ፔቴታዖ ታኣኒ ቦርሲንታዓኬ።

ዋዮ ኔኤኮ ታ ባንሢ ማሂ ታና ዓይሴ።

ኔ ታኣኮ ዋርዲዮ ላሎ ሹጫሢኬ፤

ዬያሮ ታና ዓውሳንዳ ዓይሥሢ ኬስኮንጎ።

ሚጪንቱዋ ጌኔ ማዻ ዓሶፓ ታና ዓውሴ።

ኔኤኒ ታኣኮ ሃጊ ማዓ ዎዛሢ

ናኣቱማፓ ዓርቃዖ ኔ ታኣኮ ጌኤቂንቶሢኬ።

ታ ዒንዶ ጎጳፓ ታና ኔ ኬሴኔ፤

ቢያ ዎዴ ታኣኮ ጋላቶሢ ኔናኬ።

ናንጋ ታኣኮ ሚርጌ ዓሶም ማላታ ማዔኔ።

ዻንጋ ታኣኮ ጋላታ ሌሊ ማዔኔ፤

ዎልቃ ታኣኮ ጋፓዛኣ ታና ሃሺፖ።

ሼምፓሢ ታኣኮ ባይዛኒ ኮዓ ዓሳ ዎሊና ዞርቴኔ።

ዒዛ ዓውሳንዳይ ባኣሢሮ

ዳውሲ ዒዛ ዓርቁዋቴራ» ጌዔኔ።

ታ ፆኦዛሢዮ! ታና ማኣዳኒ ሩኡሬ።

ማኣሳንሣኒ ኮዓዞንሢያ ቶኦቺንቲ ዻውሲንቶንጎ።

ቃሲ ቃሲ ጋላታ ታ ኔኤም ሺኢሻኔ።

ኔ ዻቂሺፆ ኬኤዛኔ፤

ጌኤዞ ዎማካ ዔቂሶንዶቴያ ታኣም ዔርቲባኣሴ።

ዶዶ ማዾ ኬኤዛንዳኔ፤

ኔ ፂሉሞ ሌሊ ታኣኒ ኬኤዛንዳኔ።

ታኣኒያ ሃኖ ሄላንዳኣና ኔኤኮ ሄርሺሲ ዲቃሣ ዓኮ ማዾ ኬኤዛኔ።

ኩጮ ኔኤኮ ሙካ ሾይንቶም

ዎልቆዋ ጊንፃ ኬስካ ዴሮም

ቢያ ታ ኬኤዛንዳያ ሄላንዳኣና ኔ ታና ሃሺፖ።

ኔኤኒ ዼኤፒ ዼኤፒ ባኣዚ ማዼኔ፤

ፆኦዛሢዮ! ኔጉዴያ ዖናዳይ?

ናንጎ ታኣሲ ኔ ጊንሣ ዓካሳንዳኔ፤

ሳዖ ዴሞ ዔቶይዳፓ

ላሚ ታና ኔ ኬሳንዳኔ።

ማሂ ኔ ታና ጊንሣ ዶዶሻንዳኔ።

ጎኦላ ዋርቂ ታ ኔና ጋላታንዳኔ፤

ዒስራዔኤሌ ዓሶኮ ፆኦዛሢዮ!

ዓይኑሞ ዓንጋሞና ጋላታ ዓይኑሞ ታ ኔኤም ሺኢሻኔ።

ሙሱራ ታኣኮ ዎዛና

ኔኤኒ ማሂ ሻንቂ ዓውሴ ሼምፔላኣ ዒላሻኔ።

ታና ሜታ ሄላንዳጉዲ ኮዓዞንሢ

ቦርሲንቴኔ፥ ጋፒ ዻውሲንቴኔ።