Η Καινή Διαθήκη

Iconium
1Ἐγένετο δὲ ἐν Ἰκονίῳ κατὰ τὸ αὐτὸ εἰσελθεῖν αὐτοὺς εἰς τὴν συναγωγὴν τῶν Ἰουδαίων, καὶ λαλῆσαι οὕτως ὥστε πιστεῦσαι Ἰουδαίων τε καὶ Ἑλλήνων πολὺ πλῆθος. 2Οἱ δὲ ἀπειθοῦντες Ἰουδαῖοι ἐπήγειραν καὶ ἐκάκωσαν τὰς ψυχὰς τῶν ἐθνῶν κατὰ τῶν ἀδελφῶν. 3Ἱκανὸν μὲν οὖν χρόνον διέτριψαν, παρρησιαζόμενοι ἐπὶ τῷ Κυρίῳ, τῷ μαρτυροῦντι τῷ λόγῳ τῆς χάριτος αὐτοῦ, διδόντι σημεῖα καὶ τέρατα γίνεσθαι διὰ τῶν χειρῶν αὐτῶν. 4Ἐσχίσθη δὲ τὸ πλῆθος τῆς πόλεως· καὶ οἱ μὲν ἦσαν σὺν τοῖς Ἰουδαίοις, οἱ δὲ σὺν τοῖς ἀποστόλοις. 5Ὡς δὲ ἐγένετο ὁρμὴ τῶν ἐθνῶν τε καὶ Ἰουδαίων, σὺν τοῖς ἄρχουσιν αὐτῶν, ὑβρίσαι καὶ λιθοβολῆσαι αὐτούς, 6συνιδόντες κατέφυγον εἰς τὰς πόλεις τῆς Λυκαονίας—Λύστραν καὶ Δέρβην, καὶ τὴν περίχωρον— 7κἀκεῖ ἦσαν εὐαγγελιζόμενοι.
Lystra
8Καί τις ἀνὴρ ἐν Λύστροις ἀδύνατος τοῖς ποσὶν ἐκάθητο (χωλὸς ἐκ κοιλίας μητρὸς αὐτοῦ ὑπάρχων, ὃς οὐδέποτε περιπεπατήκει). 9Οὗτος ἤκουεν τοῦ Παύλου λαλοῦντος· ὃς ἀτενίσας αὐτῷ καὶ ἰδὼν ὅτι πίστιν ἔχει τοῦ σωθῆναι, 10εἶπεν μεγάλῃ τῇ φωνῇ, «Ἀνάστηθι ἐπὶ τοὺς πόδας σου ὀρθός.» Καὶ ἥλλατο καὶ περιεπάτει. 11Οἱ δὲ ὄχλοι, ἰδόντες ὃ ἐποίησεν ὁ Παῦλος, ἐπῆραν τὴν φωνὴν αὐτῶν Λυκαονιστὶ λέγοντες, «Οἱ θεοὶ ὁμοιωθέντες ἀνθρώποις κατέβησαν πρὸς ἡμᾶς.» 12Ἐκάλουν τε τὸν μὲν Βαρνάβαν, Δία, τὸν δὲ Παῦλον, Ἑρμῆν, ἐπειδὴ αὐτὸς ἦν ὁ ἡγούμενος τοῦ λόγου. 13Ὁ δὲ ἱερεὺς τοῦ Διός, τοῦ ὄντος πρὸ τῆς πόλεως αὐτῶν, ταύρους καὶ στέμματα ἐπὶ τοὺς πυλῶνας ἐνέγκας, σὺν τοῖς ὄχλοις ἤθελεν θύειν.
14Ἀκούσαντες δὲ οἱ ἀπόστολοι, Βαρνάβας καὶ Παῦλος, διαρρήξαντες τὰ ἱμάτια αὐτῶν, εἰσεπήδησαν εἰς τὸν ὄχλον, κράζοντες 15καὶ λέγοντες· «Ἄνδρες, τί ταῦτα ποιεῖτε; Καὶ ἡμεῖς ὁμοιοπαθεῖς ὑμῖν ἐσμεν ἄνθρωποι, εὐαγγελιζόμενοι ὑμᾶς ἀπὸ τούτων τῶν ματαίων ἐπιστρέφειν ἐπὶ τὸν Θεὸν τὸν ζῶντα, ὃς ἐποίησεν τὸν οὐρανὸν καὶ τὴν γῆν καὶ τὴν θάλασσαν καὶ πάντα τὰ ἐν αὐτοῖς· 16ὃς ἐν ταῖς παρῳχημέναις γενεαῖς εἴασεν πάντα τὰ ἔθνη πορεύεσθαι ταῖς ὁδοῖς αὐτῶν. 17Καίτοιγε οὐκ ἀμάρτυρον ἑαυτὸν ἀφῆκεν, ἀγαθοποιῶν, οὐρανόθεν ὑμῖν ὑετοὺς διδοὺς καὶ καιροὺς καρποφόρους, ἐμπιπλῶν τροφῆς καὶ εὐφροσύνης τὰς καρδίας ἡμῶν.» 18Καὶ ταῦτα λέγοντες, μόλις κατέπαυσαν τοὺς ὄχλους τοῦ μὴ θύειν αὐτοῖς.
Paul stoned
19Ἐπῆλθον δὲ ἀπὸ Ἀντιοχείας καὶ Ἰκονίου Ἰουδαῖοι, καὶ πείσαντες τοὺς ὄχλους καὶ λιθάσαντες τὸν Παῦλον, ἔσυραν ἔξω τῆς πόλεως, νομίσαντες αὐτὸν τεθνάναι. 20Κυκλωσάντων δὲ τῶν μαθητῶν αὐτόν, ἀναστὰς εἰσῆλθεν εἰς τὴν πόλιν. Καὶ τῇ ἐπαύριον ἐξῆλθεν σὺν τῷ Βαρνάβᾳ εἰς Δέρβην.
The return to Antioch
21Εὐαγγελισάμενοί τε τὴν πόλιν ἐκείνην καὶ μαθητεύσαντες ἱκανούς, ὑπέστρεψαν εἰς Λύστραν καὶ Ἰκόνιον καὶ Ἀντιόχειαν, 22ἐπιστηρίζοντες τὰς ψυχὰς τῶν μαθητῶν, παρακαλοῦντες ἐμμένειν τῇ πίστει, καὶ ὅτι «Διὰ πολλῶν θλίψεων δεῖ ἡμᾶς εἰσελθεῖν εἰς τὴν βασιλείαν τοῦ Θεοῦ.» 23Χειροτονήσαντες δὲ αὐτοῖς πρεσβυτέρους κατ᾿ ἐκκλησίαν, προσευξάμενοι μετὰ νηστειῶν, παρέθεντο αὐτοὺς τῷ Κυρίῳ εἰς ὃν πεπιστεύκεισαν. 24Καὶ διελθόντες τὴν Πισιδίαν, ἦλθον εἰς Παμφυλίαν. 25Καὶ λαλήσαντες ἐν Πέργῃ τὸν λόγον, κατέβησαν εἰς Ἀττάλειαν. 26Κἀκεῖθεν ἀπέπλευσαν εἰς Ἀντιόχειαν, ὅθεν ἦσαν παραδεδομένοι τῇ χάριτι τοῦ Θεοῦ εἰς τὸ ἔργον ὃ ἐπλήρωσαν. 27Παραγενόμενοι δὲ καὶ συναγαγόντες τὴν ἐκκλησίαν, ἀνήγγειλαν ὅσα ἐποίησεν ὁ Θεὸς μετ᾿ αὐτῶν, καὶ ὅτι ἤνοιξεν τοῖς ἔθνεσιν θύραν πίστεως. 28Διέτριβον δὲ ἐκεῖ χρόνον οὐκ ὀλίγον σὺν τοῖς μαθηταῖς.

*14:2 απειθουντες f35 [95%] HF,RP,OC,TR,CP ¦ απειθησαντες (ℵ)A,B(C) [5%] NU ¦ D is wild

†14:3 μαρτυρουντι rell ¦ 1 επι ℵA[NU]

‡14:3 αυτου f35 ℵA,B,D [90%] HF,RP,OC,CP,NU ¦ 1 και C [10%] TR

§14:5 λιθοβολησαι rell ¦ λιθοβολισαι [14%]

*14:7 ησαν ευαγγελιζομενοι f35 C [95%] HF,RP,OC,TR,CP ¦ ~ 21 ℵA,B,D [5%] NU

†14:8 εν λυστροις αδυνατος f35 A,C [97%] HF,RP,OC,TR,CP ¦ ~ 312 ℵB [1%] NU ¦ εκαθητο 3 D ¦ three other variants [2%]

‡14:8 υπαρχων f35 [95%] HF,RP,OC,TR,CP ¦ — ℵA,B,C,D [5%] NU

§14:8 περιπεπατηκει f35 [76%] HF,RP,OC,TR,CP ¦ περιεπατησεν ℵA,B,C [5%] NU ¦ περιπατηκει [12%] ¦ περιεπεπατηκει [6%] some TRs ¦ περειπεπατικει D ¦ two further variants

*14:9 ηκουεν f35 B,C [75%] TR,CP ¦ ηκουσεν ℵA,D [25%] HF,RP,OC,NU

†14:9 πιστιν εχει f35 [95%] HF,RP,OC,TR,CP ¦ ~ 21 ℵA,B,C,D [5%] NU

‡14:10 τη f35 A [98%] HF,RP,OC,TR,CP ¦ — ℵB,C,D [2%] NU

§14:10 φωνη f35 ℵA,B [95%] HF,RP,OC,TR,NU ¦ 1 σοι λεγω εν τω ονοματι του κυριου ιησου χριστου C,D [5%] CP

*14:10 ορθος f35 ℵB,C,D [45%] HF,OC,TR,CP,NU ¦ ορθως [50%] RP ¦ ορθρος A [5%]

†14:10 ηλλατο f35 [30%] ¦ ηλλετο [35%] HF,RP,TR,CP ¦ ηλετο [19%] ¦ ηλατο ℵA,B,C [15%] OC,NU ¦ ανηλατο D ¦ three other variants [1%] (Presumably an unusual form of the 1st aorist that some ‘corrected’ by making it imperfect, while others deleted the ‘extra’ λ.)

‡14:11 δε f35 C,D [98%] HF,RP,OC,TR,CP ¦ τε ℵA,B [2%] NU

§14:11 ο f35 [95%] HF,RP,OC,TR,CP ¦ — ℵA,B,C,D [5%] NU

*14:11 την φωνην αυτων rell ¦ ~ 312 [30%]

†14:12 τε rell ¦ δε D [11%]

‡14:12 μεν f35 [96%] HF,RP,OC,TR,CP ¦ — ℵA,B,C,D [4%] NU

§14:12 δια rell ¦ διαν [20%]

*14:13 ο δε f35 [95%] HF,RP,OC,TR,CP ¦ ο τε ℵA,B [4%] NU ¦ τοτε C [1%] ¦ οι 2 D

†14:13 αυτων f35 [95%] HF,RP,OC,TR,CP ¦ — ℵA,B,C [5%] NU ¦ αυτοις (D)

‡14:13 ηθελεν rell ¦ ηθελον D [35%]

§14:14 εισεπηδησαν f35 [94%] HF,RP,OC,TR,CP ¦ εξεπηδησαν ℵA,B,C,D [6%] NU

*14:15 και rell ¦ — 𝕻45D [15%]

†14:15 υμιν εσμεν f35 C [20%] ¦ ~ 21 𝕻45vℵA,B(D) [60%] HF,RP,OC,TR,CP,NU ¦ 2 [20%]

‡14:15 τον f35 𝕻45D [94%] HF,RP,OC,TR,CP ¦ — ℵA,B,C [6%] NU

§14:15 τον f35 𝕻45ℵ [94%] HF,RP,OC,TR,CP ¦ — A,B,C,D [6%] NU

*14:17 καιτοιγε f35 ℵ [95%] HF,RP,OC,TR,CP ¦ καιτοι A,B,C [3%] NU ¦ και γε 𝕻45D [1%] ¦ two other variants

†14:17 εαυτον f35 C(D) [98%] HF,RP,OC,TR,CP ¦ αυτον 𝕻45ℵA,B [2%] NU

‡14:17 αγαθοποιων f35 D [96%] HF,RP,OC,TR,CP ¦ αγαθουργων ℵA,B,C [4%] NU

§14:17 υμιν f35 𝕻45ℵB,C(D) [83%] HF,RP,OC,NU ¦ ημιν [15%] TR,CP ¦ — A [2%]

*14:17 ημων f35 A [75%] HF,RP,TR,CP ¦ υμων ℵB,C,D [20%] OC,NU ¦ — [5%]

†14:18 αυτοις f35 𝕻45ℵA,B [90%] HF,RP,OC,TR,NU ¦ 1 διατριβοντων δε αυτων και διδασκοντων C,D [10%] CP

‡14:19 επηλθον rell ¦ επηλθαν ℵA,B [1%] NU ¦ ανηλθον 𝕻45 [12%]

§14:19 εσυραν f35 D [43%] OC,CP ¦ εσυρον ℵA,B,C [57%] HF,RP,TR,NU

*14:19 νομισαντες f35 C [96%] HF,RP,OC,TR,CP ¦ νομιζοντες 𝕻45ℵA,B,D [4%] NU

†14:19 τεθναναι f35 (D) [94%] HF,RP,OC,TR,CP ¦ τεθνηκεναι ℵA,B,C [6%] NU

‡14:20 των μαθητων αυτον f35 ℵA,B,C [22%] NU ¦ ~ 312 [55%] HF,RP,OC,TR ¦ ~ αυτων 12 [20%] CP ¦ 12 αυτου D ¦ 12 αυτου 3 𝕻45 ¦ three other variants [2%]

§14:21 ευαγγελισαμενοι rell ¦ ευαγγελιζομενοι A,D [20%]

*14:21 εις f35 D [20%] ¦ 1 την ℵA,B,C [80%] HF,RP,OC,TR,CP,NU

†14:21 και f35 𝕻45D [90%] HF,RP,OC,TR,CP ¦ 1 εις ℵA,B,C [5%] NU ¦ 1 το [5%]

‡14:21 και f35 B,D [95%] HF,RP,OC,TR,CP ¦ 1 εις ℵA,C [5%] NU

§14:23 πρεσβυτερους κατ εκκλησιαν f35 [94%] HF,RP,TR,CP ¦ ~ 231 ℵA,B,C(D) [6%] NU ¦ 123 και OC (in small print)

*14:23 πεπιστευκεισαν rell ¦ επεπιστευκεισαν [14%] ¦ πεπιστευκισαν ℵC ¦ πεπιστευκασιν D [2%] OC ¦ πεπιστευκησαν [1%] ¦ πεπειστευκεισαν A

†14:24 εις f35 A,D [97%] HF,RP,OC,TR,CP ¦ 1 την ℵB,C [3%] NU

‡14:25 ατταλειαν rell ¦ αταλειαν [15%] ¦ αταλιαν [10%] ¦ ατταλιαν ℵA,B,C,D [8%] ¦ two other spellings

§14:27 ανηγγειλαν f35 [92%] HF,RP,OC,TR,CP ¦ ανηγγελλον ℵA,B,C [3%] NU ¦ ανηγγειλον D ¦ απηγγειλαν [5%]

*14:28 εκει f35 [96%] HF,RP,OC,TR,CP ¦ — ℵA,B,C,D [4%] NU