o uso e fofo au ma ia faapea, ua afu maluluina lou tino. Sa latou taumafai e aumai ni mea e faamafanafana ai au (heaters). Sa ou le mautonu ma ou taumafai e migoi i le isi itu ma le isi itu. Na ou faalogo atu ua oo mai le oti i lou tino. Sa ou alaga atu loa i nisi o uso sa matou iai i lea taimi, Aua le tanuina au, ou te toe sau!

(Aveeseina le agaga o Ricardo ae tuua lona tino)

Na alu ese lou agaga ma lou tino faalelalolagi nei, a o ou iai pea i luga o le moega, ae o le taimi lea na ou vaaia le au uso ua latou iloiloina lou tino ma faapea a latou upu, Ua alu, ua alu ese ma lona tino. O le taimi lea o lo o ou iai i o latou tafatafa ma ou faapea atu iai, O lea ou te ii. Peitai e le i mafai ona latou lagonaina mai au ona ua aveeseina lou agaga mai lou tino. Na ou iloa atu ua latou aui lou tino i se palanikeke.

Sa faapea mai loa le tasi o agelu ia te au, Ua tatau ona tatou o ona o lo o faatali mai Iesu mo oe. Na aapa mai agelu ua tofu i laua ma ou lima ma sii ane au i le lagi ma na pei o le emo o le uila lo matou sopoia vave atu o nisi o nofoaga. Ou te faapea atu ia te oe, tusa pe ete le talitonu mai i lenei molimau, O lo tatou Alii ma lo tatou Faaola o Iesu Keriso o lo o Soifua pea e oo i le faavavau.

Ina ua mavae le aveina o au i le lagi, na faapea mai le fetalaiga a Iesu, o le a ou toe foi i lou tino i le lalolagi. Sa ou faapea atu iai, O ai i le lalolagi o le a talitonu mai ia te au, ou te fia mafuta pea ma oe!! E leai ma se tasi o le a talitonu mai i lenei faaaliga, e le faatuatua uma ma talitonu tagata. E vaivai tele le faatuatua o tagata i se tulaga faapea, o ai o le a talitonu mai. Na tali mai le Alii ma faapea mai, E iai lava tagata o le a talitonu i lau molimau, na o i latou lava o e o lo o iai i lau ekalesia moni e talitonu iai.

Ina ua ou tuua lou tino i lena po, sa faapea ona ou lele i se saoasaoa e le ma faatusaina, e ma te feiloai ma Iesu e pei ona ia finagalo iai. Na mafai ona ou iloa mai le paneta o le lalolagi. Sa ou sopoia atu le masina, le masina lea o lo o sulugia ai le lalolagi i le po. Sa ou vaaia foi le la, e matautia le tele, ma mafai ona ou iloa ai ni mea peiseai ni aloiafi o lo o afua mai le la lea o lo o mafanafana ai le lalolagi. Na faaauau atu pea lenei malaga ma agelu, ma ou vaaia ai foi fetu. Na faatagaina au e le Atua ou te vaai i le la, masina ma fetu ona e iai sona mafuaaga. Na mafai ona ou vaai i foafoaga a le Atua, ina ia faailoa mai i le lalolagi, o lo tatou Atua e Matautia ma Ofoofogia, o Le sa foafoaina mea uma lava o i le lagi ma le lalolagi!!! E le faatauvaa o Ia, ae o le Atua Soifua, e Silisili Ese lava Ia, e Maualuga ma Mamalu lona Nofoalii.

Na matou agai atu pea seia o matou taunuu atu i se nofoaga e leai ni fetu o iai. E leai foi se foliga o ni meaola e iai, ae ua na o le pouliuli lava. Na mafai ona ou vaai i lalo ma ou iloa ai ua i lalo ifo uma fetu i le mea o lo o ou iai. Na amata ona oo mai lagona fefe ia te au ma ou fesili atu loa i le agelu, O fea e te lua avea iai au? Faamolemole toe faafoi au i lou tino i le lalolagi! Na fetagofi mai agelu ua uu mau au, ma tuu mai o la vae taitasi ma peiseai ua loka mau ai au. Sa ua na o lou taumafai e punou ona o lagona fefe ua oo mai. Na faapea mai agelu ia te au, Filemu! O lo o ma aveina oe i le lagi sautuatolu o lo o faatali mai ai Iesu, o lo o fia talanoa ia te oe. Na taofi lea e agelu la matou malaga ae i lea taimi, sa ou tilotilo solo i itulagi uma peitai sa le mafai ona ou iloaina se mea e tasi. Ou te leiloa po o fea lea ua matou oo mai iai, pau lou mafaufau sa iai, o le lagi sautualua lea ua oo iai.

Sa ou pipii mau i agelu ao laua taofi mauina au, ae o le taimi lea na ou faalogoina ni leo e foliga o ni meaola i o matou luga ae, Ricardo, aua e te fefe o lo o tatou faatasi ma Iesu. o le tala lea a agelu. Na la toe faapea mai, Tuu i luga lou ulu ma e vaai ane i luga. Na faateia au ina ua ou vaai ane, e foliga o ni meaola o lo o femigoiai solo ane. Na faapea mai le tasi agelu, O le a faaali atu ia te oe mea ia o lo o i o tatou luga ane. O le isi agelu na ou vaaia, ua faaloaloa atu ona lima i le isi itu ma faasolo i le isi itu pei e foliga o lo o ia taumafai e faaavanoa le lagi i o matou luga ane, ina ia ou iloa ai leo pei ni manu o lo o faalogoina. Ina ua matafi ese le lagi lea, pei o se ao ona alu ese, o se vaaiga na ou ofo ai, ina ua ou vaaia, ua na o temoni ma agaga leaga o lo o faatumulia ai lea lagi. Na fetuu e le Alii i le Suafa o Iesu!! E moni ma faamaoni, so o se mea lava ua tupu i le lalolagi lenei, o lo o faamaonia mai i le Afioga Paia a le Atua. Ua lata le afio mai o le Alii!! E faapefea ona ou faamatalaina atu le afio mai o le Alii, ou te faapea atu, UA MATUAI LATA MAI LAVA LE AFIO MAI O LO TATOU ALII!! Sa ou faapea atu i le agelu, O le a lenei nofoaga? Na faapea mai le tasi agelu, O le vanimonimo lea o lo o nofo ai satani ma ana au o temoni. Sa ou toe faapea atu, E leitioa a tele agaga leaga i le lalolagi! O temoni la nei o lo o o atu i le lalolagi ma faaleagaina le tele o tagata i faaosoosoga ma faavaivai le taumafai o tagata. O le lalolagi e matua tumu i nei temoni. E faitau miliona ma miliona e le ma faitaulia.

Power RangersThundercats

Na faavaai au i foliga o nei temoni ma o le tele o nei foliga mataga ma le tau faamatau, lea ua tele ina sau i ata i le televise. O foliga o nei mea e auleaga, mataga ma tetele!!! Sa ou vaai i le lalolagi i le Thundercats ma le Power Rangers aemaise o nisi o ata komi ma ata tau faafefe (pei ona faaigoaina o ata aitu). O nei ata uma lava sa ou vaai iai i le lalolagi, na ou faamaonia ma iloa ina ua ou vaaia foliga o nei temoni i le vanimonimo, o lo o faatagaina tele e tagata le tiapolo i le faia o nei ata i faletifaga ma luga o televise. O le tele o ata komi o lo o iai nei e foliga uma i le vaaiga sa ou vaai ai i temoni nei. Aisea ua malosi ai le faalogogata o fanau i nei ona po? E mafua mai lea ona ua ulufia e temoni alo ma fanau i le taimi e matamata ai i ata faapea ma o latou faataitaiina aga o nei ata. O le mea lea e taua ai lo tatou aoaoina lelei o outou alo ma tatou fanau, ina ia vaai lelei ata e le tatau ona matamata ai. Na faapea mai le tasi agelu ia te au, o mea lava ia e moni ma faamaoni. O nei temoni uma o lo o feola ma e mafua ona oo mai i le lalolagi, ona o le faatagaina po o le tuu avanoa o tagata i le tiapolo. Sa faifai mai nei temoni ia te au, o le lotu, o le Atua le Tama, o Iesu Keriso ma le lalolagi aua foi latou te le ava i le Atua ma ana foafoaga.

Sa ou vaai tino foi i se tasi o meaola (temoni) e igoa ia Hugo, o se ata komi ua lauiloa i Chile. E oso fua lava lou fefe e te vaai iai. Na soso mai lea meaola po o lea temoni i ou tafatafa ma faapea mai, O le a matou o i le lalolagi e faaumatia uma tamaiti!! O le a sou fingalo? Aisea ua fasioti ai e nisi tamaiti isi tamaiti? E mafua mai lea ona faimai nisi o fanau o se mea sa latou vaai iai i le televise (TV), ma faapea mai e fai le mea lea ma le mea lea. O lo o matua totoina e nei temoni le feitagai i le lalolagi. O lou manaoga i le Alii ia faamamaina Chile mai nei amioga. Na toe faapea mai se tasi o agelu, Vaai pea iai! Na faapea mai nei temoni, o lo o matou taumafai e faaleagaina ekalesia, peitai e le mafai, ona pe a faaleagaina le tasi e tulai mai le toaafe e sui tulaga i le ua faaleagaina! I le amataga o le ekalesia sa taumafai satani e faaleagaina ekalesia o lo o laugaina ai le Afioga Paia a le Atua ma lona finagalo, peitai e le mafai ona oo iai ana faiga saua ona o lo o malu puipuia e Iesu Keriso! Viia le Atua! Na toe faapea upu a nei temoni ia i latou lava, ia tatou faia se isi mea fou, tatou o i totonu o ekalesia, aua e tele ekalesia o lo o i le lalolagi tatou te pulea! o le a tatou o e faaaoga tagata o lo o iai, ia latou felauaia tala, ma faafaitatala, ma fevaevaeai tagata i totonu o le lotu, o le a tatou faatoilaloina ekalesia i le vaivaiga o le faitala ona tiga ai lea o le Agaga Paia ma alu ese ai, ae tuua le ekalesia e pule ai tatou. O le tiapolo e fealuai solo e saili se tasi e faaleagaina o i latou o e alolofa i le Atua.

1 Peteru 5:8

Ia outou faautauta, ia outou mataala, ona o le ua fai outou mona fili, o le tiapolo lea, o lo o fealualuai o ia e pei o se leona tagi, ua saili se tasi e aina.

Ou te le i toe fia vaai i nei temoni, ae faapea mai le agelu ia te au, ou te vaai pea i le mea laa tupu. Na ou vaaia nei temoni ua felelei solo ina ua atagia mai le susulu mai o se fetu. Na momoli mai e lenei fetu le viiga ma le faamanu i le Atua. Na ou vaaia e le o se fetu, ae o agelu e faitau fia miliona o lo o tietie mai i solofanua papae ma latou vivii i le Alii!! Sa latou alalaga e faapea, E paia, e paia, e paia le o lo o Soifua mai lea tupulaga i lea tupulaga! O le Alii, o le Alefa ma le Omeka, o le Amataga ma le Gataaga, o tagata uma o lo o iai le manava e vivii ia te Ia!! Na ou vaaia le tau o agelu ma temoni seia oo ina ou le toe vaaia se temoni. Na faapea mai lea o agelu, Aua e te toe fefe ona e sili atu le toatele o agelu o lo o ua tatou faatasi nai lo le au tau a le fili!

Na agai atu nei agelu i le lagi sautuatolu. Na vaevaeina ini vaega se lua o nisi i le itu tauagavale, o nisi i le itu taumatau. Na ou vaaia le lagi ua avanoa ma le mamalu o le Atua i lea taimi i ou luma.

(E iai se satelite i le lalolagi sa latou taumafai e pueina se ata o lea aai. E moni ma faamaoni! Sa faasalalauina foi i luga o le leitio ma le televise lenei vaaiga.) Na mafai ona ou iloa atu le ala o lo o ui ai nei agelu ao latou faaneenee i le Atua Soifua. Na latou tuli esea temoni ao latou vivii ma alalaga i le viiga o le Atua ma faamanu i lona Suafa Paia! Na tuua au e nei agelu ma faapea mai, E tatau ona e faatali atu ii!

Na ou vaai mamao atu mai le nofoaga o lo o ou iai, i se tagata o lo o laei i se ofu talaloa paepae, o lo o tietie foi i se solofanua paepae. Ina ua latalata mai le tagata lea ia te au, o se mea na ou maitauina, e le i vivii iai agelu pe faaneenee ia te ia. Pe tusa e fa mita lo ma va na tu mai ai. O se agelu aulelei tele e sili atu nai lo isi agelu. Sa ou fia faalogo atu o tautala mai o ia ia te au. Peitai sa ia vaavaai mai mo sina taimi ma alaga leo tele, O au o Mikaele le agelu sili, o lo o puipuia oe faapea le ekalesia i le lalolagi! Sa ma feiloai ma ou vaavaai lelei i ona foliga, o se agelu aulelei tele! Na faliu o ia i le isi itu ma faasino lona lima i le ala ou te ui ai i lea aai. Na ia faapea mai, Ulufale atu ia, o lo o faatali Iesu mo oe! Ao ou savali atu i lea auala na ou vaaia agelu o latou alalaga ma vivii i le Alii. Sa na o le maligi o ou loimata ao agai atu i lea aai.

O lea aai e fausia i auro ma maa taua. Ou te le i vaai muamua i se nofoaga faapea i le lalolagi, ma e oo i se tagata i le lalolagi na te le mafaia ona fausia ia ituaiga fausaga. O lo tatou Atua ma lo tatou Alii o Iesu Keriso ua saunia lenei aai matagofie mo i tatou. Ao ou iai i fafo o lea aai, na ou vaaia le faitotoa e ulufale atu ai o lo o matala tele i tua. O ia faitotoa o lo o matala lava i le taimi nei. Na mafai ona ou iloa atu totonu o lona puipui, ma e faia i penina ma maa taua. Na ou faalogo atu i totonu e faitau fia miliona ma miliona leo o lo o latou vivii ma faaneenee i le Atua. Sa ou gatete ao ou faalogo mai fafo i nei leo. Na ou faalogoina se leo sa matua galulu ai le lagi, ae mavae atu le leo lea, ae ou faalogoina leo e miliona ma miliona o lo o latou vivii i le Atua ma faapea atu, E paia, e paia, e paia le Tamai Mamoe a le Atua, le Tama, o le Ou le viiga ma le Mamalu e faavavau, faavavau lava, AMENE! O le leo lea na alaga muamua sa faapea mai, IA PAIA, AUA O AU LE PAIA! NA O I LATOU O E FAAPAIAINA E ULUFALE MAI I LE AAI NEI, A AUNOA MA LE FAAPAIAINA E LE MAFAI ONA VAAI I LE ALII. A aunoa i tatou ma le olaga faapaiaina ma faamamaina tatou te le vaaia o Ia i lona Mamalu.

Na faapea mai se leo ia te au, Ulufale atu ia, ona ou ulufale atu loa lea i le aai. Na ou vaaia le nofoalii matagofie ma mamalu peiseai o lo o i luga o se afi, ma, ao sasao mai lea afi i le nofoalii, sa ou faatalitali pe o le a se mea o le a tupu. Sa ou vaaia le Alii o Iesu, le Tupu o tupu ma le Alii o alii. Na ou lagonaina ua mou atu lou malosi ma faafuasei ona ou pau i lalo. Na faaloaloa mai aao o le Alii mai le sasao ane o le afi, ma faapea mai ia te au, Tulai i luga. Na toe oo vave mai lou malosi ma ou tu i luga ma ou pai atu ia te Ia. Ina ua ou vaai atu i ona fofoga, e matuai le faatusatusaina lava ma ata o lo o tusia e le au tusiata i le lalolagi. O le tele o tagata o lo o latou faia lona faatusa, ae ou te tautino atu ia te outou, e le taitai ona foliga iai lo tatou Alii i nei faatusa uma o lo o faia. O Ia o le Atua Soifua, o le Atua Malosi ma le Ofoofogia. Na ia fetalai mai, E le o au o se Atua e faia i lima, ae o Au o le Atua Soifua, e Soifua pea e oo i le Faavavau!! Na ia toe faapea mai, Tau atu i lau ekalesia i le lalolagi, o au o le Atua o le lagi ma le lalolagi, tau atu i ou tagata, o le lagi o se nofoaga moni ma o lo o ou faatali mo i latou!!

Na ia toe faapea mai, Sau ta o, ou te fia faaali atu ia te oe se mea matautia. Na ma vaai ifo i lalo i le lalolagi ma mea uma lava o iai. Na faapea mai lea o Iesu ia te au, Vaai atu i lau ekalesia! Sa ou vaaia nisi o uso o lo o femisaai ma nisi o uso, ma foliga o lo o fevaai. O nisi o ekalesia o lo o faasagatau i nisi ekalesia. Na faapea mai lea o le Alii, Ua tauau ina mou atu le faatuatua o lau ekalesia, ua latou le toe mananao e talitonu mai ia te au, ua faateleina le faavaivai o tagata i le lalolagi ma latou le talitonu o lo o ou Soifua pea e faavavau. Tau atu i ou tagata, o le a ou faia ni mea tetele i le lalolagi! Ua leai se faaolaolaina i lau ekalesia ae ua solomuli ese tagata. Na tutulu le Alii ma faapea mai, O le ekalesia lea e le o sau ekalesia! Na ou faapea atu iai, Le Alii e, aua ia e te fetalai mai faapena! O matou lava o lau ekalesia. Na tali mai o Ia, E leai, o lau ekalesia e talitonu i vavega ma faailoga e tutupu! Ua ausage lau ekalesia! O le mea lea tau atu ia i latou, o le a ou alu atu e toe faatulai mai i latou!

Na ia faapea mai ia te au ma te savavali pea. Na ma ulufale atu i se faitotoa ma ou iloa ai le matagofie o totonu o lo o fola i auro. Na ou sagisagi fiafia atu ma tamoe i luga ma lalo o lea auala, ma ou tago atu i auro i le auala ua luluu mai ma faasalalau i ou luga ona o lou fiafia tele i le matagofie ua vaaia. Na faapea mai lea o le Alii ia te au, ou te toe sau e tau atu i le lalolagi foliga matagofie o le lagi, ma e fola i auro magaala i le lagi. O mea uma ia ua saunia mo lau fanau, peitai i totonu o lau ekalesia e toatele tagata gaoi o lo o latou faoa le sefuluai ma le taulaga! Tau atu i ou tagata, e leai, leai lava maua se avanoa i le lagi o se tagata e soifua i se olaga gaoi!

E manaomia le faasaosao o tatou ala i le Alii. Na ou vaaia se laulau tele lava pe a ma le fia miliona latou te nofoia. O lo o iai luga o lea laulau le anoanoai o taumafa ma ona teuga matagofie. E le gata i lea, o pale matagofie ma ipu uaina malamalama. Na toe fetalai mai le Alii, Ricardo o mea uma nei ua saunia mo lau fanau! O le laulau lea ua saunia mo le aiga a le Tamai Mamoe.

E iai se tasi o tuafafine na aveina foi i le lagi ma faavaai iai e Iesu, agelu o lo o latou tapenaina le laulau lea o le tausamaaga! Sa ou faapea atu lea i le Alii, Aisea ua vaai ai lea tuafafine i tapenaga sa faia e agelu, ae o lea ua ou le vaai iai ini tapenaga o fai? Na tali mai le Alii, Ua maea ona tapenaina le laulau o le tausamaaga. E iai ma pale ua saunia mo i latou o lo o galulue ma usitai i le Alii. Sa ou toe faapea atu, Le Alii e, o afea e te afio atu ai? Pe a maea ona tapenaina mea uma? O le a le umi e faatali ai ona e toe afio atu lea? Faaali mai ia te au le taimi o totoe i le uati a le lagi! Le Alii e, e toe fia minute o totoe ona oo lea i le vaeluaga o le po? E toe tasi se minute, pe toe lima minute? E toatele ni tagata sa fai a latou faalepo (miti) i le taimi e afio mai ai le Alii, pe tusa o le vaeluaga o le po. Na silasila mai le Alii ia te au ma faapea mai, Ricardo e le o toe iai se taimi i le lagi! Sa ou toe faapea atu, Le Alii e, afai ua leai se taimi aisea ua tuai ai ona e afio atu? Na sisii i luga aao o le Alii ma faaali mai ia te au se faatusa i lona aao i le taimi o totoe ma faapea mai, E toe pau le taimi o totoe o le alofa tunoa o le Tama mo i latou o lo o faatalatu pea ma le maua se agaga e salamo ai ma faia lona finagalo. Ua tuai ona afio mai le Alii ona o lo o ia tuu avanoa mai ia i tatou ina ia tatou salamo faamaoni ma liliu atu ia te Ia ma o tatou loto atoatoa. Ua faaigoaina le taimi o lo o tatou iai, O le taimi o le Alofa tunoa o le Atua. E afio mai le Alii i so o se taimi, o le mea lea e tatau ai ona tatou saili ia te Ia ma o tatou loto atoatoa, saili i le anapogi ma mafuta i le tatalo, ma faia mea uma lava o lo o ia finagalo ai ia i tatou. Na toe faapea mai le Alii, O lo o outou iai i le taimi o le Alofa tunoa o le Atua!

Na ou vaaia se agelu o tu i lo ma itu taumatau ma alaga mai, Ua oo mai le taimi!! Ua uma le taimi. O tapenaga uma ua maea! Ua sauni le Alii e faafeiloai lana ekalesia! E toe afio mai le Alii, ma o upu uma o lo o tusia i lana Afioga Paia o lo o faaali mai ai ni mea o le a tutupu i le lalolagi. O le au saienitisi foi ua latou iloaina o le a iai se mea matautia o le a tupu i le lalolagi, peitai latou te le o malamalama pe o le a lea mea o le a tupu! Peitai o tatou o le ekalesia ua tatou malamalama ua lata mai le afio mai o le Alii. Ina ua uma ona alaga le agelu, na ou vaaia le faitau miliona o agelu o lo o latou alalaga fiafia ma osooso ona o le ekalesia a le Atua ua afio ae i le lagi. Sa ou tuu fesili pea, O le a le mea ua tupu? E leai ma se tasi e tali mai, ae ua na o le alalaga fiafia i le talalelei. A o alalaga agelu ma faaneenee i le suafa o Iesu sa faapena foi ona ou vivii faatasi ma i latou. I le taimi lava lea, ina ua sisii ou lima i luga, sa ou lagonaina pei e sii ese au ese tagata mai le lagi i se taimi vave lava.

O le taimi lenei i le lagi, o lo o alalaga ma vivii agelu ona o le ekalesia o le a afio ae. Na toe faafoi mai au i le lalolagi ma tuu i tafatafa o le pulelaa o le falesa o lo o ou tatalo ai aso uma. Ua puupuu le taimi!! Afai e te le talitonu mai ia te au ma lenei molimau, o lou lava faitalia e te le talitonu ai. Peitai e toe afio mai le Alii ma e faavavau lava. O nisi o tagata Kerisiano latou te le o talitonu i le siitiaga, ae faamolemole e manaomia lo tatou mataala ona o lo o alofa mai o Ia ia i tatou ma finagalo ina ia tatou talitonu iai.

(Maligi loimata o Ricardo)

O le taimi lea na ou iloa ai, o lo o iai le Alii i ou tafatafa, na ia fetalai mai lea faapea, Ricardo o foliga ia o le a vaaia i le aso o le siitiaga pe afai o le a tupu i le taimi nei lava! Sa ou vaaia le lalolagi atoa faatasi ai ma le Mana o le Agaga Paia, o le o lo o ia aumaia le filemu tatou te ola ma soifua ai i lenei lalolagi le tumau. Sa ou vaaia i lea taimi se asu o agai mai i totonu o le falesa ma siomia au. Sa ou fesili i le Alii, O le a lenei mea? Na tali mai o Ia, O le vaaiga lea o le a oo i le aso o le Siitiaga. Sa ou vaaia tagata o lo o feei ma faaleaga mai faitotoa o le falesa ona o lo o fia o mai i totonu. O nisi o lo o feei ma fetagisi mai faapea, O fea o iai, O fea o iai lau fanau? Ua leai ma nisi ua o uma! O tamaiti laiti uma i le lalolagi e aveeseina e le Atua i le taimi lea o le Siitiaga e leai ma se tasi e totoe. O le tagata muamua lava na ou vaaia ua sau i totonu o le falesa ma tagi leo tele, o le taitai o le aufaipese, O fea o iai le ekalesia! Ua ou le alu! Ua ou misia le siitiaga! Ua tuua au! Ina ua mavae atu ia, ae ou vaaia nisi o faifeau, o nisi o uso ma tuafafine ma se tasi o faifeau asiasi i itumalo, o lo o fetagisi ma faapea, Ua ou le alu! Ua ou misia le Siitiaga! O le toatele o ulugalii sa ou vaaia ua o mai i le falesa e saili ai a latou fanau. Na tali atu iai tagata o lo o i totonu, E le o iinei i latou, ua aveeseina e le Alii! E na o le fetagisi o nei tagata ina ua faalogo i lenei tala. E moni lava, e afio mai le Alii ma aveeseina lana ekalesia.

O tagata ua na o le fetagisi ma faapea o latou moomooga, ana iloa lava o latou talitonu ia Iesu Keriso. So o se tasi lava e le talitonu ia Iesu o Ia o le Mesia, o le a fano! Na ou vaaia le toatele o tagata aemaise o faifeau o lo o fetagisi ona ua misia le siitiaga. Na o atu nei tagata ma faapea atu i faifeau, Aisea na tou le laugaina ai le UPU moni, aisea na tou le aoaoina mai ai matou ia ola i se olaga faapaiaina, ma lapatai i matou i mea o le a oo mai? O outou na ua mafua ai ona matou faapenei, ua matou misia ai le siitiaga!

O le toatele o tagata o le a le siitia ona e le o soifua ma ola i le soifuaga e tatau ma le Kerisiano, o le ola faapaiaina. E taua le laugaina o le UPU a le Atua ma tau sao i tagata lona finagalo ina ia ola i se olaga faapaiaina, aemaise ia aoaoina tagata ina ia salamo faamaoni ma liliu ese i o latou ala leaga! Na ou vaaia tagata ua latou le iloa ma ava i faifeau, ae ua latou fasi faatigaina ma tatoso solo o latou ulu. Ua na le fetagisi o faifeau ma aioi i tagata e aua le faia i latou. E le i mafai ona taofiina ai lagona tiga o tagata ae ua atili ai, ona o le taimi lea ua ulufia e agaga leaga tagata, ina ua aveeseina le ekalesia a le Atua e ala i le Siitiaga.

E iai nisi o ekalesia o le a misia le siitiaga. Na ou vaaia se tasi o uso ua taumafai e faaleaga ona mata ona o lagona o le tiga ua oo iai i lea taimi. O nisi o tagata ua sasa o latou ulu i faitotoa ma puipui o fale ona ua faatoa latou silafia ma malamalama ua na o Iesu lava le tali peitai ua tuai, ua uma le avanoa na tuuina mai e salamo ai. O nisi tagata sa ou vaaia, ua latou faaleagaina lava e i latou o latou tino, ma o latou ulu ma iu ai ina afaina ma pauu ifo i le eleele. O totonu o le falesa, ua lava toto uma ona o tagata nei ua faaleagaina o latou tino. Na ou vaaia se tasi o talavou o tagi atu i le Atua ma faapea ana upu, Faamolemole le Alii e, ave atu au! Ae paga lea ua tuai, ua aveeseina le ekalesia a Iesu Keriso. Na ou pau i lalo i lea lava taimi, ona o le matautia o nei vaaiga o loo ou vaai atu iai, i le faaali mai e le Alii o puapuaga o le a oo iai le lalolagi, pe a mavae atu le aveeseina o lana ekalesia filifilia e ala i le Siitiaga.

Na fetalai mai le Alii ia te au, I le taimi o puapuaga o le a oo i le lalolagi, o le a oo ini tiga e sili atu e le i oo muamua iai. Sa ou toe faapea atu iai, Aisea e le o mafai ai ona uma ola o tagata ia o lo o matua manunua tigaina? Na tali mai le Alii ma faapea mai, O le taimi lea e saili ai e tagata le oti, latou te le toe maua, o le a le toe iai se oti i le lalolagi i le taimi lea. Sa ou toe faapea atu, Aisea ua le o ai le tele o nei faifeau ma nei tagata? Na tali mai o Ia, Ou te iloa lelei i latou, ou te malamalama lelei i o latou loto. E silafia lelei e le Atua i tatou, na te silafiaina lelei o tatou loto. O lea taimi na faafuasei ona ou pau i lalo, ua foliga ua ou leiloa se mea. Na toe faapea mai Iesu, Ua ou faaali atu nei mea ia te oe, ina ia e alu atu e faailoa ma lapatai ai lau ekalesia, ina ia latou lagona. Tau atu ia i latou, afai e salamo nei, o le a ou faamagaloina i latou manu o maua le avanoa. Ua ou sauni e faia ni mea tetele i le lalolagi.

Ou te manao faamolemole ina ia e talitonu mai, ua matuai tupu ma ola le ekalesia i Chile. Na faapea mai le Alii, Tau atu i ou tagata, afai latou te ole mai mo le faamagaloina o a latou agasala, o le a ou faia lava. Sa ou toe vaaia se tasi o faaaliga i se afi ua ufitia ai le lagi atoa. Na faapea mai lea o Iesu, Ua e vaai atu iai? O le afi lena na e vaaia i luga o le lalolagi, o le afi o lo o i luga o le malo o Chile. O le a toatele tagata Chile e liliu mai! O le a suia e le Atua le malo o Chile! Sa ou vaaia le afi ua sosolo ane ma agai ane i luga o Chile ona faapea mai lea o le Alii, O fofoga o lou Tama ua i luga o Chile. A pau mai lea afi i luga o Chile, o le a silafia e nisi o atunuu ma latou faamaonia ai le gaioi o le Mana o le Atua i le malo. O ekalesia i le lalolagi o le a alalaga fiafia ona o le gaioi, o le Agaga Paia o le Atua i Chile. Na toe ave au e le Alii i se faaaliga i se nofoaga e taua o le Paseo Humada ma faavaai au i tagata e le atoatoa le malosi, ua pipili. Sa ou vaaia ai lea faaaliga nisi o i latou e talitonu ia Iesu, o lo o tatalo ai luga o nei tagata ina ia toe faafoi mai e le Atua le malosi atoatoa i o latou tino e ala i o latou ponaivi ina ia toe tutupu. Na ou vaaia le sosolo atu o ponaivi ao faia lenei galuega e tagata o lo o tatalo. O tagata foi o lo o faaletonu o latou lima (mumutu), sa ou vaaia le toe sosolo atu o ponaivi ma faaatoatoaina ai o latou lima. I le taimi lava lenei, o lo o faaali mai lava e le Atua vavega matautia ma le ofoofogia. O totonu o ekalesia, o lo o vaaia ai le mana o le faamalologa a le Atua i tagata. I lenei lava vaitaimi, e mafai ona faatulai mai e le Atua le tagata ua oo i le tuugamau, ma faaaogaina foi oe e le Atua e faaaoga meaalofa ia na faia e le au aposetolo pei ona taua i lana Afioga Paia.

O lau molimau lena i se mea na finagalo ai le Atua ia te au (Ricardo Cid). Ua lata le toe afio mai o le Alii! Ia iai pea lona filemu ia te outou! Amene!

Tusia: Ricardo Cid